Ijeremaya 15:19 - IWE ỌNỊNỊ

¹⁹ Ọsọnị Ẹnẹyịmavara ve tu ọnị ohi anị dị ọ ka, ọnị ọ̀ọ vavẹ, ọnị Ẹnẹyịmavara vaa sị ọnị varẹma dị ọnị rẹ vị ozi ahụ anị. Ọnị ọ̀ọ hụụnị ịrẹyị kẹnẹ-kẹnẹ ọ̀yị kà dị ọnị aa kà ịrẹyị obooro nị, ọnị vaa varẹma vị ọnịsẹ anị. Aza ẹ vaa vẹ vee tu ọnị nị, ẹ yị vị ẹwụ o ve nee tu wa.

Ijeremaya 15:19 ပူးပေါင်းရင်းမြစ်များ

1 Ohinọyị 17:1

Ịnị ụmẹ ọnya, â nyị ọnọrụ ọnya aanị ana aā hị́ Erija. Erija ọnọọ vị Anitisibi ana ra ịnị ẹtẹ Anigiriyadi. Ẹkụhị ọnya dị ọ na kà a yị Ahabị dị ọ ka, “mâ sị Ẹnẹyịmavara ana vị Ohomorihi Anisirẹrị ọnị maa hẹkẹ hị́ eku ka eguhi ọ yị hyakụ vee chire di o ve si tù ka orihi ọ̀ zụ̀ pooro dị ọ̀ mẹ ịrayị chee aanị. Ẹ yị yaa nyị orihi à yị vị mị kà a ka orihi ọ̀ zụ̀.”

Ọyịkụra 4:12

Dị ọ ka ọ̀ọ na, ka ọnị vaa mẹ ka ọ zụ ka ịrẹyị. Ọ rẹ ka ọnị rẹ vaa sị zụ̀ ọ ịsị a vọrọ ka ọ̀ kà.”

Ụhịrẹyị 22:29

Ọza ana yara mẹ̀ ụkọrọ ẹtẹẹrẹ, ọ zụ mẹ̀ ụkọrọ yị ohinọyị nị. Ọ mā mẹ̀ ụkọrọ yị aza kẹnẹ-kẹnẹ.

Ijeremaya 1:9

Ọ kà, dị Ẹnẹyịmavara sị ụvọ kanyị ọnị irenu, dị ọ kà a yị ọnị ka, re, ịrẹyị anị ọnị ọnị vaa kà ọnị sị tụ ọnị irenu aanị nị.

Ijeremaya 15:1

Ijeremaya ka Ẹnẹyịmavara ộ kà a yị ọnị ka, Imosiisi ọnịrị Ịsamụwẹrị ẹ̀ẹ daka va jẹẹ ọvịdị anị dị ẹ yaa dá ịpẹẹ yị ọnị nị, ọnị ẹ yị kụkụ aa vayị Anịjuda nịnị. Ẹnẹyịmavara kà, à dụ wa hụrẹ ọnị eyi, à kà a ka ẹnịnị ẹẹ na.

Ijeremaya 20:9

Ọnị ọ̀ọ va kà a ka ọnị aa sị ayị hụụnị ịrẹyị Ẹnẹyịmavara dị asị ọnị kụkụ ka a ịrẹyị anị, dị ịrẹyị anị aa rị ọnị ayị anka ịra avọọ. Ọnị ộ sị vụrị ka asị ọnị kà a ama ọnị ẹ yị zụ za a.

Ijeremaya 35:19

Avọọ, ọnị Ẹnẹyịmavara Ochẹtẹẹngụ, Ohomorihi Anisirẹrị aa kà a tịtẹ ka ọza é yi vee si ezi Ijonadabị ka ẹ̀ mẹ̀ ụkọrọ anị dị à si e re.

Ijeremaya 4:1

Ẹnẹyịmavara kà, ẹwụ nịnị Anisirẹrị ọ và ka ọnị vẹ, ọ ka wàa mẹ ịzẹyịza hi ọnị nịnị, dị ụ va ori awụ nịnị ha nị, agụvị ka ọnị ọọ nyị ịhyẹrẹ ori.

Ijeremaya 6:29

Ịra aa zá ịnị arasị giri-giri, ama akịka enyusẹ ẹ yị hụ̀ va ha. Ụkọrọ ọọhẹ ọza aa mẹ ka è vara ebira ẹnịnị nị, agụvị ka ọza ẹ yị kụ aza edivi kwooze.

Arụwẹ 1:11

Avaba Anijerusarẹmị aà jị òrèrè ọngwọọngụ e mee si ịsọyịrị; Ẹ kụkụ aa sị ogu ẹnịnị na dọ ịsọyịrị agụvị asị ụngwẹ wụ̀ ẹnị. Dị Anijerusarẹmị kụkụ a jị òrèrè, dị ẹ yaa hị́ Ẹnẹyịmavara kà ọ̀ navọ ò re ụya ọnị ẹnị aa rị aanị nị.

Ezikẹẹrị 2:7

Ẹnẹyịmavara kà, ịsị ọnị ọọ kà a yị ọnị kẹnẹ, ọnị vaa kà a yị wa nị, ẹẹ ka ẹnịị wù, ẹẹ ka ẹnị ẹ́ yị wụ. Asị ayị hi ọnị ka vị Anisirẹrị nịnịị kụ́ụ hịrẹ ọza nị.

Ezikẹẹrị 22:26

Ọdọvịdị irehi ẹnịnị ẹ́ yị saasa ọda anị. Ẹnịnị sị ụbanyị yị ịsị ọnịnị (ana vị Ohomorihi). Ẹnịnị ẹ́ yị zẹẹ ka à yẹ ịsị ana vị ọnịnị tụ irenyi yị ịsị ana vọ. Ẹnịnị ẹ́ yị kọ ọ yị aza ka ẹ̀ yẹ ịsị ana nị ọnịrị ẹnẹ ẹ̀ yị nị. Ẹnịnị ẹ̀ yị rẹ sị ụbanyị yị ẹkụhị ụhwọtụ anị nị.

Ezikẹẹrị 44:23

Ẹnẹyịmavara kà ẹnịnị vaa kọ ọ yị aza anị ịsị ẹ vị ịsa Ohomorihi sị jị aza kẹnẹ nyee. Ẹ rẹ vaa kọ ọ yị wa ịsị wụra mẹ ido ọnịrị ẹnẹ ẹ̀ yị wụra mẹ̀ ẹ.

Ireevi 10:10

 nyị ka ẹnịnị ẹ̀ sị ịsa ana vị Ohomorihi tụ irenyi yị ịsa kẹnẹ ana vọ, dị ẹ̀ rẹ sị ịsa ana wụra mẹ ido tụ irenyi yị ịsa ẹnẹ ẹ̀ yị wụra mẹ ido.

Ireevi 14:57

Ọda ẹnẹnị ẹ vaa mẹ ka à kà a ka ịsa ọ́ọ nị à vị ẹ́ yị nị nị.

Ijona 3:2

Dị ọ kà Ijona ọ̀ nọ Ininivẹ, ẹkụra ọbanyị ọnọọ, dị ọ na ka ụtụ ọnị ọnị tụ́ ọ hi wa nị.

Ịzakaraya 3:7

Ịsị ọnị Ẹnẹyịmavara Ochẹtẹẹngụ kà yị, Ọ kà Ijosuwa ọ̀ọ zị ụsẹ ịnị avaba oze anị, dị ọ mẹ̀ ịsa ọnị ọnị sì nị, ọ vaa mẹ ịjọva tụra irehi anị ịrẹsụ, dị ọ vị ọga tụra avaba ohweje ene hi ini irehi anị nị. Ọnị vaa sị ọ tụ́ udi ịnị akakana aza ene hi ịzọọ.

Iruuku 1:19

Dị anggẹẹrị tụ́ ọọ ohi dị ọ ka, “Ẹma vị Igebirẹẹrị nị. Ọvịdị Ohomorihi mịị̄ jẹẹ nị. Ộ tụ́ mị ka ma va kà ịrẹyị yị wụ, dị ma sị enube ịrajẹ ọnọnị va yị wụ nị.

Iruuku 10:16

Dị Ijeesu kà a yị ezirẹma anị ka, “Ọza ana àa wụ́ ịrẹyị awụ nịnị, ẹmị ọ rẹ wụ́ ịrẹyị anị avọọ nị. Ọza ana àa sị eyi wụ wụ nịnị, ẹmị ọ rẹ sị eyi wụ avọọ nị. Ọza ana àa sị eyi wụ̀ mị, Ohomorihi ana tụ́ mị, ọ sị eyi wụ avọọ nị.”

Iruuku 12:12

Ịjị ụmẹ òo si tù, Ụhwẹ Ọnịnị vaa sịị zụ̀ wụ nịnị ịrẹyị ana a vọrọ ka wa kà nịnị.”

Iruuku 21:15

Mị vaa sị ịrẹyị tụ́ wụ nịnị irenu, dị mị rẹ sị ịrẹyọyẹ wụ nịnị, ana ahịka ọnịvị awụ nịnị ẹ yị va zụụ jẹẹ pe wu nịnị, e yi re ve zuu yi ịrẹyị ọnị ụ wàa kà nịnị.

Iruuku 21:36

Agụvị avọọ, wee zí nịnị, dị ụ waa mẹ̀ aduwa nịnị ụmẹ tụra ụmẹ, agụvị dị ụ wa nyẹngụ há hụụnị avaba ịsa ana aa vẹ nịnị aanị, dị ụ wa zụ jẹẹ ọ́vịdị ẹmị Ozi ọza onigirima.”

Odeyi 20:27

Ma raà kà a wụ nịnị avaba ịsị Ohomorihi ee sì ka ọnị ọ̀ mẹ. Ẹ yị nyị ana angwa hí mi ọnị mẹ̀ yị kà wụ nịnị.

2 Anịkọrịntị 5:16

Ye yi kuku re ọzọnyị-ọzọnyị, anka ánẹhẹ mee re wa. Yàa daka vịdị sị eyi anẹhẹ re Ikirisiti, yẹ yị kụkụ vavọọ mẹ.

Anigaratiya 1:10

U wéé yi ro ka m maa dụ ka ọza ọ̀ọ ga mị nị, à vị Ohomorihi mi sì ka ọ̀ọ ga mị nị? Eyi ọza m maa mẹ̀ nị? Mèe yii sì ka ma mẹ eyi ọza, mẹ yị zụ vị ozi ahụ Ijeesu Ikirisiti.

Anigaratiya 2:5

Yẹ yị sị oze yị wa vụrụ-vụrụ, agụvị dị ụ wa nyẹngụ sị ụvọ za enube ọyịza ana vị ịzẹyịza anka ọ mẹ̀ yị yà.

Anihiburu 5:14

Ịsa ọyịrị obooro ázọkụụ̄ rị nị. Ẹnịnị ệ kọsẹ ịrẹyọyẹ, agụvị avọọ ẹ sị ọyịza ọnịrị odivi yẹ.

Ijudi 1:24

Ohomorihi ọ nyẹngụ sị eyi pe wu nịnị ka asị ụ hyẹdụ hụụnị oze anị; dị ọ sị́ wụ nịnị va tụ ịdị anị ịnị ụbanyị anị, wẹ́ yị vaa nyị ịvị vụrụ-vụrụ ịzọọ nịnị, dị ayị awụ nịnị ee hine ẹtẹẹtẹrẹ.