Ijeremaya 14:14 - IWE ỌNỊNỊ

¹⁴ Ama dị Ẹnẹyịmavara tụ ohi ka, ọnịsẹ ẹnẹẹ vi enee cheeche ka maa tụ ẹnị ụtụ. Ọ kà ọnị ẹ́ yị tụ wa ụtụ, ọnị ọ yị rẹ mẹ ọda ọnyọọnyị yị wa. Ẹnẹyịmavara kà ọnị ẹ yị nyị ụvọ tụ ịnị ẹtẹ ẹnẹ ẹ ka ẹnị ee re zị; ịsẹ ẹnẹ ẹ yaa ka vị ịrẹyị kẹnẹ-kẹnẹ ẹnẹ ẹ yaa sị ayị ẹnịnịị rò.

Ijeremaya 14:14 ပူးပေါင်းရင်းမြစ်များ

Ayịsaya 56:10

Ọ kà, “Avaba ẹnị ọdọvịdị ana a vọrọ ka ẹ̀ kà aza amị ọnọ, vị ogweyi. Ẹ yị nyị ịsị ẹnịnị yẹ. Ẹnịnị vị ana sị mẹẹ anka irezi enee sere ẹtẹ ama dị ẹ̀ yị ma hà. Ẹnịnị vị anaā hụtẹtẹẹ hi ẹtẹ kẹnẹ dị ẹyaa ra ụra. Ê sì ka ẹnị ẹẹ sụ̀ ara ẹtẹẹtẹrẹ.

Ayịsaya 9:15

Azọkụ ana aza aa sị ụbanyị yị ẹ vị ịrẹsụ ọnọọ nị, dị ọnịsẹ ana aa sị ịrẹyị ireche kọ aza ẹnị vị omuta nị.

Ijeremaya 20:6

Ọ kà àa vị ẹwụ Ipasihuri yọ, ẹwụrị avaba aza awụ vana vaa za ọrịhị nee hi Ịbabịrọnị bẹẹ. Ẹwụrị avaba ọta awụ ẹnẹ ẹwụrị cheeche ka vị Ohomorihi tụ wụ nịnị ụtụ avọọ vene vee sú tụ ịzọọ.

Ijeremaya 28:11

Dị ọ kà a eyi avaba aza ka, Ẹnẹyịmavara kà aanị ọnị me vee che ọkẹẹkẹrẹ ohinọyị Inebukadineza hụrị avaba anẹkụra nịnị ọrọkọ nị. Ịnị akakana ịrayị ẹẹva ọnị vaa maanị mẹẹ nị. Ijeremaya ka, dị ọnị hụụ ịzọọ nị.

Ijeremaya 28:13

Ọnị ọ̀ na kà a yị Ịhananịya ka: Ẹnẹyịmavara kà, ọ sị ọkẹẹkẹrẹ ana a sị ọchị mẹ che va ha, ama ọnị vaa sị ana a sị enyusẹ mẹ dọ ọ ịrẹsụ.

Ijeremaya 28:15

Ijeremaya ka, ọnị ộ maanị kà a yị Ịhananịya, dị ọnị rẹ ka a tụ ọ yọ ka, Ịhananịya wụ́ o! Ẹnẹyịmavara ẹ́ yị tụ ụ ụtụ, á vị dị waa mẹ ka aza ẹnẹnị ẹ̀ sị ayị tụra ireche ahẹ.

Ijeremaya 29:21

Ẹnẹyịmavara Ochẹtẹẹngụ, Ohomorihi Anisirẹrị ọ́ raa kà ịrẹyị ọnọrụ ana aā hị́ Ahabị ozi Ikoraya ọnịrị Ịzẹdẹkaya ozi Imaseya. Ẹnịnị ee cheeche wụ nịnị ka vị ọnị tụ ẹnị ụtụ nị. Ẹnẹyịmavara kà ọnị vaa hụrẹ wa ụvọ yị Inebukadineza ohinọyị Anibabironi dị ọ wụ̀ wa eyi awụ nịnị goro-goro.

Ijeremaya 29:31

ọnị ọ̀ tụ́ ụtụ ịrẹyị Isemaya ọnọnị hị́ avaba aza ana a za ọrịhị ne hi Ịbabịrọnị ka: Ẹnẹyịmavara kà, agụvị ka Isemaya ọ̀ va kà ụtụ ọnị ọnị ẹ̀ yị tụ ọ yị ụ nịnị, dị ọ mẹ ka wa sị ayị tụra ịrẹyị ireche nịnị nị. Avọọ ọnị Ẹnẹyịmavara kà:

Ijeremaya 37:19

Ọnị ộ họ̀ ọ use ka, ịzị ọnịsẹ anị nịnị ana kà a yọ ka ohinọyị Ịbabịrọnị ẹ yị ma vana kụ́ ịrẹkụ ve tu ọnịrị ẹkụra anị hi kẹ?

Ijeremaya 5:31

Ọnịsẹ nịnị kụkụ èe cheeche; ohirẹsụ irehi Ohomorihi nịnị vị ana kụkụ a sị ọda ẹngụ ẹnịnị mẹ ịsị ẹ yaa mẹ, dị aza anị vavọọ yị si ọ ka a vavọọ mẹẹ nị. Ama sị ụ vaa mẹ nịnị ịnị ẹzẹtẹ anị kẹ?

Ijeremaya 8:10

Ẹnẹyịmavara kà, agụvị avọọ, ose ẹnịnị vị ọnị ọnị vaa sị yị anọrụ ọsa, dị ọnị aarẹ ẹnịnị yị aza ọwọọwa. Hụụnị ozweyi na ngụ ọzọkụ ẹnịnị, avaba ẹnịnị vị anaa họ̀ ọhọha ogu kẹnẹ. Ọnịsẹ ọnịrị ohirẹsụ irehi Ohomorihi nịnị vanaa mẹ azaa rị.

Ijeremaya 8:11

Ọ kà, ụvọ ẹnẹ ẹ yaa sị mẹ ụnava aza anị vị ana sị mẹẹ anka ọza oo rere họ̀rọ ẹngụ kẹnẹ avọọ. Aza yị hi ịnị ịrẹyị, ama dị ẹ ka, ẹ yị nyị ịrẹyị.

Arụwẹ 2:14

Ireche kẹnẹ ọnịsẹ Anijuda nịnị ee che yị wa nị. Ẹnịnị ẹ yị kà ịzẹyịza yị wa, ẹnịnị ẹ yị sị zụ wa ka ẹ yaa mẹ̀ ebira odivi. Agụvị avọọ ẹnịnị ẹ yị ro ka a vọrọ ka ẹnị è ro ịnẹ varẹma.

Arụwẹ 2:9

Avaba ozovwoovu ana aā zịị ngụ Ijerusarẹmị vị ene e wu, dị ezi wu ku wa za ẹtẹ. Ọvọrịvọ ene eē sii chere wa vị ana a chaka rugurugu va ha. Á sị ohinọyị ọnịrị ẹnị ọdọvịdị ẹnịnị dụ ne hi ẹkụra ọsa. Ẹ yị kụkụ nyị ọza ana aa zụ ọda Ohomorihi yị aza. Ẹnẹyịmavara ẹ yị kụkụ tụ ọnịsẹ Anị ụtụ hi aza.

Ezikẹẹrị 12:24

Ọza e yi me vene re ẹtẹ apaapẹ yị Anisirẹrị nịnị, ọza ẹ́ yị ma vana rẹ kà ịsẹ yị wa ana vaa sị waa nyeeyi.

Ezikẹẹrị 13:2

Ozi-ọza, ọnị ọ̀ va eyi ịrazị ka ọnịsẹ Anisirẹrị nịnị anaa dà ịrẹyị ẹngụ ẹnịnịị kà, ka vị ẹnị aa kà ịsẹ aanị nị, dị ọnị ò tụ́ wa ohuvọ. Ọnị ọ̀ kà a yị wa ka ẹ̀ wụ́ ịrẹyị ọnị Ẹnẹyịmavara kà.

Ezikẹẹrị 13:23

Avọọ, we yi me vene ré ẹtẹ apaapẹ ọnị ụ ré nịnị. Wẹ́ ma rẹ vana zụ kà ịsẹ ọnị wee sii vene aza nịnị avọọ. Ọnị vaa dọ aza anịị hụrẹ wụ nịnị ụvọ, dị wa yẹ nịnị ka ọnị ọ̀ vị Ẹnẹyịmavara nị.

Ezikẹẹrị 21:29

Ọ kà ẹtẹ ọnị wee ré nịnị vị apẹ. Ịsẹ ọnị waa kà nịnị vị ireche osusu. Ọza ọhịmị ụ vị nịnị nị. Wee divi nịnị. Ama ụmẹ awụ nịnị aa vẹ, ọnị ụ vaa rị ụya awụ nịnị ọdịrẹma. A vaa sị ụhwọọ tụra awụ nịnị ọrọkọ.

Imika 3:11

Ohinọyị awụ nịnị vị anaā dọ ochirerenu àaa mẹ̀ ọkarẹyị. Ohirẹsụ irehi Ohomorihi vị ana aa mẹ̀ ụkọrọ ka ọnị ọ̀ dọ ẹkẹhị kẹnẹ. Ọnịsẹ ẹnị raa kà ịsẹ ka ẹnị ẹ̀ sị dọ ẹkẹhị. Ama ẹ yaa kịị kà a kà Ẹnẹyịmavara jẹẹ ẹnị ịrẹma. Ẹ ka Ẹnẹyịmavara jẹẹ ẹnị ịrẹma ẹ yị nyị ịrẹyị ene vee tù ẹnị.

Ịzakaraya 10:2

Ori nịnị ẹ yị ka ịrẹyọyẹ, ọhẹva nịnị vị ene cheeche, aza ana ka ụra vị enee vene aza. Agụvị avọọ aza aa woowo zị anka atẹmẹ ene vu avọọ nị. Ẹnịnị ẹẹ nyị ẹngụkata agụvị ka ẹnịnị ẹ yị ọza ene sere wa.

Ịzakaraya 13:3

Àa nyị ọza ana kà ịsẹ, ọnyị ọnịrị ada anị vaa kà a ka a wụ́ ọ agụvị ka ee cheeche ịnị ịrẹha Ẹnẹyịmavara. Ọ̀ọ kà ịsẹ, ọnyị ọnịrị ada anị vaa jị ụhwọ ngụ ẹngụ di o su.

Iwe Ọhụhị Imosiisi ana aa hị́ Ọyịvatụrọda 18:20

Ama ọnịsẹ ọnị mẹ̀ yị tụ ụtụ, dị aa dà ịrẹyịị kà ka ẹ̀ ma tụ ọnị nị, àa va nyị ọnịsẹ anaa sị ịrẹha ori ọsa nịnịị kà ịrẹyị, vị a vaa wụ̀ ọ nị”.

1 Itimoti 4:2

Dị eyee cheeche, dị ẹyaa mẹ ogevegeve. Dị ayị ẹnịnị ẹ yị hyakụ kụkụ jị pèe, dị ọ sị mẹẹ ka vị a raà sị enyusẹ ịrịịra tụra ayị ẹnịnị, dị a sị ọọ wụ nị.

1 Ịjọọnụ 4:1

Ẹwụ nịnị anda ayị, asị ụ dọ avaba aza ana kà a ka ẹnị ẹ́ẹ nyị Ụhwẹ Ọnịnị wụ́. Ama zama wa re, dị ụ wa yẹ ịzẹyịza àa vị Ụhwẹ Ọnịnị Ohomorihi ẹ nyị nị, agụvị ka ọnịsẹ onireche ẹ sị gara hi ẹhẹ.