Ijeremaya 12:3 - IWE ỌNỊNỊ

³ Ọ kà ama, Ẹnẹyịmavara waa yẹ ọnị, wee re ịsị ọnịị̄ mẹ ọnịrị ọnị mẹmẹ sì ịrẹyị awụ. Tura aza edivi ẹnẹnị hi ẹhẹ anka atẹmẹ ana a ka à na wụ avọọ. Sị eyi pe wa nee tu ụmẹ ana a vaa sị wụ̀ wa.

Ijeremaya 12:3 ပူးပေါင်းရင်းမြစ်များ

2 Ohinọyị 20:3

Ọ kà, Ẹnẹyịmavara ọ tamayị ka ọnị ọ raà sị avaba ayị mẹ ịzẹyịza, dị ọnị rẹ mẹ̀ ịsa ana vọrọ eyi anị nị. Dị ọ sụ ùnè ẹtẹẹtẹrẹ nị.

1 Ịtọpa 29:17

Máa yẹ ka ụụ̄ zama ayị avaba azaa re; ayị awụụ̄ hinee tù aza ene ebira ẹnịnị vọrọ. Ịzẹyịza mị sị avaba ịsa ẹnẹnị va wụ nị. Mê re avaba aza awụ ana wara gụ anị mee hine ayị ka ẹnị ệ sị ẹyịza va wụ.

Ijoovu 23:10

Ọ yẹ avaba ịsa ọnị aa mẹ. Ọ̀ọ zama ọnị re, ọ yẹ ka ọnị ọ nị anka Igooru.

Ahẹ Ụgama 11:5

Ẹnẹyịmavara ee re ịsị ọnịzẹyịza aa mẹ. Ama ebira aza edivi ọnịrị aza ana aā chamayịị yị ọza vị ọnị ọ nyị ịhyẹrẹ anị.

Ahẹ Ụgama 139:23

Ohomorihi, zama mi re, dị wa yẹ ayị amị. Mị ka wa zama mi re dị wa yẹ ịsị mee ro.

Ahẹ Ụgama 17:3

We ve tù mị ịrahụ dị ụ zama mi re nị. Wâ yẹ ayị amị, wâ yẹ ka me yi sì ka ma sị irenu amị ka ịsa odivi.

Ahẹ Ụgama 26:1

Ẹnẹyịmavara, asị ụ jị ịvị mị agụvị ka mẹ yị zẹẹ ka ma mẹ akụvị Mẹ yị mẹ ayị ẹẹva, ẹwụ nya kẹnẹ mị sị ayị tụra nị.

Ahẹ Ụgama 7:9

Mâ yẹ ka ẹwụ vị Ohomorihi ana aā mẹ ịrẹyị ana vọrọ. Wâ yẹ ịsa oni yee ro ọnịrị ịsa oni yee sì ịnị ayị ayị. Navọ wa za aza edivi ụvọ chire enyi, dị asị ẹ rẹ kụkụ chamayị. Navọ dị wa sị ahụ aza ana aa mẹ ịzẹyịza jẹẹ.

Ijeremaya 15:15

Ijeremaya ka, dị ọnị ka, tee! Ẹnẹyịmavara waa yẹ ọ. Ọ̀ navọ ọ̀ tamayị anị dị ọ̀ mẹ ọgụvọ yị ọnị o. Ọ̀ navọ ọ̀ họ̀ oponu ịrẹyị anị ịrẹsụ aza anaa sị ụyaa rị ọnị anị o. Asị ọ kụkụ nyị usuuru yị aza anaa wụ ọnị aanị de. Ọnị ka Ẹnẹyịmavara ọ̀ tamayị ka agụvị anị ọnị aa dọ ụhụụ zị nị.

Ijeremaya 17:16

Ijeremaya ka, ama, Ẹnẹyịmavara, ọnị ẹ́ yị kà a ka wa kụ́ ẹngụkata ve tu wa o. Waa yẹ ka ọnị ẹ yị va ụva ka à nyị ụmẹ ọnị ẹngụkata si tu wa. Waa yẹ ịsị ọnị kà.

Ijeremaya 17:18

Ọ̀ navọ asị ọ́ zẹẹ ka ụhị nyị ọnị ama ọ̀ mẹ̀ ụhị nyị aza anaa sị ụya rị ọnị. Asị ọ mẹ ayị hụrẹ ọnị ịnẹ, ama ọ̀ kụ ayịhụrịnẹ tu wa. Ọ̀ navọ ọ̀ kụ ẹngụkata odivi tu wa dị ọ̀ gara wa ha chẹkẹ-chẹkẹ.

Ijeremaya 20:12

Ama Ẹnẹyịmavara Ochẹtẹẹngụ, ẹwụ aa sị ịzẹyịzaa zama azaa re nị. Waa yẹ ịsị ẹ yà ịnị ayị aza, ọ ka, Ẹnẹyịmavara ọ̀ navọ ọnị o re ịjị aa họ̀ oponu ịrẹsụ ọnịvị anị nịnị.

Ijeremaya 48:15

Ohinọyị ana aā hị́ Ẹnẹyịmavara Ochẹtẹẹngụ ka, ẹtẹ Imowabi ọnịrị avaba ẹkụra ene hi ịnị anị vị enee vee vú ẹtẹ. Ezwọọmụha ọyịza-ọyịza ene hi ịzọọ vị ana vaa wụ̀ ha.

Ijeremaya 50:27

Wụ avaba isoja ẹnịnị và ha. Anibabironi nịnị ẹ sị da, ka ụmẹ o si tu ka ẹnịnị ẹ̀ rị ụya.

Ijeremaya 51:4

Ẹnịnị vị ana a vaa tọ̀ ụnava, dị e sú va hi ẹtẹ oze ene hi ẹkụra ẹnịnị.

Ịjọọnụ 21:17

Dị Ijeesu rẹ họ̀ ọ ụpẹ ọhụta ka, “Ịsayịmọnị, ozi Ijona, wéé sì ịrẹyị amị?” Ayị Ipita o si du, agụvị ka Ijeesu ọ rẹ họ̀ ọ ụpẹ ọhụta ka óó sì ịrẹyị anị. Dị Ipita kụkụ kà a yọ ka, “Ananyị yị, wâ yẹ avaba ịsa, wa rẹ yẹ ka mê sì ịrẹyị awụ.” Dị Ijeesu rẹ kà a yọ ka, “Waa tẹsị ezi atẹmẹ amị!

Ijemiisi 5:5

Ama ẹwụ nịnị ọ́ọ ta dẹngụ, ụ maa kụ́ ịsaa rị, anka uye ana aa pá naa wụ; ama wẹ yị yẹ ka aa vaa wụ̀ wụ nịnị.

2Ipita 2:12

Aza ẹnẹnị vị ana ya anka ịsụpa obooro avọọ ana a mẹ ka àa wụ. Ịsị ẹnịnị ẹ yị yẹ ini oze anị, dị ẹyaa kà odivii hi ọ. Vị ẹnịnị vee vú ẹtẹ kẹnẹẹ tụ́ ini ebira odivi ẹnịnị nị.