Ijeremaya 15:13 - IWE ỌNỊNỊ

¹³ Ijeremaya ka Ẹnẹyịmavara ộ kà a yị ọnị ka, ọnị vaa tụ ọnịvị ka ẹ̀ va kụ ọgụ aza anị ọnịrị avaba ịsa ọkụmị-ọkụmị ẹnẹ nyị, dị ọnị ọ̀ sị sị ụya rị wa agụvị ebira odivi ẹnẹ ẹyaa mẹ ngụ ẹkụra ẹnịnị zị.

Ijeremaya 15:13 ပူးပေါင်းရင်းမြစ်များ

Ahẹ Ụgama 44:12

Ẹyị ana vị aza awụ vị ọnị ụ ná ọyịpọ̀ yị ọnịvị ayị ị kụkụ sị mẹẹ anka ịsa kẹnẹ-kẹnẹ avọọ nị.

Ayịsaya 52:3

Ẹnẹyịmavara ộ kà a yị aza anị ka, “Ẹ yị nyị ẹkẹhị ene e si ụmẹ ana a za wụ nịnị ọrịhị; avọọ gẹdẹ-gẹdẹ, ẹ yị nyị ịsị e re vee si, dị a dọ wụ nịnị varẹma.”

Ayịsaya 52:5

Booro aanị, Anibabironi ẹ́ rẹ sị ụ nịnị za ọrịhị, ẹ yị yaanị nyị iruvo ana a vọrọ ka ẹ̀ sị vaa mẹ vụrụ-vụrụ. Ẹnị anaa mẹ ohii tụra awụ nịnị vị enee wo oto, dị ẹyaa nyị irenuu zị. Eyinị-eyinị vị ene ẹyaa kụ mị ụhụ.

Ijeremaya 15:8

Osoku awụ nịnị vana gụ duu kẹnẹ. Ọnị ộ wụ ezwọọmụha awụ nịnị ha, dị ọnị mẹ ka ọnyị ẹnịnị ẹẹ rị ụya nị. Ụyọrị ọnịrị ayịhụrịnẹ ọnị sị wụ̀ wa ịnị ụmẹ ọnị ẹnịnị ẹ̀ yị tụra eyi nị.

Ijeremaya 17:3

Waa nọ ịnị ataba ene hi ịnị akakana ẹkụra naa mẹ ori nịnị. Agụvị avọọ dị Ẹnẹyịmavara kà ọnị vaa mẹ ka ọnịvị awụ nịnị ẹ̀ va kụ́ ogu awụ nịnị ọnịrị ịsa ọkụmị-ọkụmị ọnị ụ nyị nịnị agụvị ebira odivi ọnị waa mẹẹ ngụ ẹkụra awụ nịnịị zị.

Ijeremaya 20:5

Ẹnẹyịmavara kà ọnị vaa sị avaba ogu Ijuda ọnịrị ịsa anaa mẹ ịnị anịị chire ọnịvị ẹnịnịị ụvọ ka ẹ̀ kụ ọ. Ọ kà avaba ịsa ene e sì ịrẹyị anị hu kere-kere ọnịrị avaba ogu ohinọyị ẹnịnị vị ọnị ọnị ve sii chire ọnịvị ẹnịnịị ụvọ. Ọnịvị ẹnịnị vaa kụ ogu ẹnịnị nee hi Ịbabịrọnị.

Ezikẹẹrị 38:13

Aniseba ẹnịrị Anidedani nịnị beri ẹnị osohu hụrị ẹkụra eweyi-eweyi ene hi ẹtẹ Itasisi vaa họ̀ wụ ka, vị́ wáá kụ isoja awụ gụ aa naa kụ ịrẹkụ ụvị we re oze kụ aza ẹnya nịnị nị? Á vị isiriva ọnịrị igooru, ịsụpa ọnịrị ogu aza u wee sì ka wa na kụ nịnịị?

Ịzẹhwanaya 1:13

A vaa dọ wa ogu ẹnẹ ẹ nyị. Ẹnịnị ẹ yị vaa ra ịnị irehi ẹnị ẹ sị ụvọta ẹnịnị da. Ẹnịnị e yi vee re oze mẹ eche hụụnị ụbazị ịvayịnị ẹnịnị, dị ẹ hyakụ vee hú ịnị anị. Irehi ẹnịnị vị ana vaa chaka, dị ẹ para eburu anị hu.