Ijeremaya 11:5 - IWE ỌNỊNỊ

⁵ Ọ kà ịjị ọnọọ, ọnị vaa mẹ ịsị ọnị hị́ eku anị yị ohiku ẹnịnị, ka ọnị vaa sị ẹtẹ ịzị ịsụpa ẹnịnị ọnịrị ịsa ịnị aarẹ ẹnịnị vaa ha dị ẹ yaa mẹ ẹtẹẹtẹrẹ yị wa. Ẹtẹ ọnọọ ẹnịnị yà ịnị aanị nị. Dị Ijeremaya tụ́ ohi ka, Ẹnẹyịmavara, ọ̀ vavọọ ya (aamị).

Ijeremaya 11:5 ပူးပေါင်းရင်းမြစ်များ

2 Ịtọpa 6:17

Isoromọnị ộ dà ịpẹ ka Ẹnẹyịmavara ọ mẹ̀ ịsa ọnị ọ ka yị ozi ahụ anị Idevidi.

Ahẹ Ụgama 105:8

Ộ tamayị ịrẹyị ọnị ọ kà tịtẹ ka ọnị vaa mẹ. Ịrẹyị ọnọọ o mē jesi pooro, Ịrẹyị ọnọọ vị ana jị jẹẹ yị ezi ịrẹma-ịrẹma ana vanaa vẹ.

Ọyịkụra 13:5

Dị ọ rẹ ka ịhị ẹẹ na sị ngụ ẹtẹ Ikanaani ọnị ọnị Ẹnẹyịmavara kà a yi ohiku ẹnịnị ka ẹ yị zụ nyị ka ọnị ọ yị sị yị wa, dị ẹ̀ẹ tamayị ẹkụhị ọnọọ. Dị ọ ka aza ana vịdị ra hi ịnị ẹtẹ Ikanaani ẹ vị Anihiti, Anamọrị, Anihivi ọnịrị Anijebusi. Ọ rẹ ka ẹtẹ Ikanaani ô zoza ẹtẹẹtẹrẹ, ka ộ nyị avị ana vọrọ ka ịsụpa ẹ̀ rị, avọọ ọ mẹ̀ rẹ zụ mẹ̀ ịsa nị.

Ijeremaya 19:12

Ẹnẹyịmavara kà ọnị vaa mẹ Ijerusarẹmị ọnịrị avaba aza ene hi ịnị anị anka Itohwẹtị avọọ nị.

Ijeremaya 28:6

Aamị! Ẹnẹyịmavara ọ̀ vavọọ mẹẹ. Ẹnẹyịmavara ọ̀ vaa mẹẹ anka Ịhananịya mẹ kà a gẹdẹ-gẹdẹ avọọ. Dị ọ̀ kụ ẹngụ ana a kụ hụụnị irehi Ohomorihi ọnịrị aza ana a dụ ne hi Ịbabịrọnị và vẹ nị.

Ijeremaya 32:22

Wâ sị ẹtẹ ozoza, ẹtẹ ize ọnọnị yị Anisirẹrị anka ụ mẹ hị́ eku anị yị ohiku ẹnịnị ka ụ vaa mẹ.

Ireevi 20:24

Ama ọnị ọ sị kà yị Anisirẹrị nịnị ka, ẹnị ẹ vanaa nyị ẹtẹ anẹkụra ẹnẹẹ nị. Ọnị vaa sị mẹ oguu yị wa. Ẹtẹ ọnọọ vị ẹtẹ ịzị Imiriiki ọnịrị ẹhụ gwẹtẹ kẹnẹ. Ọnị ọ vị Ẹnẹyịmavara Ohomorihi ẹnịnị ana nyị wa tụ irenyi yị aza ana vọ nị.

Imatiwu 6:13

Asị ụ sị yị tụ ịnị ọyịzamare, ama dọ yị ha hụụnị ụvọ Echu. (Agụvị ka ẹwa vị Ohinọyị, dị ụ nyị avaba ụkata ọnịrị igirima pooro zịna-zịna Aamị!)

1 Anịkọrịntị 14:16

È yị vị avọọ, wàaa sị ụkata Ụhwẹ Ohomorihi ga Ohomorihi, aza ẹnẹ ẹ̀ yị wụ́ ẹkụra ọnị ụ waa kà, mẹmẹ zụ kà a ka, “Aamị” tụ́ ịnị ụga ọnị ụ waa sịị yị Ohomorihi? Wâ yẹ ka ọ yị wụ́ ịsị ụ waa kà.

Iwe Ọhụhị Imosiisi ana aa hị́ Ọyịvatụrọda 6:3

Batọ, wàa sị vụrị dị u saasa ọda ọnọọ nị, ẹhẹ awụ e zoza, dị wáa yara ịnị ẹtẹ ozoza ọnị Ẹnẹyịmavara ana vị Ohomorihi ohiku awụ nịnị hị́ eku anị yị wa.