Ijeremaya 13:19 - IWE ỌNỊNỊ

¹⁹ Ọnịvị Anijuda nịnị ẹ́ ra ta kara ẹkụra ene hi eyi ụvẹtẹ Ijuda: ẹ yị nyị ọza ana zụ ngụ ne tu wa. Asị avaba Anijuda nịnị za ọrịhị ne hi aha ọsa.

Ijeremaya 13:19 ပူးပေါင်းရင်းမြစ်များ

2 Ohinọyị 25:21

Ohinọyị Ịbabịrọnị ộ mẹ̀ ka a wụ̀ wa Iribira ini ẹtẹ Ihamati. Avọọ a mẹmẹ za aza ọrịhị hụrẹ Ijuda na ngụ ẹkụra ọsa nị.

1 Ịtọpa 9:1

 nyị ụmẹ ọnya, dị a chẹrẹ avaba Anisirẹrị nịnị Ovwoovu-ovwoovu nị.  chẹrẹ wa tụ ịnị iwe ohinọyị Anisirẹrị nịnị.  vịdị za Anijuda nịnị ọrịhị ne hi Ịbabịrọnị ka ẹ̀ na rị ụya ebira odivi ẹnịnị.

Ijoovu 12:14

Ohomorihi òo du ịsa ene zụ tenyi ọ da? Ẹnẹ hụrẹ ọza ọnị ọ jị ẹngwa?

Ijeremaya 17:26

Ẹnẹyịmavara kà: Aza vaa hụrị ẹkụra ene hi Ijuda ọnịrị ẹkụra eweyi-eweyi ana kara Ijerusarẹmị; dị aza hụrị ẹtẹ Ịbẹnjamịnị, dị ẹ hụụnị ataba ọnịrị iruvo ataba beri eyi ụvẹtẹ Ijuda, dị ẹ kụ ịsị ịsọvọ irenyi-irenyi vị ịnị Irehi anị.

Ijeremaya 20:4

Ka, Ẹnẹyịmavara kà ọnị vaa mẹ ka Ipasihuri ọnị ụvọta òo chire ẹngụ anị angwa, dị ee chire avaba ọta anị angwa bẹẹ. Ọ kà eyi Ipasihuri goro-goro ọnịvị ẹnịnị vaa wụ̀ ọta anị ha nị. Ẹnẹyịmavara kà ọnị vaa sị avaba Anijudaa chire ohinọyị Ibabironii ụvọ, dị ọ za wa ọrịhị ne hi Ịbabịrọnị. Ẹnịnị vị ọnị ọ́ vaa wụ̀.

Ijeremaya 24:1

Ijeremaya ka Ẹnẹyịmavara ộ sị uji ẹẹva ana a kụ ihwigi hi dị asị tụ ọvịdị irehi Ohomorihi zụ ọnị. Ịjọnọọ, Inebukadineza ohinọyị Ịbabịrọnị ọ́ va raa za Ijehoyakimi, ohinọyị Ijuda, ana vị ozi Ijehoyakimi ọrịhị hụrị Ijerusarẹmị ne hi Ịbabịrọnị. Ọnịrị avaba ọdọvịdị Ijuda beri ẹnị anaa mẹ ụkọrụvọ ọnịrị aza ana yára mẹ̀ ụkọrọ irenyi-irenyi ọ́ kụ́ na nị.

Ijeremaya 28:4

Ọ kà Ẹnẹyịmavara kà ọnị vaa sị Ijehoyakimi ozi Ijehoyakimi, ohinọyị Anijudaa vaa vẹ, beri avaba Anijuda ana a dụ ne hi Ịbabịrọnị. Ẹnẹyịmavara kà, ịzẹyịza, ọnị vee che ọkẹẹkẹrẹ ohinọyị Anibabironiya vaaha.

Ijeremaya 32:44

Aza vaa sị ẹkẹhịị hị́ ẹtẹ. A vaa mẹ iwe dị a sị ụvọ hi ọ, dị a dọ ivenu tụ ọ, dị e ku ọ oku, dị a sị ịsa va a. A vavọọ vaa hị́ ẹtẹ Ịbẹnjamịnị, ọnịrị ẹkụra eweyi-eweyi ana kara Ijerusarẹmị beri ẹkụra ẹbanyị-ẹbanyị ene hi Ijuda. A vaa hị́ ẹtẹ ẹkụra ene hi ịrẹsụ ataba ọnịrị ẹkụra ene hi iruvo ataba beri eyi ụvẹtẹ Ijuda. A vaa hị́ ẹtẹ ẹkụra ene hi ịrẹsụ ataba ọnịrị ẹkụra ene hi iruvo ataba beri eyi ụvẹtẹ Ijuda. Ẹnẹyịmavara kà ọnị vaa và aza ịrẹma vẹ ịnị ẹtẹ ẹnịnị.

Ijeremaya 33:13

Ẹnẹyịmavara kà, oseratẹmẹ nịnị vaa yà ẹkụra ene hi ịrẹsụ ataba ọnịrị iruvo ataba dị ẹyaa za atẹmẹ ẹnịị ịrịka. E vee hi eyi ụvẹtẹ Ijuda ọnịrị okokooro Ịbẹnjamịnị dị ẹyaa za atẹmẹ ẹnịnị ịrịka. Ẹnịnị vee hi ẹkụra eweyi-eweyi ana kara Ijerusarẹmị ọnịrị ịnị ẹkụra ẹbanyị-ẹbanyị ene hi Ijuda dị ẹyaa za atẹmẹ ẹnịnị ịrịka.

Ijeremaya 39:9

Ọdịrẹma anị, â nyị ọnọrụ ana aā hị́ Inebuzaradani ana vị ohirẹsụ isoja Anibabironi. Ộ kụ aza ana vọ hí Ijerusarẹmị beri aza ene zwe ne tu ọ ne hi Ịbabịrọnị, dị ẹ vị ọrịhị tụ ịzọọ nị.

Ijeremaya 52:27

Dị ohinọyị Ịbabịrọnị ka è tụ́ wa, dị à wụ̀ wa ịzọọ nị. Avọọ a mẹ za Anijuda nịnị ọrịhị hụrị ẹkụra ẹnịnị ne hi aha ọsa nị.

Ijeremaya 52:28

Ọpa aza ọnị Inebukadineza za ọrịhị hụrị Ijuda yị: Ịnị ịrayị ọhụhịmba ọnị ọ rị ohinọyị, ộ za aza ẹnị akahị-akahị oze ẹẹta tụra ohurẹẹta (3,023).

Ijeremaya 52:30

Ịnị ịrayị ohurẹẹta ọnị Inebukadineza rị ohinọyị, dị Inebuzaradani ọnị za aza ẹnị ẹchẹhị-ẹchẹhị oze ịhịmba (akawụ ịhịmba) tụra ẹbẹẹva tụra ẹẹhị nị (745). Dị avaba Anijuda ọnị ẹ za ọrịhị hụrị Ijuda ọnịrị Ijerusarẹmị vị aza akahị-akahị oze ẹẹna tụra ẹchẹhị-ẹchẹhị oze ịhịnọnyị nị (4,600).

Arụwẹ 1:3

A sị Anijuda nịnị dụ hụrẹ ẹkụra ẹnịnị. Ẹyaa rị ụya. Ẹnịnị ẹ sị vara ọrịhị. Ẹnịnị vị ana kụkụ ra ẹkụra ọsa ịzị ẹnịnị ẹ̀ yị nyị ẹtẹ tụ. Aza anaa dụ wa vị ana kara wa okiri-okiri, ẹnịnị ẹ yị re oze zwè zị.

Ịzakaraya 7:7

Ụtụ ọnọnị Ẹnẹyịmavara vịdị tụ́ ọnịsẹ nịnị hi wa ịnị ụmẹ ọnị o zee yị Ijerusarẹmị, dị aza hi chi ẹngụ ọnịrị ẹkụra-ẹkụra ana kara a beri Ịnẹgẹvị, eyi ụvẹtẹ anị ọnịrị eyi ịzị ọyịị̄ ngụ ẹtẹ, uruvo ataba nịnị.

Iwe Ọhụhị Imosiisi ana aa hị́ Ọyịvatụrọda 28:15

Ama wàa mẹ akamawụ hi Ẹnẹyịmavara Ohomorihi awụ nịnị, dị wẹ yị sị ịzẹyịza saasa ọda anị ẹnẹnị, ọnị maa mẹẹ yị wụ nịnị ajịnị aanị nị, avaba ozirenu ẹnẹnị vaa vẹ ịrẹsụ awụ nịnị.

Iwe Ọhụhị Imosiisi ana aa hị́ Ọyịvatụrọda 28:52

Ẹnịnị vaa kụ́ ịrẹkụụ ngụ avaba ẹkụra awụ nịnị, di e wú avaba ọvọ ana a jị kara awụ nịnị. Ọvọ ẹnẹẹ ụ sị ayị tụra ka ẹ yị vaa zẹẹ ka à nyị ịsị ẹ mẹ̀ wụ nịnị nị. A vaa kụ́ ịrẹkụụ ngụ avaba ẹkụra ene hi ịnị ẹtẹ ọnị Ẹnẹyịmavara aa sị wụ nịnị aanị.

Ijosuwa 18:5

Ẹ ga ẹtẹ ọnọnị hi oze ịhịmba. Ijuda vaa ya ịzị ọ ya eyi ụvẹtẹ, dị anovwoovu Ijosẹẹhụ ẹ ya eyi ẹbẹẹba.