Ijeremaya 13:14 - IWE ỌNỊNỊ

¹⁴ Ẹnẹyịmavara kà ọnị vee gù avaba ẹnịnịị chire ẹngụ. Ada rị ozi bẹẹ vị ọnị ọnị guu chire ẹngụ. Ọnị ẹ yị vaa vayị ẹnịnị ka ọnị ẹ yị vu wa ẹtẹ.

Ijeremaya 13:14 ပူးပေါင်းရင်းမြစ်များ

2 Ịtọpa 20:23

Isoja Anamọnị ọnịrị Animowabi nịnị ẹ kụ́ ịrẹkụ ne tu Anedomi, dị ẹ vu wa ẹtẹ saka-saka, dị ẹnị-ẹnị vara eyi ka ẹngụ dị wụ́ ẹngụ ha nị.

Ijoovu 27:22

Ahị ọnọọ ẹ yị vayị ẹnịnị ẹ̀ẹ daka aa sị vụrị ka ẹnị è zwe yọ.

Ahẹ Ụgama 2:9

Ịjọva ọkatẹngụ ụ vaa mẹẹ tụra wa nị di waa chaka waa vaa ha anka ụnọkọ avọọ.

Ayịsaya 27:11

Ịjị ọchị ẹnẹẹ sị wụ, dị a dà wa, dị anyẹnẹẹ nịnị va kụ́ wa na gụ ịra nị. Aza ẹnẹẹ ẹ yị yẹ ịrẹyị. Agụvị avọọ Ohomorihi ana mẹ wa ọ yị kụkụ vayị ẹnịnị. Mị ka Ohomorihi ana tụ́ wa vẹ ẹhẹ ọ yị kụkụ vayị ẹnịnị.

Ijeremaya 15:5

Ẹnẹyịmavara kà, ẹwụ nịnị Anijerusarẹmị, ẹnẹ vana vaa vayị awụ nịnị; ẹnẹ vaa zị ẹngụ awụ nịnị da? Ẹnẹ vaa jẹẹ họ̀ use ka ụ mẹmẹ yà nịnị kẹ?

Ijeremaya 15:6

Ọ kà wa sị ọnị yi tịtẹ nịnị, wa sị ịrẹma và ka ọnị nịnị. Avọọ, ọnị vaa tana ụvọ za wụ nịnị dị ọnị vu u nịnị ẹtẹ, agụvị ka ịzị ọnị vayị awụ nịnị tu avọọ oo zee.

Ijeremaya 16:5

Ọ kà a ka asị Ijeremaya ngụ irehi ana aza aa zị ẹngụ oku ịnị anị. Asị ọ́ hụvị ọza ọnyọọnyị du ayị. Ọ kà ọnị ẹ yị ma vana mẹ ize yị aza ka ẹ̀ nyị ẹngwọọrọ. Ọnị ẹ yị kụkụ vee sì ịrẹyị ẹnịnị avịka ọnị ọ̀ vayị ẹnẹnị.

Ijeremaya 21:7

Ọ kà ama Ịzẹdẹkaya, ọdọvịdị ẹkụra anị nịnị, ọnịrị aza ana vọ ịrẹma ịrẹkụ, ụngwẹ ọnịrị ụkụ ọnọọ, vị ọnị ọnị vaa hụrẹ ụvọ yị Inebukadineza ọnịrị ọnịvị ẹnịnị enee si wa isu. Ẹnẹyịmavara kà Inebukadineza vaa wụ̀ wa, ọza ịnyara ẹ yị yaa vọ. Ẹ yị vaa vayị ẹnịnị vụrụ-vụrụ.

Ijeremaya 25:16

Ọ kà ẹnịnị ee hú ịnị anị, ọ vaa mẹrị wa, dị ẹnịnị ẹ́ yị kụkụ yẹ ịsị ẹyaa mẹ, agụvị ka ọnị aa kụ́ ịrẹkụ nee tù wa.

Ijeremaya 47:3

Aza vaa wụ́ ahụ umaata nịnị ịrẹyị é mee zwe echi, ẹ vaa wụ́ ụkẹkẹ ịrẹkụ ọnịvị ẹnịnị ịrẹyị dị ẹyaa wụ́ ahụ ụkẹkẹ ọnịvị ịrẹka. Aza ezi nịnị ẹ́ yị va jẹẹ ka ẹnị ẹ̀ gụ ezi ẹnịnị ụvọ. Ụvọ ẹnịnị vị ene vee sú za wa ẹngụ,

Ijeremaya 48:12

Ẹnẹyịmavara kà, ụmẹ aa vẹ ọnị ọnị vaa tụ aza dị ẹ va dụ Animowabi va hi ẹhẹ anka a mee và echee ha avọọ. A vaa tụ ẹkụra ẹnịnị osusu, dị aa jị ọ eburu anka a mẹẹ và eche hụụnị okoko, di a chaka okoko ọnọọ avọọ.

Ijeremaya 6:21

Ọ kà, agụvị avọọ, ọnị vee zina ịrẹta jị wa ọvịdị ọnị ẹ vaa tụ ahụ ịnị anị dị ẹ sẹ ẹdụ. Ada rị ozi nịnị vee su, avọọ ọta-ọta nịnị ọnịrị aza ana ra gụrị ẹngụ ẹnị me re vee su nị.

Arụwẹ 2:21

Ezweyi ọnịrị azọkụ nịnị vị ana a wụ̀ va hi ẹtẹ oze; Ezwoorihi ẹnịrị ọmụha ẹnịnị vị ọnị ọnịvị nịnị sị ụ̀hwọ̀ wụ̀. Ẹnẹyịmavara maa kụ ayị, ẹ́ yị vayị ẹnịnị, ọ sị ẹnị wụ̀ va ha.

Ezikẹẹrị 24:14

Ọnị Ẹnẹyịmavara Ananyị ụkata hu ọ sị ịrẹyị anị ka, o si tu ka ọnị ọ̀ mẹ ịsị ọnị ka ọnị aa mẹ, ọnị ẹ́ yị va sị eyi hụụnị ebira odivi ọnị ụ mẹ nịnị; ọnị ẹ́ yị vaa vayị awụ nịnị. Ọnị vaa sị avaba ụya ịsị ọnị ụ mẹẹ rị wụ nịnị.

Ezikẹẹrị 7:3

Ẹwụ nịnị Anisirẹrị, eyi awụ nịnị ọ sị nị. Ọnị vaa sị ọyịkụ anịị zụ̀ wụ nịnị, dị ọnị mẹ̀ ọkarẹyị avaba ịsị ọnị Ụ mẹ yị wụ nịnị. Ọnị vaa sị ụyaa rị wụ nịnị agụvị avaba ịsị enyisi ọnị u mẹ nịnị.

Ezikẹẹrị 7:4

Ọ kà ọnị ẹ́ yị vaa sị eyi kwooze yị wụ nịnị; ọnị ẹ́ yị vaa vayị awụ nịnị; ama ọnị vaa sị ụyaa rị wụ nịnị agụvị avaba ịsị enyisi ọnị waa mẹ nịnị. Ịjọnọọ, ụ vaa yẹ nịnị ka ọnị ọ vị Ẹnẹyịmavara nị.

Ezikẹẹrị 7:9

Ẹnẹyịmavara kà ọnị ẹ́ yị vaa sị eyii kwooze yị wụ nịnị, Ọnị ẹ́ yị vaa vayị awụ nịnị. Ọnị vaa sị ụyaa rị wụ nịnị agụvị avaba ịsị enyisi ọnị waa mẹ nịnị. Ịjọnọọ, ụ vaa yẹ nịnị ka, ọnị ọ̀ vị Ẹnẹyịmavara anaa sị ụyaa rị wụ nịnị nị.

Ezikẹẹrị 8:18

Avọọ, ọnị vaa sị ọyịkụ anịị zụ wa ẹtẹẹtẹrẹ. Ọnị ẹ́ yị vaa sị eyi kwooze yị wa, ọnị ẹ́ yị vaa vayị ẹnịnị. Ẹnịnị vaa mẹ̀ aduwa, dị eyee nowu boro-boro, ama ọnị ẹ́ yị vee tu wa ohi.

Ezikẹẹrị 9:10

Ama ọnị ẹ́ yị vaa vayị ẹnịnị. Ọnị vaa mẹ wa, ịsị ẹ́ mẹ aza ana vọ.

Ezikẹẹrị 9:5

Ezikẹẹrị ka, ọnị ộ wụ Ohomorihi mẹ kà a yị aza ẹnị ịhịnọnyị ana vọ ka, ẹ̀ saasa ọza ọnọnị ngụ avaba Ijerusarẹmị zịịzị, dị ẹnịnị ẹẹ wụ̀ azaa ha. Asị ẹ́ dà aza ẹnyẹẹnyị tịtẹ. Asị ẹ́ vayị ọza ọnyọọnyị.

Ihoseya 2:4

Ẹnẹyịmavara kà ọnị ẹ yị vaa vayị ezi anị agụvị ka ezi ọta ẹ vị nị. Ọnyị ẹnịnị vana sẹ̀ ịrẹka dị ọ ma wa.

Ịzakaraya 11:6

Ẹnẹyịmavara kà ọnị ẹ yị kụkụ vaa vayị ọzọọnyịzọnyọ ịnị ẹhẹ. Ọ kà ọnị ụvọta vaa sị avaba aza chẹrẹ ohinọyị ẹnịnị ụvọ. Ẹnịnị vaa mẹ ẹtẹ ẹsẹvẹsẹvẹ, dị ọnị ọ yị dọ wa ha hụụnị ụvọ aza ana vavọọ vaa mẹ ẹvaya yị wa.

Imatiwu 10:21

Ẹyịnyara ẹnyị vee sì iruvo ọsa, ka à wụ ọọ. Ada vee sì iruvo ezi anị. Dị ezi kwẹẹtẹ tù aza ana ma wa, dị ẹ mẹ ka à wụ̀ wa.

Ịmaakị 13:12

Ẹyịnyara ẹnyị vee sì iruvo ọsa, dị a wụ ọọ. Ada vee sì iruvo ozi anị. Di ezi kwẹẹtẹ tù aza ana ma wa, dị ẹ wụ̀ wa.

Iwe Ọhụhị Imosiisi ana aa hị́ Ọyịvatụrọda 29:20

Ẹnẹyịmavara ẹ yị vaa vagu ẹngụ ọza ọnọọ. Ọ nyayịnẹ vee du ayị hi ọ nị. Avaba odivi ana chẹrẹ tụ́ ịnị iwe ọnọnị vị ana vaa nọ ịrẹsụ anị pooro di o vu ẹtẹ saka-saka.

1 Ịsamụwẹrị 14:16

Isoja Ịsọọrụ ene ee sere ẹtẹ ene hi Igibeya ịnị ẹtẹ Ịbẹnjamịnị ê re isoja nịnị mèe zwe wuuru zi oze eyi ẹnyị zi oze eyi ọsa.