Ijeremaya 12:11 - IWE ỌNỊNỊ

¹¹ Ẹnịnị ẹ sị ọ vara ụnọmị tịtẹ ọvịdị anị. Avaba ẹkụra ọyịvụrụ ọ sị vara ụnọmị. Ẹ yị jị ọza ọnyọọnyị areyi.

Ijeremaya 12:11 ပူးပေါင်းရင်းမြစ်များ

Ịrẹyị Ọzwọzịsa 7:2

Ọza ọ̀ọ nọ ịzị a yaa zị ẹngụ ọza ene su ọ zoza hu ka ọ nọ ịzị a yaa aa rị eche nị; ọza ana yara ọ tamayị ka ẹkụhị aa vẹ ọnị ọzọza vee su.

Ayịsaya 42:25

Agụvị avọọ, ộ sị ọyịkụ anị zụ yị, dị ọ mẹ̀ ka à kụ́ ịrẹkụ tu yi, dị ya rị ụya nị. Dị ọyịkụ anị rị avaba ẹtẹ Isirẹrị anka ịra mẹẹ rị avọọ. Ama yẹ yị yẹ ịsaa mẹ̀, yẹ yị va kọ ọsẹ ịsa ọnyọọnyị hụụnị anị.

Ayịsaya 57:1

Ọnịrẹyịzẹyịza nịnị ee sú, ẹ yị nyị ọza ana daba roo. Aza anaa sị ịzẹyịzaa hẹkẹ Ohomorihi aa tá, ẹ yị nyị ọza ana yẹẹ. Ọnịrẹyịzẹyịza nịnị ene sú, vị ana a kụ́ụ hụụnị ẹngụkata.

Ijeremaya 10:22

Sị ụtọ pe ẹtẹ nịnị! Enube ộ vẹ. Ẹ naa wụ̀ isoja nịnị ịrẹka ẹtẹ Ịbabịrọnị. Ẹnịnị aa vaa hụ azaa hụrị ẹtẹ Ijuda, dị ọ kụkụ vị aha ọnị irezi ịnị avị nịnị kụkụ ra nị.

Ijeremaya 10:25

Ọ kà, ọ sị ọyịkụ anị zụ aza ana ka ẹnị ẹ yị yẹ ẹ; dị ẹnịnị ẹ yị maa hẹkẹ ẹ. Ẹnịnị ẹ sị aza Ẹnẹyịmavara wụ̀ ha; ẹ sị ẹnị vú ẹtẹ saka-saka, dị ẹ jị ẹkụra ẹnịnị eburu nị.

Ijeremaya 14:2

Ọ kà, Anijuda nịnị ẹ sị ẹngụ và hí; anẹkụra ẹnịnị eè su; ẹnịnị hi ịnị eteesu ee sụ ùnè, Anijerusarẹmị nịnị aa jị òrèrè boro-boro ka a vaa gụ ẹnị ụvọ.

Ijeremaya 19:8

Ẹnẹyịmavara kà ọnị vee vú Ijerusarẹmị ẹtẹ divi-divi. Avaba aza anaa parahu vị ọnị ọ́ vaa zaa zizi óoo me hi wa irenu.

Ijeremaya 23:10

Aza ẹnẹ ẹ̀ yị mẹ ịzẹyịza hị́ Ẹnẹyịmavara vị ana gụ ẹtẹ kẹnẹ ịnị ẹkụra. Ẹnịnị aa mẹ̀ ebira odivi-odivi, dị ẹyaa sị ụkata ẹnịnịị mẹ ịsị ẹnẹ ẹ̀ yị vọrọ nị. Ẹnẹyịmavara o ree chi hi ẹtẹ ẹnịnị, dị ẹtẹ ẹnịnị aa rị ụya nị. Ịzị ịsụpa nịnị naa rị avị ọ sị wụ.

Ijeremaya 25:11

Ẹnẹyịmavara kà, avaba ẹtẹ Ijerusarẹmị vị ana vaa jị eburu. Avaba aza ana ra kara a vanaa kụ hẹkẹ ohinọyị Ịbabịrọnị mẹ ịrayị ẹtarẹwụ.

Ijeremaya 4:20

Ịrẹyị odivi ẹnyị aa mẹ vaa tụra ọsa. Asị avaba ẹkụra gara ha. Obonobono a va gara avaba ajẹngụ ọnịrị irehi ẹnịị va ha nị.

Ijeremaya 4:27

Ẹnẹyịmavara ộ vịdị sị ọ ka ka, ọnị vaa jị avaba ẹhẹ eburu, ama ọnị e yi vee vu avaba anị ẹtẹ saka-saka.

Ijeremaya 4:28

Ọ kà, avaba anẹhẹ vaa va ẹngụụ hi, dị ẹbẹẹba hozi, agụvị ka ọnị Ẹnẹyịmavara ọ sị ịrẹyị ka, ọnị ẹ yị vaa vara a. Ịsị ọnị ka ọnị aa mẹ, ọnị ẹ yị vaa và ịnị anị.

Ijeremaya 6:8

Ọ kà, ẹwụ nịnị Anijerusarẹmị ọ̀ jẹẹ, dị ẹngụkata ẹnẹnị ọ̀ kà wụ nịnị ọ̀nọ̀, ka ẹyị vị avọọ ọnị va hụrẹ ẹwụ nịnị ụvọ. Ọnị vaa jị ẹkụra awụ nịnị eburu dị ẹ yị kụkụ nyị aza vụrụ-vụrụ.

Ijeremaya 9:10

Ẹnẹyịmavara kà ọnị vaa hụvị ataba nịnị ọnịrị ịzị ịsụpa nịnị naa rịị jị òrèrè, agụvị ka ẹ sị wụ. Ọza ẹ yị kụkụ zị avọọ para hu. Ọza ẹ yị kụkụ wụ̀ ịsụpa nịnị owu; inomi nịnị ẹnịrị uye ịnị avị ẹ kụ zwe si hu.

Ijeremaya 9:11

Ọ kà, Ijerusarẹmị vị ọnị ọnị vaa jị eburu dị ahịka irezi ịnị avị ẹ kụkụ aa ngụ ịnị anịị zị ụmẹ tụra ụmẹ nị. Ọnị vaa tụ ẹkụra ene hi Ijuda osusu, dị ẹ yị nyị ọza ana kụkụ ra ịnị anị.

Ijeremaya 9:9

Ọ kà, aanị ka ẹ yị vọrọ ka ọnị ọ hụvị ẹsẹnị sị ụya rị wa? Aanị ka ẹ yị vọrọ ka ọnị ọ̀ họ̀ oponu ịrẹyị ẹngụ anị ịrẹsụ ẹngụ anẹkụra ẹnẹnị?

Ijowẹrị 1:10

Aarẹ vị osusu; dị ẹtẹ aa jị òrèrè agụvị ka e reè du akụ ẹnịnị ha, ọchị ịvayịnị ana aā sị mẹ̀ eche ẹ kụ̀ wụ̀, dị ọchị orivi ana aa sị mẹ̀ angwẹ sị wara nị.

Ireevi 26:32

Ẹnẹyịmavara kà ọnị vee vú ẹtẹ ẹnịnị ẹtẹ saka-saka dị evu-ẹtẹ ọnọọ za ọnịvị nịnị ene ve hi ịzọọ zizi.

Ịzakaraya 7:5

Ọ kà Ịzakaraya ọ ka yị aza ana ra ịnị ẹtẹ ọnọọ ọnịrị ohirẹsụ irehi Ohomorihi nịnị ka ẹ yị vị agụvị anị ẹnịnị aa zị ẹngụ, dị ẹ yị rị ịsa ịnị ụhwẹ ẹẹhị ọnịrị ụhwẹ ịhịmba ịrayị hụrị ịrayị ẹtarẹwụ ana para hu.

Ịmarakayị 2:2

Ộ kà yị wa ka, ẹnịnị ẹ yị zẹẹ ka ẹnị ẹ saasa ịrẹyị anị, dị ẹ yị sị ụbanyị yi ọnị nị. Ọ kà ọnị vee chì hi wa. Ọnị vaa vara ize ẹnịnị ozirenu. Ọ kà ọnị ộ hyakụ raà vara a ozirenu agụvị ka ẹnịnị ẹ sị ịrẹyị anị tụ́ aruvore.

Aniroomi 8:22

Yâ yẹ ka vi ve tù ọyaanị, avaba ịsa oni Ohomorihi tụ́, vị ene ee tì, dị ẹ yà ịnị ẹngụkata anka ọnẹẹ ana aa barẹẹ avọọ.