Ijeremaya 14:9 - IWE ỌNỊNỊ

⁹ Ẹ ka sị ẹ vẹ dị ọnị kụkụ sị mẹ anka ọza ọnị ịrẹyị hụrẹ hi avọọ? Dị ọnị aa mẹ anka isoja ẹnẹ ẹ yị nyị ụkata ọyị gụ ọza ụvọ avọọ? Ẹ ka, ịzẹyịza, ọnị Ẹnẹyịmavara jẹẹ pe ẹnị. Aza anị ẹnị vị nị, aarịhịnị asị ọnị hụrẹ ẹnị ụvọ.

Ijeremaya 14:9 ပူးပေါင်းရင်းမြစ်များ

2 Ịtọpa 7:14

Aza anị ana aa sị ịrẹha anị hị́, ẹ̀ẹ va ẹngụ ẹnịnị nẹtẹ, dị ẹ mẹ̀ aduwa, dị ẹ ro ịnẹ varẹma, dị ẹ va hụụnị ebira odivi ẹnịnị, ọnị vaa wụ́ aduwa ẹnịnị hụrẹ ẹbẹẹba, dị ọnị sị eyi hụụnị ịvị ẹnịnị, dị ọnị mẹ ẹtẹ ẹnịnị zoza yị ịsa aarẹ.

Ahẹ Ụgama 10:1

Ẹnẹyịmavara, ịrẹyị o tù yị aanị nọ Navọ asị ụ sị ẹngụ tẹ Aarịhịnị navọ wa kà pè yị.

Ahẹ Ụgama 27:9

Aarịhịnị, navọ asị ụ sị ẹngụ tẹẹ mị Navọ asị ụ sị ọyịkụ dụ mị hụụ ịdị awụ Mâ yẹ ka ẹwaā gụ mị ụvọ nị, navọ asị ụ hụrẹ mị ụvọ tịtẹ ẹwụ Ohomorihi ana aā dọ mịị ha.

Ahẹ Ụgama 46:5

Ohomorihi yà ịnị akakana anẹkụra ọnọọ agụvị avọọ ẹ yị nyị ịsị e zụ zizi ọ Ohomorihi vee jintu vaa gụ ọ ụvọ ẹnẹnẹ viri-viri.

Ayịsaya 12:6

Navọ avaba aza ana ra Ịzayọnị ọsị ọngwẹ tụ ẹba jị ahẹ! Ohomorihi ọnịnị Isirẹrị ọọ nyị ụbanyị, ọ yà ịnị akakana aza anị.”

Ayịsaya 43:7

Avaba aza ana aa sị ịrẹha amịị hị́, vị ọnị mị tụ́ ka ẹ̀ vaa sị ụbanyịị yị mị. Ẹ̀ ma tụ́ wa nị.”

Ayịsaya 51:9

Anisirẹrị nịnị ka Ẹnẹyịmavara ọ kwẹẹtẹ ọ gụ ẹnịnị ụvọ! Ọ sị ụkata dọ ẹnị ha anka ọ mẹ kwẹẹtẹ tu ọnịvị ẹnịnị ịnị ụmẹ ịyẹẹyẹ. Ọnị ộ gara Anijipiti, uye odivi ana aā hị́ Ịrahabị nị.

Ayịsaya 59:1

Re, u wéé ro ka Ẹnẹyịmavara ẹ yị nyị ụkata dọ ọza ha, a vị o gu ụtọ dị ẹ yị wụ́ aduwa awụ nịnị nị?

Ayịsaya 63:19

Ụ mẹ̀ yi anka aza ọnị wẹ yị vị ọdọvịdị anị avọọ. Ọ sị mẹ anka ị yị vị aza awụ avọọ nị.

Ijeremaya 15:16

Ọ kà, ọnị ộ wụ avaba ịrẹyị ẹnẹ Ẹnẹyịmavara kà yị ọnị. Ẹnẹyịmavara Ohomorihi Ochẹtẹẹngụ, awụ ọnị vị nọ, agụvị avọọ, ịrẹyị awụ ọ mẹ ka ayị anị oo hine dị ọnị ọọ jẹ ịrajẹ nị.

Ijeremaya 51:5

Ẹnẹyịmavara kà, ọnị Ohomorihi Ochẹtẹẹngụ, ẹ́ yị hụrẹ Anisirẹrị ọnịrị Anijuda nịnịị ụvọ, ọọ́ daka vị ka ẹnịnị ệ mẹ̀ ebira odivi hi ọnị.

Ijeremaya 8:19

Sị ụtọ pe ẹtẹ, ịzị waa zị ịnị ẹkụra kẹnẹ, vị ọnị aa wụ̀ aza anị maa jị òrèrè. Ẹnịnị ka, aanị ka vị Ẹnẹyịmavara ẹ yị kụkụ ya nị? Aanị ka vị ohinọyị ẹ̀ yị kụkụ yà ịzọọ nị? Dị Ẹnẹyịmavara, ohinọyị ẹnịnị tụ́ ohi, dị ọ ka sị ẹ vẹ dị ụ na hẹkẹ ori nịnị, dị wee ku ẹtẹ yị ori ọzọga kẹnẹ-kẹnẹ ọnị ụ na dọ nịnị, dị waa sịị mẹ ayịị kụ ọnị nịnị?

Arụwẹ 5:20

Sị ẹ vẹ dị Ẹnẹyịmavara maanị hi ayị ayị gọdọ? Sị ẹ vẹ dị ụ maanị và ịrẹma ayị gọdọ?

Ezikẹẹrị 48:35

Ụgọdọ avaba ọvọ ana a tụra kara Ijerusarẹmị vị okuvọ akahị-akahị oze ịhịịna. Hụrị ọyaanị na, ịrẹha ẹkụra ọbanyị ọnọnị á vanaa hị́ Ẹnẹyịmavara ya ịzẹnị nị.

Ihabaku 1:2

Ihabaku ộ họ̀ Ẹnẹyịmavara kà ịzị ọnị vaa da ịpẹ yị ọ nee tù di o vee tụ́ ohi? Ọnị ee sụ́ ùnè hi ọ ẹngụ ka ọ̀ dọ ẹnị ha hụụnị ẹngụkata ene tu ẹnị, dị ọ ha ẹtẹ tụ́ ẹnị nị.

Ịzakaraya 2:5

Ẹnẹyịmavara kà a ọnị ụvọta vee sere wa, dị ọnị vị́ ịra kara wa anka ọvọ avọọ. Ụbanyị anị vaa ya ịnị ayị ẹnịnị.

Ịzakaraya 8:3

Ịsị Ẹnẹyịmavara Ochẹtẹẹngụ kà yị: Ọ kà ọnị vaa vavẹ Ịzayọnị, dị ọnị ra Ijerusarẹmị. A vaa hị́ Ijerusarẹmị ẹkụra ọnịrẹyịzẹyịza, dị a hị́ ataba Ẹnẹyịmavara Ochẹtẹẹngụ ataba ọnịnị

Ịrịka 11:23

Dị Ẹnẹyịmavara tụ Imosiisi ohi ka ẹ yị ịsa ọnị ọnị ẹ yị zụ mẹ. O nee zi ka o vee re ka ịrẹyị ọnị ka vaa sẹ.

Odeyi 15:17

di avaba aza ana vọ è zụ sì Ohomorihi, ọnị ọ vị ka avaba Anigiriki ọnị ọnị raà hị́ ka ẹ̀ vị áanị. Ananyị yị ana mẹ avaba ịsa ẹnẹnị ọ vavọọ kà a nị.’

2 Anịkọrịntị 6:16

Sị ẹ zụ kụ́ irehi Ohomorihi ọnịrị ori vabẹ? Ẹya vị irehi Ohomorihi ana yára nị, agụvị ka Ohomorihi ộ kà a ka, ọnị vaa ra ịnịnẹ ẹnịnị, dị ọnị aa ngụ ịnị akakana ẹnịnịị zị. Ọnị vaa vị Ohomorihi ẹnịnị, dị ẹnị rẹ vị aza anị.

Iwe Ọhụhị Imosiisi ana aa hị́ Ọyịvatụrọda 23:14

Agụvị ka Ẹnẹyịmavara Ohomorihi awụ ya avaba aha udi ọnọnị, di e sere wu, dị ọ dọ ha hụụnị ụvọ ọnịvị awụ. Navọ ịzị ụ kụ́ udi aanị ọ vị aha ọnịnị, agụvị dị asị o re ebira odivi ịnị akakana awụ nịnị dị ọ va varẹma wụ nịnị.

Iwe Ọhụhị Imosiisi ana aa hị́ Ọyịvatụrọda 28:10

Avaba anẹhẹ vee re e ka, Ẹnẹyịmavara ọ nyị wụ nịnị ka wa vị aza anị nịnị nị. Ẹnịnị vee hí angwa awụ nịnị.

Anihiburu 13:5

Asị ụ zẹẹ ka wa họ́họ̀ha ẹkẹhị ịnị ẹhẹ awụ nịnị! Ama re ka ịsị ụ wàa nyị, ọ́ọ vavọọ hụ wụ nịnị! Wáa yẹ ka Ohomorihi ọ sị ọọ kà ka ọnị ọ yị vaa navọ wụ nịnị tịtẹ, ọnị ọ yị rẹ vaa sị ayịị hụụnị ịrẹyị awụ nịnị.

Ẹtore 21:3

Dị mị wụ́ ọngwẹ ọbanyị ọnya hụrẹ ẹbẹẹba vẹ, dị ọ ka, “Re! Irehi Ohomorihi yàrị aza. Ohomorihi yàrị aza. Ohomorihi vaa raa pe wa, dị ẹ vị aza anị. Dị Ohomorihi ọnị ụvọta yà ịda ẹnịnị, dị ọ vị Ohomorihi ẹnịnị.

1 Ịsamụwẹrị 12:22

Ẹnẹyịmavara ọ raà wo oto ka ọnị e yi vee yi wu nịnị tịtẹ agụvị dị ọnị ọ̀ sị wụ nịnị mẹ aza anị.