Ijeremaya 13:18 - IWE ỌNỊNỊ

¹⁸ Ijeremaya ka Ẹnẹyịmavara ộ ka ẹ yị ọnị ka, ọnị ọ̀ kà a yị ohinọyị ọnịrị ọnyị anị ka è chi hụụnị aga ohinọyị ẹnịnị, agụvị ka ọkẹkẹrẹkụ ẹnịnị ọ sị hụ hụrẹ wa ịrẹsụ.

Ijeremaya 13:18 ပူးပေါင်းရင်းမြစ်များ

2 Ohinọyị 24:12

Ijehoyakini ohinọyị Ijuda ộ sị ẹngụ ọnịrị ọnya anị, ezi ahụ anị, ọdọvịdị anị nịnị beri aza ene hi ini eehi anị chire Inebukadineza ụvọ. Ịrayị ọnọọ ọ tụ́ ịrayị ịhịnta ọnị Inebukadineza vị ohinọyị Ịbabịrọnị nị.

2 Ohinọyị 24:15

Inebukadineza ộ za ohinọyị Ijehoyakini ọrịhị nọ Ịbabịrọnị. Ộ kụ́ ọnyị anị, ese anị, ọdọvịdị ẹkụra ọnịrị aza ọkọọka hụrẹ Ijerusarẹmị saasa a.

2 Ịtọpa 33:12

Ịjị ụya sị hụ ọ, dị ọ ka ẹngụ chi di o ro ịnẹ vaka Ẹnẹyịmavara ana vị Ohomorihi anị, dị ọ da ịpẹ ka ọ mẹ̀ ọgụvọ yị ọnị nị.

2 Ịtọpa 33:19

Avaba ịsa ọnị ohinọyị Ịmanasẹ mẹ̀ ịnị ụmẹ anị vị ana chẹrẹ tụ́ ịnị iwe ịtọpa ọnịsẹ nịnị. Aa chẹrẹ ohinọyị mẹmẹ mẹ̀ aduwa, ohi ọnị Ohomorihi sị yọ ọnịrị avaba ịvị ọnị ọ mẹ̀ dị ọ vee ro ịnẹ hụụnị ebira odivi. Avaba irehi ori ọnị ọ dà, ọnịrị uyi ori neberi ori Asẹra ọnị ọ kụ́ aha irenyi-irenyi dị aa hẹkẹ wa vị ana chẹrẹ tịtẹ.

2 Ịtọpa 33:23

Ebira ọhịmị anị o divi huu ada anị nị. Ẹ yị nyị ụmẹ ọnị ọ sị sị ka ịrẹsụ hì di o ro ịnẹ hụụnị ebira odivi anị.

Ọyịkụra 10:3

Di Imosiisi ọnịrị Eerọnị ne tù Ihwarawo dị ẹ ka Ẹnẹyịmavara ana vị Ohomorihi Anihiburu ka ộ yị va dọ ka ọnị aa ká ẹngụ anịị chi yị ọnị ọgọnị? Di Imosiisi nịnị ka Ẹnẹyịmavara kà ọ̀ hụrẹ aza anị ụvọ dị ẹ na, dị ẹ̀ na hẹkẹ ọnị.

Ọyịkụra 39:28

Ẹ rẹ sị owu ozoza dị ẹ ta a vabẹ, di e si hi ịta ubobo ọnịrị amu ne beri ọtịnịnẹ awuru Eerọnị nịnị nị.

Ụhịrẹyị 27:24

agụvị ka ogu ọ maā jẹẹ ọza ụvọ pooro, ọza ịnyara ọ mā rẹ rị ohinọyị pooro.

Ayịsaya 3:20

Ọ rẹ vaa dọ wa ịsị e siī kú ịrẹsụ ọnịrị ẹba ana a siī kara ataahụ ọnịrị ọtẹ ne beri ijogo eturare ọnịrị ahọ̀nọ ẹnị ẹẹ̄ za.

Ayịsaya 3:26

Kụkụ vaa nyị aza ana aa kụ́ụ gụ enoze; ịzọọ vị ana vaa tịtẹ anka ịzị a yà aa jị òrèrè oku avọọ. Dị ẹ tịtẹ kẹnẹ anka ọnẹẹ ana tụ́ ahwaahụ dị ọ yaayịtẹ ini eteesu avọọ.

Ayịsaya 47:1

Ẹnẹyịmavara kà, Ẹwụ Ịbabịrọnị, chí hụụ ịrẹsụ aga ohinọyị awụ, dị ụ wa yaatụ ini edudu ini eteesu. Vị́ ụ vịdị sị mẹ anka ozi ọnẹẹ ẹnẹ ẹ yị yẹ ọnọrụ avọọ nị. Ẹkụra ọnị ọza èeè yị nyị ẹbẹẹba anị da ụ vị nị, ama booro aanị wẹ yị kụkụ vị ẹngụ aza ana a vọrọ ka à tangwa sị ụvọ za, ka ọ va tọ ụnava. Wa sị vara ọrịhị.

Ijeremaya 22:24

 nyị ohinọyị ọnya ana aā hị́ Ijehoyakimi, ozi Ijehoyakimi ana vị ohinọyị Ijuda ọ vị nị. Ẹnẹyịmavara ộ kà a yọ ka, ọnị Ohomorihi ana yara ọ̀ọ yị yà ịzọọ, àa da ka vị ọnị ọ̀ vị ochirigege ọnị ọnị sị tụ ụvọ nị, ọnị vaa tụ ọ kwooze.

Ijeremaya 22:26

Ẹnẹyịmavara kà ọnị vaa sị ụkata-ụkata dụ ọnịrị ọnya anị nee hi ẹkụra ọsa ịzị ọza ẹ yị ma wa tụ, dị ẹnịnị su tụ ịzọọ.

Ijeremaya 29:2

Ọ kà, ịrẹma ana a raa kụ́ ohinọyị Ijehoyakimi ọnịrị ọnyị anị, aza ana a mẹ̀ ụkọrọ ịnị eehi ohinọyị, ọdọvịdị Anijuda nịnị, ọnụkọrọ ụvọ nịnị ẹnịrị aza ana yara mẹ̀ ụkọrọ irenyi-irenyi nịnị ne hi Ịbabịrọnị ọnị chẹrẹ ịrẹta ọnọọ nị.

Ijeremaya 36:16

Ịjị ẹnịnị wụ́ avaba ịrẹyị ọnọnị, dị ẹnịnị kụkụ ee ré ẹngụ goro-goro angwa mee hi wa nị. Dị ẹ kà a yị Ibaruki ka aa nyị ka ẹnị ẹ̀ na ka ịrẹyị ọnọnị yị ohinọyị nị.

Arụwẹ 1:6

Ụbanyị Anijerusarẹmị ịyẹẹyẹ ọ sị vara ịtọpa. Ẹnị ọdọvịdị ẹnịnị vana kụkụ sị mẹ̀ ẹ anka ùnè ọnị ụngwẹ sị tụ ọkụmị avọọ. Ẹ́nịnị kụkụ sị mẹẹ uye ọnị ozube aa dụ dị echi sị ọ ha avọọ nị.

Arụwẹ 1:9

Ebira odivi ẹnịnị vana aza ee re chapaa, ama ẹnịnị é yi rò ịrẹyị ka sẹ vaa vị ọvavịrẹma anị kẹ. Agụvị avọọ ẹ maanị hyẹdụ divi-divi nị. Ẹ́ yị nyị ọza anaa sị wa ayị nẹtẹ vụrụ-vụrụ. Ụvọ ọnịvị ẹnịnị o ku wa, dị ẹ kụkụ e nowu ka Ẹnẹyịmavara ọ̀ vayị ẹnịnị nị.

Arụwẹ 2:10

Azọkụ-azọkụ Ijerusarẹmị vana chaka chire eteesu hẹẹ-hẹẹ, dị ẹ kụ edudu kụ ịrẹsụ nị. Ịta kẹnẹ-kẹnẹ ẹ rẹ và ku ẹngụ nị. Ezwoorihi ẹnịnị vana kụkụ ka ịrẹsụ hi kọhọ̀-kọhọ̀ hi ẹtẹ.

Arụwẹ 5:16

Avaba ịsị ẹnị yaa sị me eyi zị ệ ta. Ya sị da agụvị ebira odivi ọnị ị mẹ.

Ezikẹẹrị 16:12

Ọnị ộ sị ochirigege chire wu aahị, ọnị ộ kụ ịsụtọ hi wu ụtọ, dị ọnị kú wu amu ohinọyị gẹgẹrẹgẹ nị.

Ezikẹẹrị 21:26

Ẹnẹyịmavara Ananyị ụkata hu ka, wa ngwa ubobo awụ, dị wa hụ̀ amu ohinọyị awụ. Ịsavị-ịsavị ọ sị vara booro aanị. A vaa sị ọkụmịị rị ohinọyị, dị aa kà ọnụkata chi.

Ezikẹẹrị 24:17

Ọ kà ọnị ọọ hà iduma kẹnẹ, ama asị ọnị zẹẹ ka ọza ọ̀ wụ ọ. Asị ọnị hụ vị avọọ hụ ịrẹsụ anị ha, dị asị ọnị sị ahụ osusu ngwọọ zịịzị. Ọ kà asị ọnị va ịsa ku eyi, dị asị ọnị rị ịsa ana aā rị ọza aa zị ẹngụ oku.

Ezikẹẹrị 24:23

Wẹ́ yị vaa hụ ịsaa hụụnị ịrẹsụ nịnị, à vị ka waa sị ahụ osusuu ngwọọ zịịzị nịị. Asị ụ zị ẹngụ nịnị, dị a sị ụ jị òrèrè nịnị. Ụ vaa rị ụya nịnị agụvị ebira odivi awụ nịnị, dị wee rimanya zụ ẹngụ nịnị.

Ezikẹẹrị 44:18

Ịta hwẹkẹ-hwẹkẹ á vaa sị jị awụ ene e vee ku ọnịrị awuruchi ẹnẹ ẹyaa vụ́ nị agụvị à sị ẹhị tu wa. Ẹnịnị ẹ́ yị rẹ vaa jị obo sụ́ ọtẹ.

Ịdanịyẹrị 5:20

Ama agụvị ka ô nyima aa sị ẹngụ tụ ẹba, ọza ẹ yị kụkụ zụ ka ịrẹyịị yọ, dị ọ ra a mẹ̀ ebira odivi nị, Ohomorihi ộ dụ ọ hụụnị ohinọyị anị nị, dị ọ rẹ dọ ọ ụbanyị anị nị.

Ijona 3:6

Ohinọyị Ininivẹ mẹ vavọọ wụ́ ịrẹyị ọnọọ kẹnẹ, ộ kwẹẹtẹ hụrẹ ịrẹsụ aga ohinọyị anị, dị ọ ngwa irikimba anị tịtẹ nị. Dị ọnị rẹ sị achị ana aā sị zị ẹngụ ku ẹngụ anị, dị ọ yaayịtẹ ịrẹsụ atịtọ nị.

Imatiwu 18:4

Agụvị avọọ, ọza ana àa kà ẹngụ anị chí anka ozi ọnọnị, ọza ọnọọ o hu keekere ịzị Ada ayị ẹbẹẹba yà aa mẹ ịjọva nị.

Ijemiisi 4:10

Kà ẹngụ awụ nịnị chi ọvịdị Ohomorihi Ananyị yị, ka ọ vaa sị wụ nịnịị tụ́ ẹba!

1Ipita 5:6

Agụvị avọọ, kà ẹngụ awụ nịnị chi ọvịdị Ohomorihi ana nyị ụkata, agụvị dị ọ̀ sị wụ nịnị tụ́ ẹba ịnị ụmẹ ene èe zée eyi.