Ijeremaya 14:15 - IWE ỌNỊNỊ

¹⁵ Ẹnẹyịmavara kà, ọnị aa ka ịsị ọnị vaa mẹ ọnịsẹ ẹnẹẹ ọnị ọnị ẹ yị tụ ụtụ ama dị ẹ naa ka a zị ka ịrẹkụ ẹ yị vaa ngụ ẹkụra; ụngwẹ ẹ yị rẹ vaa ngụ ịzọọ bẹẹ. Eyi ịrẹkụ ọnị vaa wụ̀ wa, dị ọnị sị ụngwẹ wụ̀ ẹnị ana vọ nị.

Ijeremaya 14:15 ပူးပေါင်းရင်းမြစ်များ

1 Ohinọyị 22:25

Di Imikaya ka, “Ịhị wèe si nyima ee zwe hụụnị aku ọnyị naa tẹ ịnị aku ọsa, u vee re.”

Ijeremaya 20:6

Ọ kà àa vị ẹwụ Ipasihuri yọ, ẹwụrị avaba aza awụ vana vaa za ọrịhị nee hi Ịbabịrọnị bẹẹ. Ẹwụrị avaba ọta awụ ẹnẹ ẹwụrị cheeche ka vị Ohomorihi tụ wụ nịnị ụtụ avọọ vene vee sú tụ ịzọọ.

Ijeremaya 23:30

Ẹnẹyịmavara kà ọnị ọ raa va eyirazị ka ẹnị ọnịsẹ anaa na wụ́ ịrẹyị hụụnị ụvọ ẹngụ dị ẹ naa kà a ka ọnị ọ tụ ẹnị ụtụ nị avọọ.

Ijeremaya 27:15

Ẹnẹyịmavara ọnị ụvọta ka ọnị ẹ́ yị tụ wa ụtụ. Ireche e yee chee zị ka vị ọnị tụ ẹnị ụtụ nị, avọọ ọnị vaa dụ ẹwụrị ọnịsẹ enee cheechee wụ nịnị avọọ hi ẹhẹ dị aa wụ̀ wụ nịnị.

Ijeremaya 6:15

Ẹnẹyịmavara kà, ụhị waa vanaa nyị wa ka ẹnị ệ mẹ ụnọ da? Ịzị ọ na vị, ụhị ọ ma nyị wa vụrụ-vụrụ ụhị ọ ma nyị wa dị è sị eyi tẹ ka aza ee re nị. Avọọ ụmẹ ọnị ọnị ọọ vaa sị ụyaa rị Anijerusarẹmị nịnị, ẹnị nyẹmba vị ana vaa sẹ ẹdụ anka aza ana vọ. Ịsị ẹ vaa za ẹhẹ ẹnịnị ịrẹsụ ọ vị ọnọọ nị.

Ijeremaya 8:12

Ọ kà, ụhị waa vanaa nyị aza anị ka ẹnị ệ maanị mẹ ịsị edivi ẹnẹnị da? Ịzị ọ na vị. Ụhị ọ ma nyị waa vụrụ-vụrụ. Ẹnịnị ẹ ma sị eyi tẹ ka aza ee re ẹnị, avọọ ẹnịrị aza ana vọ ẹ vaa hyẹdụ nị. Ẹ́ ẹnịnị vaa ta ịhị ọnị aa sị ụyaa rị wa.

Ijeremaya 8:13

Ẹnẹyịmavara kà, ọnị vaa dọ wa ịsị ịnị aarẹ ẹnịnị. Ẹ yị vaa nyị ẹtụtụ ịnị ọchị ịvayịnị ẹnịnị. Ọchị ihwigi ẹnịnị ẹ yị rẹ vaa nyị ẹtụtụ. A vaa dọ wa avaba ịsị ọnị vịdị sị yị wa.

Arụwẹ 1:19

Ệ hị́ aza ene vịdị sì ịrẹyị ẹnịnị, ama di e vene wa nị. Ohirẹsụ irehi Ohomorihi nịnị ọnịrị azọkụ nịnị e wusu hi ịnị ẹkụra é mee si ịsọyịrị ọyị za ayị zu.

Arụwẹ 2:20

Tee! Ẹnẹyịmavara, sị ẹ vẹ dị ọ maanị aa sị ụya rị yị aanị? Ọnyị ozi nịnị kụkụ aa rị ezi ẹnị ẹnịnịị sì ịrẹyị anị. Ohirẹsụ irehi Ohomorihi ọnịrị ọnịsẹ nịnị vana kụkụ aa wụ̀ ịnị irehi Ohomorihi bẹẹ.

Ezikẹẹrị 13:14

Ọ kà, ọnị vee wú ọvọ ọnị ụ kú ọda ọvwọọvụ nịnị avọọ. Ọnị vaa gara a ha, dị e kuku ee ré a mẹmẹ ka a ẹtẹ chengede, ọ ka ọvọ ọnọọ vee wú, dị aa va wụ̀ avaba ẹnịnị ha. Ịjọnọọ, avaba aza vaa yẹ ka ọnị ọ̀ vị Ẹnẹyịmavara nị.

Ezikẹẹrị 13:15

Ẹnẹyịmavara kà, ọnị vaa mẹ ọyịkụụ hị́ ọvọ ọnọọ ọnịrị aza ene kú ọda ọvwọọvụ. Ọnị vaa kà a ka ọvọ ọnọọ ọnịrị aza ene kú ọda ệ ta o.

Ezikẹẹrị 13:9

Ọ kà ọnị aa vaa sị ụyaa rị ẹwụ nịnị ọnịsẹ enee re ẹtẹ apaapẹ, dị waa ka ịrẹyị ọnị waa sịị kụ azaa nyeeyi nịnị. Wẹ́ yị vaa yà ịzị aza anị ẹẹ kụ́ gụ aa geyi. Ọza ẹ́ yị vaa chẹrẹ ịrẹha awụ nịnị beri aza ana vị Anisirẹrị. Wẹ́ yị ma vana và nọ eehi awụ nịnị. Ịjọnọọ, ụ vaa yẹ nịnị ka ọnị ọ vị Ẹnẹyịmavara Ananyị ụkata hu nị.

Ezikẹẹrị 14:10

Ọnịsẹ ọnọọ ọnịrị ọza ana va họ̀ ọ use ịrẹyị vị ana vaa rị ụya ọnyọọnya.

Ezikẹẹrị 14:9

Àa nyị ọnịsẹ ene e vene dị o tụ́ ohi ẹnẹ ẹ̀ yị vị ịzẹyịza nị, ọnị Ẹnẹyịmavara o vene e nị. Ọnị vee vu ọnịsẹ ọnọọ ẹtẹ hụụnị akakana aza anị Anisirẹrị nịnị.

Ezikẹẹrị 33:6

Ama oserẹtẹ ọnọọ òo re ka ịrẹkụ aa vẹ, dị è yi hu ọpanyị dị ọ sị ka aza ọnọ, dị ọnịvị kụ́ ịrẹkụ vẹ dị ẹ va wụ̀ ọza ọnyọọnyị nị, ọza ọnọọ vị ana wụ agụvị ebira odivi anị. Ama oserẹtẹ ọnọọ vaa kụ́ irenu anị ịrẹsụ iswọọza ọnọọ.

Emọsị 7:17

Dị Emọsị ka ẹnịnị wụ́ ịsị Ẹnẹyịmavara kà booro aanị, Ẹnẹyịmavara kà ịrẹkụ aa vaa rị ezi anọrụ ọnịrị anẹẹ ẹnịnị. A vaa za wa ọrịhị nọ ẹkụra anikinami. Ịzọọ anọrụ ẹnịnị vee su hi nị. Dị ose ẹnịnị vara ọsẹrẹka hi ịnị ẹkụra. Dị anẹkụra ọsa vaa dọ ẹtẹ ẹnịnị dị ẹ ga hi ẹngụ ụvọ.

Imika 3:5

Ẹnẹyịmavara kà ọnịsẹ nịnị ẹ sị aza anị vene. Ọza ana sị ịsa yị wa, ẹ́ẹ̄ kà a ka o vee zee yi nị. Ọza ẹnẹ ẹ̀ yị sị ịsa yị na, dị ẹ ka Ohomorihi ọ yị vaa zẹẹ ka ò zee yị wa.

Iwe Ọhụhị Imosiisi ana aa hị́ Ọyịvatụrọda 18:20

Ama ọnịsẹ ọnị mẹ̀ yị tụ ụtụ, dị aa dà ịrẹyịị kà ka ẹ̀ ma tụ ọnị nị, àa va nyị ọnịsẹ anaa sị ịrẹha ori ọsa nịnịị kà ịrẹyị, vị a vaa wụ̀ ọ nị”.

Ẹtore 19:20

Dị a za uye ịnị avị ọnọọ ọnịrị ọnịsẹ ireche anị ana vịdị aa mẹ̀ ụkọrọ ohyozirenu éyi anị nị. Ụkọrọ ohyozirenu ọnọọ ọ sị vene aza ana nyị apọtẹrẹwa uye ịnị avị ọnọọ, dị ẹ rẹ hẹkẹ ori anị nị. Dị a za uye ịnị avị ọnọọ ọnịrị ọnịsẹ ireche ọnọọ, dị a kụ́ wa va hi ịnị adagu ịra ana a sị ohuru tụ́ ịnị anị nị.