Ijeremaya 15:20 - IWE ỌNỊNỊ

²⁰ Ẹnẹyịmavara kà ọnị vaa mẹ ka ọnị ọ̀ yà anka ọvọ ana sị enyusẹ ọkatẹngụ tụ avọọ yị Anijuda nịnị. E vee pe ọnị zyaazị ama ẹnịnị e yi vee huna ọnị. Ẹnẹyịmavara kà ọnị vaa jẹẹ pe ọnị, dị ọnị ee sere ọnị. Ẹ yị nyị ịsị ẹ vaa mẹ̀ ọnị.

Ijeremaya 15:20 ပူးပေါင်းရင်းမြစ်များ

Ahẹ Ụgama 37:39

Ẹnẹyịmavara ọọ̄ dọ aza ana aa mẹ ịzẹyịza há nị. Ịjị akanya ọ̀ọ vẹ dị ọ sị ọtụ kà wa ịrẹma.

Ahẹ Ụgama 46:11

Ẹnẹyịmavara ana nyị ụkata vị ana sị ọtụ kà yị ịrẹma. Ohomorihi Ijekọvụ ee sere yi ka asị a nyị ịsị ẹ mẹ̀ yị nị.

Ahẹ Ụgama 46:7

Ẹnẹyịmavara Ochẹtẹẹngụ vị ana sị ọtụ kà yị ịrẹma Ohomorihi Ijekọvụ ee sere yi ka asị a nyị ịsị ẹ mẹ̀ yị nị.

Ayịsaya 41:10

Asị ụ hi angwa ka ọnị ya pe wụ nịnị! Ọnị ọ vị Ohomorihi awụ nịnị, asị ụ hi angwa. Ọnị vaa sị ụkata yị wụ nịnị, dị ọnị gụ wụ nịnị ụvọ, Ọnị vee sere wụ, dị ọnị dọ wụ ha.

Ayịsaya 7:14

Ananyị yị ọnị ụvọta vaa sị apọtẹrẹwa ọnya yị wụ dị wa yẹ ka ịrẹyị ẹnẹnị vị ịzẹyịza. Ozwoorihi ọnya vee zyẹẹ, dị ọ ma ozi ọnọrụ ọnya aanị. Ẹmanụwẹrị ụ vaa hị́ ịrẹha anị nị.

Ijeremaya 1:8

Ẹnẹyịmavara kà, asị ọnị hí angwa ka ọnị vaa ya pe ọnị dị ọnị dọ ọnị tụ.

Ijeremaya 15:10

Ijeremaya ka, kaaa! Aayẹ asị ọnyị anị ma ọnị va ngụ ẹhẹ. Ọnịrị avaba aza aa kụ́ dị ọnịrị wa aa nyị ahankata ngụ ịnị ẹkụraa zị nị. Ọnị ẹ yị rị ọza ụta, ọza ẹ yị rị ọnị; ama ọzọza vanaa tu ozirenu hi ọnị.

Ijeremaya 15:15

Ijeremaya ka, dị ọnị ka, tee! Ẹnẹyịmavara waa yẹ ọ. Ọ̀ navọ ọ̀ tamayị anị dị ọ̀ mẹ ọgụvọ yị ọnị o. Ọ̀ navọ ọ̀ họ̀ oponu ịrẹyị anị ịrẹsụ aza anaa sị ụyaa rị ọnị anị o. Asị ọ kụkụ nyị usuuru yị aza anaa wụ ọnị aanị de. Ọnị ka Ẹnẹyịmavara ọ̀ tamayị ka agụvị anị ọnị aa dọ ụhụụ zị nị.

Ijeremaya 38:28

Avọọ Ijeremaya mẹ vana yà ịnị ohweje oserẹtẹ nịnị pooro ne tu ụmẹ ana a sị kụ ịrẹkụ va rị Ijerusarẹmị nị.

Ijeremaya 39:11

Ama ohinọyị Inebukadineza ộ mẹ̀ ọda yị Inebuzaradani ka ọ̀ kà a ka:

Ijeremaya 42:11

Ẹnẹyịmavara kà, asị ụ re kuku hí angwa ohinọyị Ịbabịrọnị ọnị wee hí angwa anị nịnị aanị. Ọ kà ọnị jẹẹ pe wu nịnị, ọnị vaa dọ wụ nịnịị hụrẹ ụvọ.

Ijeremaya 6:27

Ộ hị́ Ijeremaya ka, ọ̀ zama aza anị re anka a mẹẹ zama enyusẹ re avọọ, dị ọ̀ yẹ ẹngụ aza ẹnẹ vị.

Ezikẹẹrị 3:8

Ohomorihi ka, booro aanị, ọnị vaa mẹ ka ịrẹyị ọnị Ezikẹẹrị ọ̀ katẹngụ ayị ayị anị ọ̀ rẹ katẹngụ anka Anisirẹrị nịnị ana vọ mẹ yà.

Ezikẹẹrị 3:9

Ẹnẹyịmavara kà, vị ọnị mẹ ịrẹsụ Ezikẹẹrị katẹngụ huna ịda ọnị ọza ẹ̀ yị zụ chaka avọọ nị. A sị o hú angwa ẹnịnị; a sị ayị hụrẹ ẹ ịnẹ ẹnịnị èee ré e, agụvị ka vị ẹnịnịī kụ̀ụ hịrẹ ọza nị.

Ịdanịyẹrị 3:17

Àa hụ agụvị ịrẹyị ọnọnị kụ ẹnị va hi ịra, Ohomorihi ọnị ẹnị aa hẹkẹ vaa dọ ẹnịị tụ, agụvị ka ọ zụ dọ ẹnị ha hụrẹ ẹ ụvọ. Ọ rẹ zụ dọ ẹnị ha hụụnị ịra anaa za giri-giri bẹẹ.

2 Itimoti 4:22

Ananyị yị ọ̀ yà ịnị ayị awụ! Ohomorihi ọ̀ mẹ ọyịza wụ nịnị!