Ijeremaya 11:23 - IWE ỌNỊNỊ

²³ Ọ kà ọnị ọ raa jị ụmẹ ọnị ọnị ve sii vu anị Anatọtị ẹtẹ. Ịjị ụmẹ ọnọọ oo tu, ọza ikonyara ẹ yị yaa vọ ẹtẹ ịnị ẹnịnị.

Ijeremaya 11:23 ပူးပေါင်းရင်းမြစ်များ

Ijeremaya 11:19

Ama ọnị vị ana sị mẹẹ anka ozi atẹmẹ ana a sị ka à na wụ avọọ. Ọnị ẹ yị yẹ ka ọnị ẹ yaa geyi anị nị. Ẹ yaa kà a ka: à jẹẹ ẹnị du ọchị ọnọnị ha beri ẹtụtụ anị à jẹẹ ẹnị ẹ wụ ọ dị asị a kụkụ tamayị ịrẹha anị.

Ijeremaya 23:12

Ọ kà agụvị avọọ, oze ẹnẹ ẹyaa vaa tụra vị ana vaa swa wa ọsịrị. A vaa dụ wa ngụ ịrahụ, dị ẹ sẹ ẹdụ va hi ẹtẹ. Ẹnẹyịmavara kà ọnị vaa kụ ẹngụkata odivi tù wa, ịjị ụmẹ ẹnẹ ẹ vaa sị rị ụya oo tu.

Ijeremaya 44:27

Ọ kà, ọnị ẹ́ yị ma vana zẹẹ ka ò zé wụ nịnị, ama ọnịvị awụ nịnị vị ene vee vu wu nịnị ẹtẹ. Avaba awụ nịnị vị ene vee su, dị ẹ yị nyị ọza ana vẹtẹ. Ọza ọnị ịrẹkụ ẹ̀ yị wụ, dị ụkụ wụ ọ.

Ijeremaya 46:21

Isoja ẹnẹ ẹ na hị́ ka ẹ̀ vaa gụ ẹnị ụvọ vị ana tụ ọkụmị jẹẹ anka ozi ụnọ avọọ. Ẹnịnị ẹ́ yị va zụ jẹẹ kụ ịrẹkụ. Ẹnịnị vị ene zwe varẹma. Ẹkụhị ụyọrị ene e ve sii vu Ijipiti ẹtẹ o tù aanị nị ọ.

Ijeremaya 48:44

Ọza enee zwè yị ịsị ee chire ọza angwa aanị, vee horo ngụ ụsị, ọza anaa jịnẹ hụụnị ụsị ọnọọ tụ ẹhẹ dị ịrẹpa za a, agụvị ka ụmẹ ọnị ọnị Ẹnẹyịmavara jị ka ọnị ee sii vu Animowabi nịnị ẹtẹ ọ vị ọnọọ nị.

Ijeremaya 5:29

Ẹnẹyịmavara kà, áá vọrọ ka asị ọnị sị ụya rị wa ụvị ebira ẹnẹnị, dị ọnị ọ̀ họ̀ oponu ịrẹyị ẹngụ anị ịrẹsụ ẹngụ aza ẹnẹnị?

Ijeremaya 5:9

Ẹnẹyịmavara kà, áá vọrọ ka asị ọnị sị ụya rị wa agụvị avaba ọsọnị, dị ọnị ọ̀ họ̀ oponu ịrẹyị ẹngụ anị ịrẹsụ ẹngụ ẹkụra ọnọnị?

Ijeremaya 50:27

Wụ avaba isoja ẹnịnị và ha. Anibabironi nịnị ẹ sị da, ka ụmẹ o si tu ka ẹnịnị ẹ̀ rị ụya.

Ijeremaya 6:9

Ijeremaya ka, Ẹnẹyịmavara Ochẹtẹẹngụ ô kà a yị ọnị ka, ọnịvị ẹnịnị vaa hụ́ azaa hụrị Ijerusarẹmị saka-saka anka ụbazị ana a tọ̀ọ́ avaba ẹtụtụ ọchị anị avọọ. Ọ kà ẹ̀ varẹma và tụra a anka aza anaa tọ̀ ọ ẹtụtụ ọchị avọọ.

Ijeremaya 8:12

Ọ kà, ụhị waa vanaa nyị aza anị ka ẹnị ệ maanị mẹ ịsị edivi ẹnẹnị da? Ịzị ọ na vị. Ụhị ọ ma nyị waa vụrụ-vụrụ. Ẹnịnị ẹ ma sị eyi tẹ ka aza ee re ẹnị, avọọ ẹnịrị aza ana vọ ẹ vaa hyẹdụ nị. Ẹ́ ẹnịnị vaa ta ịhị ọnị aa sị ụyaa rị wa.

Ihoseya 9:7

Ụmẹ ụyọrị Anisirẹrị nịnị ọ sị ngụ tu wa, Ụmẹ ọnị Ohomorihi ee si si wa atọ ebira odivi ẹnịnị aa gụrị ẹtẹ. Ẹ yị jẹẹ dị Isirẹrị ẹ yẹ. Ẹnịnị ẹ yaa kà a ka ọnịsẹ ọnịrị ọnụtụ Ohomorihi nịnị vị onuvu. Ẹnịnị ệ nyị ịhyẹrẹ Ohomorihi agụvị ka ebira odivi ẹnịnị ọ sị vị ẹnẹmẹhị.

Ọbadaya 1:18

Ezi Ijekọvụ ọnịrị ezi Ijosẹẹhụ vaa sịị mẹẹ anka ịra ana vaa rị ezi Iisọ anka ịra mẹẹ̄ rị ugugu ọchị akụ ịnị aarẹ avọọ nị. Ẹnẹyịmavara kà ẹ yị nyị ezi Iisọ ana vaa ha vụrụ-vụrụ.

Imika 7:4

Ana dahi hu ịnị ẹnịnị ê divi huna ikeyi Ọnịsẹ ệ vịdị kà wụ nịnị ọ̀nọ̀ ịhyọọ ka a vaa nyị ịrẹyị. Ịrẹyị ọnọọ ọ vẹ, o, ewee họ̀ use ka ụ mẹ̀ vaa zị.

Iruuku 19:44

Dị ẹ vara wụ eteesu saka-saka beri ezi ewu. Ẹnịnị ẹ yị vaa navọ ịrẹta ẹnyịị tụra ọsa, agụvị ka wẹ yị yẹ ụmẹ oni Ohomorihi sị vẹ ka ọnị ọ̀ va dọ wụ há.”