Ijeremaya 12:15 - IWE ỌNỊNỊ

¹⁵ Ama, ọnị ọọ raa kụ wa kwooze, ọnị varẹma vaa vayị ẹnịnị. Ọnị varẹma vaa kụ anẹkụra ọzọzaa vaa vẹ eehi ẹnịnị, ịnị ẹkụra ẹnịnị.

Ijeremaya 12:15 ပူးပေါင်းရင်းမြစ်များ

Ijeremaya 16:15

Ama ẹnịnị vaa sị ọnịị hị́ eku ka: Ohomorihi ana kụ Anisirẹrị nịnị hụrị ẹtẹ Ịbabịrọnị ọnịrị avaba ẹkụra ịzị ọnị dụ wa ne hi vavẹ ẹkụra ọnị ọnị sị yị ohiku ẹnịnị, ọ̀ọ yị yà ịzọọ.

Ijeremaya 24:6

Ọ kà ọnị vee sere wa, dị ọnị varẹma kụ wa vavẹ ẹtẹ Ijerusarẹmị. Ọnị vaa hị́ wa hi ịnị ẹkụra, ọnị e yi vee hu wa hụrẹ ẹtẹ. Ọnị vaa mẹ ka ẹẹ hụ, ọnị ẹ yị vaa gụ wa hyẹdụ.

Ijeremaya 29:14

Ẹnẹyịmavara kà, ịzẹyịza, u vee re ọnị nịnị, dị ọnị và ụ nịnị ịrẹma va tụ ịnị ẹtẹ awụ nịnị. Ọ kà ọnị kụ́ ụ nịnịị gụ hụrị avaba ẹkụra ọnị ọnị gara ụ nịnị ne hi. Ọnị vaa kụ́ ụ nịnị hụrị ẹkụra ana dị ụ nịnị ne hi, dị ọnị kụ ụ nịnị và vẹ ẹkụra awụ nịnị.

Ijeremaya 3:12

Ẹnẹyịmavara kà ọnị ọ na nọ̀ ọ yị Anisirẹrị nịnị ka, ẹwụ nịnị Anisirẹrị, aza anị ẹnẹ ẹ yị nyị ịzẹyịza, và vẹ eehi nịnị, dị waa ka ọnịị vẹ nịnị, agụvị ka ọnịị vayị ọza. Ọnị ẹ yị vaa kụ́ ayịị hi u nịnị zịna-zịna.

Ijeremaya 3:17

Ọ kà, ụmẹ ọnọọ vị ana a kụkụ vaa hị́ Ijerusarẹmị aha udi ohinọyị Ẹnẹyịmavara. Avaba anẹhẹ vaa vẹ ịzọọ vaa hẹkẹ ọnị. Ẹnịnị ẹ yị kụkụ vaa mẹ ayị ọkatẹngụ ẹnịnị anaa sị wa mẹ̀ ebira odivi enee si.

Ijeremaya 4:2

Dị Ijeremaya ka wàa sị ịrẹha anị hị́ eku nịnị tụ ịrẹsụ ịzẹyịza ọnịrị ịsa ana vọrọ nịnị, ọ vaa mẹ ka ò zé yị ẹkụra awụ nịnị, dị avaba aza kụkụ aa sị ọ mẹ ụbanyị.

Ijeremaya 48:47

Ama, Ẹnẹyịmavara kà, ụmẹ rẹ vanaa vẹ, dị ọnị mẹ ka bo zee yị Imowabi, dị ọọ yara. Avaba ịsa ọnị Ẹnẹyịmavara kà ọnị vaa mẹ Imowabi yi o.

Ijeremaya 49:39

Ọ kà, ama ụmẹ aa vẹ, ọnị ọnị rẹ vana mẹ ka oo zee yị Erami.

Ijeremaya 49:6

Ama Ẹnẹyịmavara kà, ọ̀ vavẹ ịrẹma anị, ọnị vanaa mẹ ka ò zee yị Anaamọnị nịnị.

Ịdanịyẹrị 11:4

Ụmẹ ọnị ọ̀ọ maanị ta jẹẹ kẹnẹ, ịjọva anị vaa gara, dị ọ gà tụ oze ẹẹna. Ama oze ọnyara ẹ yị hyakụ ve tu ịpa evere anị ọ yị mẹ ohinọyị tụra. Ẹ yị vị ẹngụ ịjọva ọnị ọ sị ụkata mẹ avọọ a vanaa mẹ tụra wa ịrẹsụ.

Emọsị 9:14

Ẹnẹyịmavara kà ọnị vaa kụ aza anị anaa za ọrịhị hi ikinamị vaa vẹ eehi. Ẹnịnị vee tenyi eburu ẹkụra ẹnịnị da, dị ẹ̀ ra hi ịnị anị. Ẹ vaa kụ ụbazị ịvayịnị, dị e yee hu eche anị, ẹ vaa da ụbazị, dị ẹ yaa rị ịsa anị.

Ịrịka 32:18

Ẹ kà ẹnị vaa ya pe wa pooro di avaba Anisirẹrị nịnị ana vọ ẹ nyị ẹtẹ ẹnịnị.

Odeyi 15:16

‘Ananyị yị ka ịrẹma ọsọnị ọnị vaa vaavẹ, di oni ò ve tenyi irehi Idevidi ene si wú hi ẹtẹ dà, di oni tenyi eburu anị dà;

Iwe Ọhụhị Imosiisi ana aa hị́ Ọyịvatụrọda 3:20

Isoja ẹnịnị vaa saasa Anisirẹrị ana vọ pooro dị ẹnịnị ẹ dọ avaba ẹtẹ ọnị Ẹnẹyịmavara ana vị Ohomorihi ẹnịnị àa sị yị wa akẹnẹ irehu Ijodani eyi ọsa. Ịrẹsụ ọzọza ọ sị ẹtẹ nyị, dị isoja ọzọza vavẹ ịnị ẹtẹ anị.

Iwe Ọhụhị Imosiisi ana aa hị́ Ọyịvatụrọda 30:3

Ẹnẹyịmavara Ohomorihi ẹnịnị vaa vayị ẹnịnị, ọ vaa ku wa varẹma hụrẹ ẹkụra irenyi-irenyi ọnị ọ ga wa hi, dị ọ mẹ ka o zee yị wa.