Ijeremaya 14:10 - IWE ỌNỊNỊ

¹⁰ Ẹnẹyịmavara ộ ka a ịnị ịpa aza ẹnẹnị ka, ẹnịnị ee sì ka ẹnị ee zwee hụrẹ ọnị ẹngụ, ẹnịnị ẹ́ ma sị ụvọ za ẹngụ ẹnịnị; avọ ayị anị e yi kuku hine tu wa. Ọnị vaa tamayị avaba ịrẹyị ọhịmị ọnị ẹ mẹ dị ọnị ọ̀ sị ụya anị rị wa ọ yaa nị.

Ijeremaya 14:10 ပူးပေါင်းရင်းမြစ်များ

1 Ohinọyị 17:18

Dị ọnẹẹ ọnọọ va hị́ Erija dị ọ ka, “Sị ẹ na jị gẹ ẹmịrị ẹwụ kẹ, ẹwụ ọza Ohomorihi? Vị ụ vẹ ịda amị ka wa va mẹ ka à tamayị ebira odivi ọnị mị vịdị mẹ, dị à wụ ozi emi nii?”

Ahẹ Ụgama 119:101

Mẹ yị zẹẹ ka ma zị ụsẹ akụvị ọnyị-ọnyị, agụvị dị ma zụụ̄ saasa ọda ọnị ụ mẹ.

Ahẹ Ụgama 95:10

Ohomorihi ộ kụ́ ayị hi aza ẹnẹẹ mẹ ịrayị ẹbẹẹva, Dị ọ kụkụ ka ivehu aza ẹnẹnị ẹ sị wa vene, ẹnịnị ẹ yị jẹẹ pè ọda anị.

Ọyịkụra 32:34

Ama we chii na booro aanị dị wa na kụ́ aza ẹnẹẹ dụ wa nọ ịzị mị ka wa kụ́ wa nọ. Mị vaa tụ́ anggẹẹrị amị ka ọ̀ tụ́ ọvịdị awụ nịnị dị waa na nịnị. Ama òo si tù ụmẹ ana vọrọ ka ma sị sị ụya rị wa, mị vaa sị ụyaa rị wa agụvị ebira odivi ẹnị ẹ mẹ̀.”

Ijeremaya 2:36

Wa sị ẹngụ awụ nịnị vara ọnịyẹyẹ ụ maa ngụ ori zịịzị nịnị hụrị ẹkụra ẹnyị naa ngụ ọsa. Anijipiti vị ana vaa mẹ̀ ụhị nyị ụ nịnị anka Anasiriya mẹ mẹ̀ ụhị nyị ụ nịnị avọọ.

Ijeremaya 3:13

Ẹnẹyịmavara kà dọ nịnị kẹnẹ ka waa rị ịvị nịnị, dị ụ kụ̀ hịrẹ ọnị ana vị Ohomorihi awụ nịnị nị. Dọ irenu nịnị ka waa mẹ̀ ebira ịrẹka ọyị sẹ, dị ụ naa hẹkẹ ori nịnị iruvo ọchị ohwoohu nịnị nị. Dọ irenu nịnị ka wẹ yị wụ́ chire Ohomorihi awụ nịnị.

Ijeremaya 31:34

Ọ kà, ọza ẹnyị ẹ́ yị kụkụ vaa kọ ọ yị ọsa ka ọ̀ yẹ Ẹnẹyịmavara, agụvị ka avaba ẹnịnị vaa yẹ ọnị, hụụnị ozweyi ẹnịnị na ngụ ọzọkụ. Ọ kà ọnị vaa vagu avaba akụvị ẹnịnị, dị ọnị ẹ́ yị kụkụ tamayị ebira odivi ẹnịnị.

Ijeremaya 6:20

Ẹnẹyịmavara kà, sị ẹ vẹ dị ẹ yaa kụ eturare hụrị ẹtẹ Ịsẹba va yị ọnị? Sị ẹ vẹ dị ẹ yaa ku ịsị ohine hụrị aha onoze vẹ va yị ọnị. Ọ kà ọnị ẹ yị vaa dọ ịsị ịsọvọ ẹnịnị, ịsọvọ ẹnị ẹ yaa mẹ e yị hine ọnị.

Ijeremaya 8:5

Ọ kà, ẹwụ nịnị aza anị, sị ẹ vẹ dị ụ nyeeyi nịnị, dị wẹ yị kụkụ và ka ọnị vẹ nịnị? Ụ ka ẹwụ nịnị yị, evene yị, we yi ka wẹ yị và ka ọnị vẹ nịnị.

Ezikẹẹrị 29:16

Anisirẹrị nịnị ẹ́ yị ma vanaa và ẹngụ ya wa. Ịsị e tu Anijipiti nịnị vaa mẹ ka Anisirẹrị nịnị ẹ̀ yẹ ka, ẹ́ yị vọrọ ka ẹnị ẹ̀ sị ayị tụra wa. Anisirẹrị nịnị vaa yẹ ịjọnọọ ka ọnị ọ vị Ẹnẹyịmavara Ochẹtẹẹngụ nị.

Ihoseya 11:7

Ẹnẹyịmavara kà aza ẹ̀ raà tenyi ẹngụ ka ẹnị a va ịrẹma anị na hẹkẹ ori. Ẹnịnị aa hị́ ọnị ene hu kere-kere ama ẹnịnị ẹ yị sị ụbanyị yị ọnị.

Ihoseya 11:9

Ọnị ẹ yị vaa sị ọyịkụ sị ụya rị wa. Ọnị ẹ yị kụkụ vee vu wa ẹtẹ. Ẹnẹyịmavara kà ọnị Ohomorihi ẹ yị vị ọzarẹyịrẹsụ. Ọnị ya ịnị akakana ẹnịnị. Ọnị ẹ yị vaa ne tu wa ịnị ọyịkụ.

Ihoseya 7:13

Ka ẹnịnị e yi ọnị tịtẹ o vee du wa ku nị. E vee su agụvị ka ệ mẹ̀ akamawụ hi ọnị. Ọnị yaanị dọ wa ha ama e yee cheeche kú ọnị.

Ihoseya 7:2

Ama ẹnịnị ẹ yị ro ka Ẹnẹyịmavara ee re avaba ebira odivi ẹnịnị. Ee re ịvị mẹ jị ọvọ kara wa hi.

Ihoseya 8:13

Ẹnịnị ẹ̀ẹ daka sị ịsa ịsọvọ ana vọrọ mẹ̀ ịsọvọ, dị ẹ rị ọ nị, ọnị ẹ yị dọ ịsọvọ ẹnịnị. Ọ kà ọnị ẹ yị vaa sị eyi hụụnị ebira odivi ẹnịnị. Ọnị aa sị ụya ịvị ẹnịnị rị wa. Ẹnịnị vaa varẹma nọ Ijipiti.

Ihoseya 9:9

Ẹnịnị vị ana nyayịnẹ du ha anka ẹ mẹ vịdị ya Igibiya ịyẹẹyẹ. Ohomorihi e yi vee hi ayị ebira ọhịmị ẹnịnị. Ọ vaa sị ụya anị rị wa.

Emọsị 3:2

Ẹnẹyịmavara kà Anisirẹrị nịnị kẹnẹ ọnị nyị ịnị avaba Anẹkụra ene hi ịrẹsụ ẹtẹ nị. Agụvị avọọ ọnị vaa sị ụya ebira odivi ẹnịnị rị wa nị.

Emọsị 5:22

Ọ kà ọnị ẹ yị vaa dọ ịsọvọ ọnị ẹ yaa mẹ̀ ọnị ẹ yị va kana eyi si ịsọvọ ẹngwọọrọ ẹnịnị

Anihiburu 8:12

Ọnị vaa vayị ẹnịnị ịnị ịsa edivi ẹnẹ ẹ mẹ, ọnị ẹ yị kụkụ vaa tamayị ịvị ẹnẹ mẹ.

1 Ịsamụwẹrị 15:2

Ẹnẹyịmavara Ochẹtẹẹngụ ka ọnị vaa sị ụyaa rị Anamarẹkị agụvị ịsị ẹ sị mẹ Anisirẹrị ózee ẹ mẹ̀ hụrẹ Ijipiti aa vẹ. Anamarẹkị vị ana na jẹẹ ózee zi wa.