Ijeremaya 14:7 - IWE ỌNỊNỊ

⁷ Ẹnẹyịmavara kà, aza anị aa jị òrèrè ka, ịzẹyịza, ịvị ẹnịnị aa dọ ẹnị ivenu de, ama, ọnị navọ ọnị ọ̀ gu ẹnị ụvọ anka ọnị mẹ vịdị kà a. Ẹ ka, ụmẹ ọrụrụ-ọrụrụ ẹnị sị va ịrẹma Ẹnẹyịmavara nị, ẹnị ẹ raa rị ịvị anị.

Ijeremaya 14:7 ပူးပေါင်းရင်းမြစ်များ

Ẹzịra 9:15

Ẹnẹyịmavara Ohomorihi Anisirẹrị, ọnịzẹyịza ụ vị nị. Ama wâ navọ ẹyị ana vẹtẹ ka ya yara ve tu ajịnị. Yâ dọ irenu ka yâ rị ịvị. Ọnị ọ mẹ ka asị ị kụkụ zụ vẹ ọvịdị awụ nị.

Ahẹ Ụgama 115:1

Ẹnẹyịmavara, ẹwụ ịnyara kẹnẹ a vọrọ ka àa sị ụbanyịị yị nị. A yị nyị aayị ịnị anị vụrụ-vụrụ, agụvị ka uū sì ịrẹyị ọza, dị ahịka ịzẹyịza ụ rẹẹ mẹ nị.

Ahẹ Ụgama 25:11

Ẹnẹyịmavara, ebira odivi amị ộ banyị ịzẹyịza ama navọ wa hụ agụvị ụbanyị ẹngụ awụ wa vagu mị.

Ahẹ Ụgama 79:9

Ohomorihi, ẹwaā dị yịị ha nọ, navọ wa hụ agụvị ụbanyị ẹngụ awụ wa gụ yị ụvọ. Hụ agụvị ụbanyị ẹngụ awụ wa vagu yị, dị wa dọ yị tụ́.

Ayịsaya 48:11

Ọ kà agụvị ẹngụ anị ọnị dọ wa ha nị. Ịzẹyịza, agụvị ẹngụ anị yọ nị. Ọnị ọ yị vaa zẹ ka a mẹ̀ ụhị nyị ịrẹha anị, a vị ka ọnịrị ọzọnyọzọnyị ọ ga ụbanyị ana vị áanị ịnya kẹnẹ.

Ayịsaya 59:12

Ebira odivi ẹnịnị vị ana gwẹẹtẹ ọvịdị Ohomorihi, dị ẹ yaa jị ịvị yị wa. Ẹnịnị ẹ yẹ avaba ebira odivi ẹnẹ mẹ̀.

Ijeremaya 10:19

Dị Anijerusarẹmị nịnị na owu zẹtẹ ka: ụnava ẹnịnị ọnọnị oo divi o! Ụnava ọnọnị ẹ yị zụ vị ọ. Vị ẹnị vịdị ro ka ịsị ẹnị zụ sị ẹngụ dọ yọ nị.

Ijeremaya 2:19

Ẹnẹyịmavara Ochẹtẹẹngụ ka ọnị ọ sị ọ ka: Ebira odivi awụ nịnị ọ vaa sị ụya rị ụ nịnị nị. Ụ vee vú ẹtẹ nịnị agụvị ka waa và ịrẹma anị nịnị nị. Ụ vee re ịsị aa hị́ ụya nịnị, dị wa yẹ́ nịnị ka ẹ yị zoza ka we yị Ẹnẹyịmavara ana vị Ohomorihi awụ nịnị tịtẹ, dị à sị ụ kụkụ nyị angwahi anị nịnị.

Ijeremaya 3:25

Ẹ ka, à jẹẹ vị ẹnị sụtẹẹtẹ và hí ẹtẹ ụhị-ụhị, agụvị ka ẹnịrị ohiku ẹnịnị ẹ sị ebira odivi mẹ hi Ẹnẹyịmavara, Ohomorihi ẹnịnị. Ẹ ka, ẹnị mẹ hụrẹ vị ozweyi, pooro va ngụ ajịnị, ẹnị ẹ yị wụ́ chire Ohomorihi da.

Ijeremaya 3:6

Ijeremaya ka, Ẹnẹyịmavara ộ ka ẹ yị ọnị, ụmẹ ọnị Ijosaya sị vị ohinọyị ka, ọnị oo rẹ ịsị Anisirẹrị nịnị mẹ? Anisirẹrị nịnị vị ọnyẹnẹẹ ẹnẹẹ yị nyị ịzẹyịza. Ọ sị ịrẹma và ka ọnị, dị ọ naa sẹ̀ ịrẹka ngụ ịrẹsụ ataba ọnịrị iruvo avaba ọchị ohwoohu zị nị.

Ijeremaya 5:25

Ọ kà ebira odivi awụ nịnị ọ raa mẹ ka asị ụ kuku re ịsa ọyịza ẹnẹnị nịnị.

Ijeremaya 5:6

Ịsị idu nịnị vaa sị hụụnị iruku vaa wụ̀ wa ha ọ vị ọnọọ nị; dị akatapooro nịnị hụụnị ụnọmị va gara wa ha chẹkẹ-chẹkẹ. Dị ẹzụ e be wa ịnị ẹkụra, ọza anaa jịnẹ tụ ẹhẹ dị ọ na a ha agụvị ka ebira odivi ẹnịnị ọ sị dẹngụ baaba. Ụmẹ tụra ụmẹ ẹnịnị sịị ha hụrị oze Ohomorihi nị.

Ijeremaya 8:14

Dị ẹnị aza Ohomorihi ka, sị ẹnị yaatụ ịzị ẹnaanị ee zi? Ẹ ka, a vẹ ẹnị e dudu zwe ne hi ẹkụra ana a jị ọvọ kara, dị ẹnị è sú hi ịzọọ. Ka, Ẹnẹyịmavara, Ohomorihi ẹnịnị ọ sị ẹnị hụrẹ ụvọ yị isu, ọ raa sị ẹchịpa yị ẹnị ka ẹnị è hú ọ; ka ẹnị ẹ sị ebira odivi mẹ hi ọ.

Ijeremaya 8:5

Ọ kà, ẹwụ nịnị aza anị, sị ẹ vẹ dị ụ nyeeyi nịnị, dị wẹ yị kụkụ và ka ọnị vẹ nịnị? Ụ ka ẹwụ nịnị yị, evene yị, we yi ka wẹ yị và ka ọnị vẹ nịnị.

Ezikẹẹrị 20:14

Ama ọnị ộ hụ agụvị ka a va sị ịrẹha anị sìsí ẹtẹ ọvịdị avaba anẹkụra ọnị ọnị kụ Anisirẹrị nịnị hụrị Ijipiti, ọnị ộ za avọ hi.

Ezikẹẹrị 20:22

Ama ọnị ộ za avọ hi, ọnị ọ rẹ va mẹ ọyịkụ hi wa agụvị ka a va sị ịrẹha anị sìsi ẹtẹ ọvịdị avaba anẹkụra ọnị ọnị yà eyi ẹnịnị kụ Anisirẹrị nịnị hụrẹ Ijipiti.

Ezikẹẹrị 20:9

Ama ọnị ẹ yị rẹ va vavọọ mẹ, ọnị yaanị raa sị ẹngụ anị sìsi ẹtẹ ọnị ọọ vavọọ mẹ, agụvị ka eyi avaba aza ẹnẹ ẹnịrị Anisirẹrị nịnị rá vabẹ ọnị kà a yị wa ka ọnị vaa kụ waa hụrị ẹtẹ Ijipiti nị.

Ihoseya 5:5

Ka Anisirẹrị nịnị aa sị ẹngụ ẹnịnị tụ́ ẹba, ebira odivi ẹnịnị aa vị ụhị tù wa nị. Anehwireemi ọnịrị Anijuda ẹ̀ kụ vanga hyẹdụ tụ ịnị ebira odivi.

Ihoseya 7:10

Ka ẹnịnị aa sị ẹngụ tụ ẹba, ẹnịnị ẹ yị varẹma ne tu Ẹnẹyịmavara Ohomorihi ẹnịnị ịnị ụmẹ ọnị ịrẹyị sị tụ́ wa.

Emọsị 7:2

Ịjị akụvarịva raa rị avaba avị za ọchị avaba aha, dị Emọsị da ịpẹ yị Ẹnẹyịmavara kà ọ vagu Anisirẹrị nị. Dị ọ ka asị ọ vu wa ẹtẹ ka ẹnịnị ẹ yị nyọya.

Imika 7:9

Ẹnẹyịmavara ya raà rị ịvị awụ, agụvị avọọ yaa sị ẹngụ dọ ọyịkụ awụ. Ama ọ vị ịrẹma anị, ụ vaa vụ ịrẹvụ yị yị, di u sí atọ ịsị a mẹ yị. Ọ vaa sị yị vẹ ịnị ẹtohweyi; ọ vaa dọ yị ha.

Anẹhwẹsọsị 1:12

ẹyị ana ahịka ẹya vịdị aa tụra Ikirisiti eyi aanị nị, ya ga ụbanyị Ohomorihi.

Anẹhwẹsọsị 1:6

À vẹ yaa ga Ohomorihi, agụvị ka ayamva anị ọ́ọ nyị ụbanyị ẹtẹẹtẹrẹ, ọnị ọ vị ka ộ vayị ayị ini oze Ozi anị oni o sì ịrẹyị anị ẹtẹẹtẹrẹ.

Iwe Ọhụhị Imosiisi ana aa hị́ Ọyịvatụrọda 32:27

Ama ọnị ẹ yị vaa zẹ ka ọnịvị ẹnịnị e wo oto ka ẹnị e reè huna wa; agụvị ka ọnị ụvọta ộ vavọọ sị wa siisi ẹtẹ nị.

Ijosuwa 7:9

Ịjị Anikenaani nịnị ọnịrị anẹkụra ana vọ ẹẹ wụ́ ịsị e tu ẹnị, dị ẹ vẹ ẹnị ịrẹkụ dị ẹ wụ́ ẹnị va ha. Ẹnẹyịmavara mẹẹ vaa mẹ̀ ụhị ọnọọ?