Ijeremaya 13:17 - IWE ỌNỊNỊ

¹⁷ Ọ kà, wàa ka wẹ yị wụ nịnị, ọnị vaa jị òrèrè ịnị aku, agụvị ka waa sị ẹngụụ tụ ẹba nịnị. Ọnị vaa jị òrèrè ọngwọọngụ dị ẹgọ ee si agụvị ka asị aza Ẹnẹyịmavara za ọrịhị ne hi aha ọsa.

Ijeremaya 13:17 ပူးပေါင်းရင်းမြစ်များ

Ahẹ Ụgama 119:136

M mè re ka aza ẹ yị zẹẹ ka ẹnị ẹ̀ẹ saasa ọda awụ, ẹgọ vị anaaa ká mị eyi.

Ahẹ Ụgama 80:1

Ẹwụ ana aa tẹsị Anisirẹrị anka ọza ene ee sere ịsụpa mẹ̀ẹ tẹsị ịsụpa anị avọọ, navọ wa wụ́ ịpẹ ọnị yaa dá.

Ayịsaya 63:11

Ama Ẹnịnị ệ tamayị ịsa ana mè ịnị ụmẹ Imosiisi ozi ahụ Ẹnẹyịmavara. Ê họ̀ use ka ịzị Ẹnẹyịmavara ana dọ ọdọvịdị aza anị ha hụụnị Oku Ovivi? Ịzị Ẹnẹyịmavara ana sị ụkata yị Imosiisi ya?

Ijeremaya 14:17

Ijeremaya ka, Ẹnẹyịmavara ộ kà a yị ọnị ka, ọnị ọ̀ kà a yị Anijuda nịnị ịsị ẹ vị ayodu anị, dị ọnị ọ̀ kà a ka, aanị eyi anị mẹ vaa ka ẹgọ, ọọdụ ọnịrị ịrahụ nị, ọnị ẹ yị hụụnị orere ọ̀ yị jị, agụvị ka aza anị ẹ́ raa tụ ụnava ngọtọọ, ịrẹyị odivi ô tù wa.

Ijeremaya 15:17

Ọnị ẹ yị sị ụmẹ anị yaatụ pe aza, dị ọnị oo nyí, dị ọnị ọọ mẹ aahẹ. Ịrẹyị awụ, Ẹnẹyịmavara ọnị wụ́ chire, dị ọnị ịnyara yaatụ aha anị di ayị aa kụ ọnị nị.

Ijeremaya 17:16

Ijeremaya ka, ama, Ẹnẹyịmavara, ọnị ẹ́ yị kà a ka wa kụ́ ẹngụkata ve tu wa o. Waa yẹ ka ọnị ẹ yị va ụva ka à nyị ụmẹ ọnị ẹngụkata si tu wa. Waa yẹ ịsị ọnị kà.

Ijeremaya 22:5

Ẹnẹyịmavara kà, ama àa vị ka, wẹ yị saasa ọda ẹnẹnị nịnị, ọnị ọ sị ẹngụ anị hị́ eku ka, irehi ohinọyị awụ nịnị ọnọnị vị ọnị ọnị aa jị eburu.

Ijeremaya 23:1

Ẹnẹyịmavara kà, oseratẹmẹ nịnị ana a wụ̀ aza anịị ha, dị ẹyaa gara wa aanị, ẹ sị da.

Ijeremaya 23:2

Ẹnẹyịmavara, Ohomorihi Anisirẹrị nịnị aa ka ẹ yị oseratẹmẹ nịnị ana vọrọ ka ẹẹ tẹsị aza anị ka: Wẹ yị tẹsị aza anị nịnị, Wa sị wa gara nịnị: wa raa dụ wa hi ozi nịnị. Booro aanị, ọnị aa vaa sị ụya avaba ebira odivi ọnị ụ mẹẹ rị ụ nịnị.

Ijeremaya 9:1

Ijeremaya ka, aa yẹ, ẹyị anị oo và enyi anka enyi anaa tụ̀ hụụnị eteesu avọọ. Dị ọnị oo jị òrèrè pooro kẹnẹ ọọdụ ọnịrị ịrahụ, agụvị aza anị ana a wụ̀ ha aanị.

Arụwẹ 1:16

Ịsị ẹ vị iruvo ọnị maa sịị jị òrèrè dị ẹgọ ee si ịnị eyi amị yị. Ẹ yị nyị ọza ana zụ sị ayị amị nẹtẹ vụrụ-vụrụ. Ẹ yị nyị ọza ana zụ hụ́ mị ayọvị. Ụvọ ọnịvị ayị ọ sị kara ayị; ẹ sị yị tụ avosusu.

Arụwẹ 1:2

Avaba ịrahụ vị ọnị Anijerusarẹmị aa jị òrèrè dị eyi ẹnịnị vị ẹgọ-ẹgọ. Ịnị avaba aza ẹnị ẹnịrịị vịdị vị ọta ẹ́ yị va nyị ikonya ana va sị wa ayị nẹtẹ. Avaba aza ọnị ọnịrịị vịdị zee vi ene vene e, dị ẹ varẹma kụkụ kwẹẹtẹ tu wa nị.

Arụwẹ 1:9

Ebira odivi ẹnịnị vana aza ee re chapaa, ama ẹnịnị é yi rò ịrẹyị ka sẹ vaa vị ọvavịrẹma anị kẹ. Agụvị avọọ ẹ maanị hyẹdụ divi-divi nị. Ẹ́ yị nyị ọza anaa sị wa ayị nẹtẹ vụrụ-vụrụ. Ụvọ ọnịvị ẹnịnị o ku wa, dị ẹ kụkụ e nowu ka Ẹnẹyịmavara ọ̀ vayị ẹnịnị nị.

Arụwẹ 2:18

Anijerusarẹmị ẹ̀ẹ jị òrèrè boro-boro hi Ananyị yị ẹngụ. Ẹnịnị ẹẹva ẹgọ hi ẹngụ ọọdụ ọnịrị ịrahụ dị oo sì anka enyi avọọ. Asị ẹ tụ́ ụhwọ́ ịnị ọyị zị ẹngụ, dị asị ẹ jị oborihu òrèrè.

Arụwẹ 3:48

Ẹgọ vị enee si ịnị eyi amị wuuru agụvị ka a kụ aza amị vú ẹtẹ.

Ezikẹẹrị 24:16

Ozi-ọza ọnị vee mí ịsa ụpọnya, dị ọnị sị wụ̀ ọza ọnị ọnị sị̀ ịrẹyị anị hu kere-kere. Ẹnẹyịmavara kà ọnị ọ̀ọ sị ọ wụ, asị ọnị Ezikẹẹrị kụ ịrẹka, asị ọnị jị òrèrè; asị ọnị hyakụ ka ẹgọ o.

Ezikẹẹrị 34:31

Ọ kà, ẹwụ nịnị atẹmẹ anị, ọnị ọnị aa pa vị aza anị, dị ọnị vị Ohomorihi awụ nịnị nị.

Ezikẹẹrị 36:38

Ẹkụra ana a jị eburu va hi ẹtẹ aanị vaa vị ohihi yị aza anka Ijerusarẹmị mẹ vịdịị vị ohihii yị atẹmẹ ana aa sị vaa mẹ̀ ịsọvọ ẹkụhị eche avọọ. Ịjọnọọ ẹnịnị vaa yẹ ka ọnị ọ vị Ẹnẹyịmavara nị.

Ezikẹẹrị 9:4

Ọ̀ ngụ avaba Ijerusarẹmị zịịzị, avaba aza enee du ayị agụvị ka aza aa mẹ ịsị aa nyị ọnị ịhyẹrẹ aanị ịnị ẹkụra, dị ọ̀ tọ̀ wa ịrẹwa ịnị ibe nị.

Ịmarakayị 2:2

Ộ kà yị wa ka, ẹnịnị ẹ yị zẹẹ ka ẹnị ẹ saasa ịrẹyị anị, dị ẹ yị sị ụbanyị yi ọnị nị. Ọ kà ọnị vee chì hi wa. Ọnị vaa vara ize ẹnịnị ozirenu. Ọ kà ọnị ộ hyakụ raà vara a ozirenu agụvị ka ẹnịnị ẹ sị ịrẹyị anị tụ́ aruvore.

1 Ịsamụwẹrị 15:11

“Ộ zị mị ẹngụ ka mâ sị Ịsọọrụ rị ohinọyị. Ộ raà vara ayị anị tu mị. Ộ yị mẹ ịsị mị ka ọ̀ na mẹ.” Ịrẹyị ọnọọ ô du Ịsamụwẹrị ayị, dị ahịka vi o ji orere pooro hi Ẹnẹyịmavara ẹngụ ịrahụ ọyịvụrụ nị.

1 Ịsamụwẹrị 15:35

Pooro dị Ịsamụwẹrị su, ọ yị vana si eyi gẹrị Ịsọọrụ. Ama Ịsamụwẹrị vị ana aa jị òrèrè Ịsọọrụ. Ộ zị Ẹnẹyịmavara ẹngụ ka ọnị ộ sị Ịsọọrụ mẹ ohinọyị Anisirẹrị.