Ijeremaya 15:21 - IWE ỌNỊNỊ

²¹ Ọ kà, ọnị vaa dọ ọnị tụ hụụnị ụvọ aza edivi nịnị anaā mẹ ezigi.

Ijeremaya 15:21 ပူးပေါင်းရင်းမြစ်များ

Oyinyima 48:16

anggẹẹrị ọnọọ ana dọ ọnị ha hụụnị avaba ịsa odivi, ọ̀ navọ kwogwo ò zee yi ezi ẹnẹnị. Ọ̀ navọ kwogwo a vaa sị waa tamayị ịrẹha anị ọnịrị ohiku anị nịnị ana vị Abụrahamị ọnịrị Ayiziiki. Ọ kà ọ̀ navọ ẹ va ma ozi rụrụ, dị ahịka vị ẹ gwẹtẹ ịnị ẹhẹ kẹnẹ nị.”

Ahẹ Ụgama 27:2

Ịjị aza edivi ana vị ọnịvị amị ẹ̀ẹ dà pè mi dị ẹ ka ẹnị aa vaa wụ̀ mị nị, ẹnịnị vị ana vaa tụ́ ahụ dị ẹ vangga.

Ahẹ Ụgama 37:40

Ẹnẹyịmavara vị ana aa gụ wa ụvọ dị ọ dọ wa tụ́ Ọ yị vaa zẹẹ ka ụvọ aza edivi è kú wa Ọ vaa dọ waa ha agụvị ka ê zwe na vaka a.

Ahẹ Ụgama 97:10

Aza ana àa ka ẹnị ê sì ịrẹyị Ẹnẹyịmavara ộ vọrọ ka ẹ̀ẹ nyị ịhyẹrẹ ịsa odivi. Ẹnẹyịmavara vi ene eē sere aza anị ana nyị ịzẹyịza ka asị ịsa odivi mẹ wa.

Ayịsaya 29:20

Anayịchama ana aā kụ́ Ohomorihi isiya vaa taa hụrẹ ẹtẹ. Dị a za avaba aza ana aa mẹ̀ ebira odivi dị a wụ̀ wa và ha.

Ayịsaya 29:5

Ama ọnịvị awụ gigirigi ẹnẹẹ ana vavọọ mẹ wụ avọọ vị oni Ohomorihi vaa vara eteesu nẹrẹ-nẹrẹ. Mị ka anayịchama ẹnẹẹ vị oni Ohomorihi vaa tụ́ ahịị ha anka azịzẹ avọọ. Ịnị ụmẹ ọnị ọza ọ̀ yị hyakụ ro vụrụ-vụrụ,

Ayịsaya 49:26

Ẹnẹyịmavara kà ọnị vaa mẹ aza ana mẹ ẹvaya yị wa ẹẹ wụ̀ ẹngụ ha, dị anya aza ọnị ẹ yaa wụ̀ ọọ mẹrị wa anka eche avọọ. Ịjọnọọ anẹhẹ nịnị vaa yẹ ka Ẹnẹyịmavara ana dọ aza anị ha vị Ohomorihi ana nyị ụkata ẹnẹmẹhị.

Ayịsaya 54:17

Ama ẹ yị nyị ẹnya ịrẹkụ ana hụ vị awụ mẹ, ana vaa mẹ̀ ụkọrọ. Avaba ịrarẹ ana àa sị ịrẹyị awụ na tụ́ ịrẹka, vị ọnị ụ vaa kụụ hi ireche.” Ẹnẹyịmavara kà ịsa ọnị mẹ tịtẹ yị ezi ahụ anị yị, ọnị vaa mẹ ka ẹ̀ nyị ehuna.

Ayịsaya 60:16

Anẹkụra nịnị ọnịrị ohinọyị ẹnịnị vaa pa Isirẹrị anka ọnyị mẹẹ̄ ka ozi anị ịrẹva avọọ. Ẹ vaa yẹ ka Ẹnẹyịmavara ộ raà dọ ọ ha. Ochẹtẹẹngụ Ohomorihi Anisirẹrị ộ raà wara a tịtẹ.

Ijeremaya 16:1

Ijeremaya ka, Ẹnẹyịmavara ộ rẹ kà a yị ọnị ka,

Ijeremaya 20:13

Waa jị ahẹ gono Ẹnẹyịmavara nịnị. Wee gono O nịnị. Ọza ana aza edivi aa sị ụyaa rị vị ọnị ọọ dọ ọ ha.

Ijeremaya 26:24

Ijeremaya ka, agụvị ka ọnọrụ ana aā hị́ Ahikami ozi Isahwani ộ jẹẹ ọnị ịrẹma, ọza ẹ yị rẹ va sị ọnị chire aza ụvọ ka ana wụ ọnị.

Ijeremaya 31:11

Ẹnẹyịmavara kà ọnị o ree si ụta Anisirẹrị nịnị. Ọnị ọ raa dọ wa ha hụụnị ụvọ anẹkụra ene chi wa ẹngụ.

Ijeremaya 38:28

Avọọ Ijeremaya mẹ vana yà ịnị ohweje oserẹtẹ nịnị pooro ne tu ụmẹ ana a sị kụ ịrẹkụ va rị Ijerusarẹmị nị.

Ijeremaya 39:11

Ama ohinọyị Inebukadineza ộ mẹ̀ ọda yị Inebuzaradani ka ọ̀ kà a ka:

Ijeremaya 39:12

È ne si Ijeremaya, dị ẹ̀ sị ụvọ ozoza za a. Ọ kà asị a mẹ̀ ẹ ịrẹyị, ama ịsị oo họ̀ use anị kẹnẹ, ọ̀ mẹẹ yị ọ.

Ijeremaya 50:34

Ama ọza ana vaa dọ waa ha, ọọ kata Ẹnẹyịmavara Ochẹtẹẹngụ ịrẹha anị rị nị. Ọnị ụvọta vaa hụvị ịrẹyị ẹnịnịị kwẹẹtẹ, dị ọ mẹ ka avaba anẹhẹ ẹ̀ nyị ẹngwọọrọ. Ama ọ vaa kụ ẹngụkataa tu Anibabironi nịnị.

Ịdanịyẹrị 3:17

Àa hụ agụvị ịrẹyị ọnọnị kụ ẹnị va hi ịra, Ohomorihi ọnị ẹnị aa hẹkẹ vaa dọ ẹnịị tụ, agụvị ka ọ zụ dọ ẹnị ha hụrẹ ẹ ụvọ. Ọ rẹ zụ dọ ẹnị ha hụụnị ịra anaa za giri-giri bẹẹ.

Ịdanịyẹrị 3:25

Dị ọ rẹ họ̀ wa ka, sị ẹ vẹ dị ọnị vee ré ka aza ẹnị ẹẹna aa zị ụsẹ ịnị ịra nị? Ọ kà ịsa a sị sụ wa ọ sị ngwara, ẹ yị rẹ nyị ịsa ana sị zụ ka aa kata wa ẹngụ, dị ọnị ọhụna ẹnịnị sị mẹẹ anka anggẹẹrị avọọ nị.

Imatiwu 6:13

Asị ụ sị yị tụ ịnị ọyịzamare, ama dọ yị ha hụụnị ụvọ Echu. (Agụvị ka ẹwa vị Ohinọyị, dị ụ nyị avaba ụkata ọnịrị igirima pooro zịna-zịna Aamị!)

Aniroomi 16:20

Ohomorihi anaā sịị ẹngwọọrọ yị, o yi vee kù dị ọ̀ kà Echu ngụ ẹtẹ, dị waa kụ́ ahụụ hi ọọ nịnị. Ẹyịza ọọhẹ Ananyị yị Ijeesu Ikirisiti ọ̀ yà pe avaba awụ nịnị.

2 Anịkọrịntị 1:10

Ohomorihi ộ dọ yị hụrị ụvọ isu ene si tù yi gede-gede. Ọ rẹ vaa dọ yịị há. Yâ sị ayị tụra a ka ọ vaa dọ yịị há.