Ijeremaya 14:18 - IWE ỌNỊNỊ

¹⁸ Ọ kà, ọnị ộ nọ ịnị aarẹ, dị ọnị re oku aza ana wụ̀ va hi ẹtẹ eyi ịrẹkụ. Ịjị ọnị va nọ ịnị ẹkụra, ọnị ee re ụngwẹ maa wụ̀ azaa vaa hi ẹtẹ. Ọ kà, ọnịsẹ nịnị ẹnịrị ohirẹsụ irehi Ohomorihi aa yịị mẹ̀ ụkọrọ ẹnịnị, ama ẹnịnị ẹ yị yẹ ịsị ẹ yaa mẹ.

Ijeremaya 14:18 ပူးပေါင်းရင်းမြစ်များ

Ayịsaya 22:2

Avaba ẹkụra aa sụ́rẹyị, aza aa kụ́ ịrẹka ẹ màa jẹ ịrajẹ. Aza awụ nịnị vee sú ịnị ịrẹkụ, ama ẹ yị vị ụhwọ a vaa sị wụ̀ wa, hyakụ vị ọvịdị ịrẹkụ ẹ vaa yàa sú.

Ayịsaya 28:7

Ọnịsẹ nịnị ọnịrị ohirẹsụ irehi Ohomorihi ẹnị vi ene re hú eche dị aa mẹrị wa ẹtẹẹtẹrẹ. Eche ộ mẹrị wa pooro ẹ yị kụkụ yẹ ịsị ẹ yaa mẹ, dị ahịka vị ẹ kụkụ aa và angga kẹnẹ nị. Eche ộ mẹrị ọnịsẹ nịnị pooro ne tu ka Ohomorihi ọ̀ọ kụkụ sị ịrẹyị zụ̀ wa e yi re e. Eche ọnị ọ yị rẹ zẹẹ ka ohirẹsụ irehi Ohomorihi nịnị ẹ̀ kụkụ yẹ a mẹ̀ vọrọ ka ẹ̀ẹ mẹ̀ ọkarẹyị.

Ijeremaya 2:8

Ẹnị ohirẹsụ irehi Ohomorihi ẹ yị kụkụ họ̀ use ka Ẹnẹyịmavara mẹ kà kẹ. Ẹnẹyịmavara kà ẹnị ohirẹsụ irehi anị ẹ yị kụkụ yẹ ọnị, Ẹnị ohinọyị ẹnịnị ệ kụ hịrẹ ọnị; ọnịsẹ nịnị kụkụ â sị ịrẹha ori anaā hị́ Ịbaarị kà ịrẹyị, dị ẹyaa hẹkẹ ori ịyẹyẹ-ịyẹyẹ nị.

Ijeremaya 23:21

Ẹnẹyịmavara kà, dị ọnịsẹ ẹnẹnị daka ee zwe echi dị ẹyaa kà ịsẹ ngwọọ zịịzị aanị, ọnị ẹ yị tụ wa ụtụ; ọnị ẹ yị kà ịrẹyị yị wa.

Ijeremaya 5:31

Ọnịsẹ nịnị kụkụ èe cheeche; ohirẹsụ irehi Ohomorihi nịnị vị ana kụkụ a sị ọda ẹngụ ẹnịnị mẹ ịsị ẹ yaa mẹ, dị aza anị vavọọ yị si ọ ka a vavọọ mẹẹ nị. Ama sị ụ vaa mẹ nịnị ịnị ẹzẹtẹ anị kẹ?

Ijeremaya 6:13

Ọ kà, hụụnị ozweyi ẹnịnị na ngụ azọkụ ẹnịnị vị anaa sị asuvuu sị ẹkẹhị. Ọnịsẹ ẹnịnị ọnịrị ohirẹsụ irehi Ohomorihi ẹnịnị vị anaa mẹ ọzaa rị.

Ijeremaya 6:25

Ẹnị ẹ yị kụkụ nyayịnẹ nọ ịnị aarẹ, ẹnị ẹ yị nyayịnẹ vatụra oze, agụvị ka ọnịvị ẹnịnị ẹ kụ ụhwọ tụ̀, dị ọ kụkụ vị ẹnịrị angwahi eyi ụvọnị-ụvọnị nị.

Ijeremaya 8:10

Ẹnẹyịmavara kà, agụvị avọọ, ose ẹnịnị vị ọnị ọnị vaa sị yị anọrụ ọsa, dị ọnị aarẹ ẹnịnị yị aza ọwọọwa. Hụụnị ozweyi na ngụ ọzọkụ ẹnịnị, avaba ẹnịnị vị anaa họ̀ ọhọha ogu kẹnẹ. Ọnịsẹ ọnịrị ohirẹsụ irehi Ohomorihi nịnị vanaa mẹ azaa rị.

Arụwẹ 1:20

Tee! Ẹnẹyịmavara navọ we re ẹngụkata ọnịrị ụya ọnị yaa rị aanị. Ayị ayị o si du chuku-chuku ịsị ebira odivi sị yị mẹ̀. Aà wụ̀ aza ha ịnị ubooro, wàa va yà ịnị eehi usu rẹ sị ngụ tu wu.

Arụwẹ 2:19

Ẹ̀ kwẹẹtẹ ịrahụ dị ẹẹ jị òrèrè boro-boro hi Ananyị yị ẹngụ. Ẹ̀ va ụvọ hịrẹ dị ẹẹ sị ayị ọnyara da ịpẹẹ yị ọ agụvị ezi ẹnịnị ọnị ụngwẹ aa wụ hi avaba aha aanị.

Arụwẹ 4:9

Aza ana a wụ̀ eyi ịrẹkụ e dahi huna aza ene vene sù ene e yi re ịsa rị, dị ụngwẹ tangwa wụ̀ wa va ha nị.

Ezikẹẹrị 7:15

Aa kụ̀ ịrẹkụ eyi ẹhẹ, ịsa aa zị aza ene hi ini eehi, dị ụngwẹ aa kụ̀ wa nị. Ọza ana àa jịnẹ tụ ẹhẹ hụụnị ẹkụra vị ọnị ịrẹkụ aa rị, ọza anaa va yà ịnị eehi, dị ụkụ ọnịrị ụngwẹ taa ku.

Emọsị 4:6

Ẹnẹyịmavara kà ọnị ộ kụ́ ụngwẹ ngụ ẹkụra ẹnịnị ama ẹnịnị ẹ yị vaa va hụụnị ebira odivi ka ọnị vẹ.

Imika 3:11

Ohinọyị awụ nịnị vị anaā dọ ochirerenu àaa mẹ̀ ọkarẹyị. Ohirẹsụ irehi Ohomorihi vị ana aa mẹ̀ ụkọrọ ka ọnị ọ̀ dọ ẹkẹhị kẹnẹ. Ọnịsẹ ẹnị raa kà ịsẹ ka ẹnị ẹ̀ sị dọ ẹkẹhị. Ama ẹ yaa kịị kà a kà Ẹnẹyịmavara jẹẹ ẹnị ịrẹma. Ẹ ka Ẹnẹyịmavara jẹẹ ẹnị ịrẹma ẹ yị nyị ịrẹyị ene vee tù ẹnị.

Iwe Ọhụhị Imosiisi ana aa hị́ Ọyịvatụrọda 28:36

Ẹnẹyịmavara vaa dụ ẹwụrị ohinọyị awụ nịnị nee hi ẹkụra ọsa, ịzị ẹwụrị ohiku awụ nịnị ẹ̀ yị vịdị ra da. Ụ vaa yà ịzọọ, dị ụ wa hẹkẹ ori ana a sị ọchị ọnịrị ịrẹta bẹ.

Iwe Ọhụhị Imosiisi ana aa hị́ Ọyịvatụrọda 28:64

Ẹnẹyịmavara vaa gara wụ nịnịị hi ịnị akakana avaba anẹkụra ana vọ hi avaba ẹhẹ. Ụ vaa yà ịzọọ dị ụ waa hẹkẹ ori ana a sị ịrẹta ọnị ọchị mẹ. Ẹ yị nyị ọza awụ nịnị, àa vị ohiku awụ nịnị ana vịdị yẹ ori ẹnẹẹ da.

2Ipita 2:3

Ọnịsẹ ireche ẹnẹẹ vị eneyọhụrẹ, agụvị avọọ dị ẹyaa sị ịtọpa irechee vene wu nịnị, agụvị dị ẹ̀ zụ sị wụ nịnị sẹ ohu. O si kù ọnị ọmọkarẹyị ẹnịnị tenyi ẹngụ tịtẹ. Ụmẹ ana vọ aa chee aanị, dị à wụ̀ wa vá ha.