Ijeremaya 13:20 - IWE ỌNỊNỊ

²⁰ Ijeremaya ka, re nịnị, ẹwụ nịnị Anijerusarẹmị! Ọnịvị awụ nịnị ẹ raa hụrị Ịbabịrọnị aa vẹ. Aza ana a ka wa sị eyi pe, ọnị ụ maanị aa sịị me eyi nịnị, ịzị ẹ yà kẹ?

Ijeremaya 13:20 ပူးပေါင်းရင်းမြစ်များ

Ụhịrẹyị 14:28

Aza ịrẹma ohinọyị ọ vị ụbanyị anị nị, ama ẹ yị nyị aza ịrẹma dị ọ sị hịmị.

Ijeremaya 1:14

Dị Ẹnẹyịmavara kà hụrẹ eyi ẹbẹẹba ịsị edivi vaa gara vee ku avaba aza ene hi ịnị ẹtẹ ọnọnị nị.

Ijeremaya 1:15

Ẹnẹyịmavara kà ọnị aa hị́ avaba anẹkụra ene hi eyi ẹbẹẹba ẹnịrị ohinọyị ẹnịnị. Ohinọyị ẹnịnị vaa vẹ dị ẹ yaatụ ịnị oze ovwoovu Ijerusarẹmị, dị ẹnịị ta kara ọvọ ana jị kara a. Dị ẹ rẹ vavọọ ta kara ẹkụra ana vọ hi Ijuda bemi-bemi.

Ijeremaya 10:22

Sị ụtọ pe ẹtẹ nịnị! Enube ộ vẹ. Ẹ naa wụ̀ isoja nịnị ịrẹka ẹtẹ Ịbabịrọnị. Ẹnịnị aa vaa hụ azaa hụrị ẹtẹ Ijuda, dị ọ kụkụ vị aha ọnị irezi ịnị avị nịnị kụkụ ra nị.

Ijeremaya 13:17

Ọ kà, wàa ka wẹ yị wụ nịnị, ọnị vaa jị òrèrè ịnị aku, agụvị ka waa sị ẹngụụ tụ ẹba nịnị. Ọnị vaa jị òrèrè ọngwọọngụ dị ẹgọ ee si agụvị ka asị aza Ẹnẹyịmavara za ọrịhị ne hi aha ọsa.

Ijeremaya 23:2

Ẹnẹyịmavara, Ohomorihi Anisirẹrị nịnị aa ka ẹ yị oseratẹmẹ nịnị ana vọrọ ka ẹẹ tẹsị aza anị ka: Wẹ yị tẹsị aza anị nịnị, Wa sị wa gara nịnị: wa raa dụ wa hi ozi nịnị. Booro aanị, ọnị aa vaa sị ụya avaba ebira odivi ọnị ụ mẹẹ rị ụ nịnị.

Ijeremaya 25:37

Ka Ẹnẹyịmavara aa kụ ayị, ịzị ịsụpa ẹnịnị naa rị avị ohwoohu ẹngwọọrọ-ẹngwọọrọ vị ọnị o ve vú ẹtẹ.

Ijeremaya 6:22

Ẹnẹyịmavara kà, re, aza ẹ raa hụrị ẹkụra ọnya eyi ẹbẹẹba aa vẹ; Anẹkụra ana dẹngụ hụrị aha ẹnẹẹnẹ ee tenyi ẹngụ ịrẹkụ.

Ihabaku 1:6

Ẹnẹyịmavara kà ọnị vaa kụ́ Anibabironi nịnị kwẹẹtẹ ka ẹ dọ̀ avaba ẹkụra ene hi ẹtẹ ọnọọ, dị ẹẹ mẹ ịjọva tụra wa ịrẹsụ. Anibabironi ẹnẹẹ ẹ divi. Ẹ yị nyị aza ene hi wa ụhwẹ.