Ijeremaya 11:21 - IWE ỌNỊNỊ

²¹ Avọọ dị Ẹnẹyịmavara kà yị ọnị ka, aza ene hi Anatọtị ee sị ọnị isu, dị ẹ ka asị ọnị vana vaa kụ tụ Ẹnẹyịmavara yị ẹnị, ka ẹyịvavọọ vị ẹnị aa wụ ọnị nị.

Ijeremaya 11:21 ပူးပေါင်းရင်းမြစ်များ

Ayịsaya 30:10

Ẹ ka asị ọnịsẹ nịnị rè kuku re ẹtẹ ẹ̀ ka yị ẹnị. Ẹ ka asị ẹ rè kà a yi ẹnị ka ịsa ana vọrọ ka àa mẹ yị. Ẹ ka ọnịsẹ nịnị èe cheeche ene hinee yị ẹnị kẹnẹ.

Ijeremaya 1:1

Ụmẹ ọnya, â nyị ọnọrụ ọnya aanị ana aā hị́ Ijeremaya ọnị ịrẹha ada anị rị Ihirikaya, ọnyara ịnị ẹnị ohirẹsụ irehi Ohomorihi ene hi ẹkụra ana aā hị́ Anatọtị ịnị ẹtẹ Ịbẹnjamịnị ọ vị nị. Ijeremaya ọnọọ ộ kà ịrẹyị ẹnẹnị nị.

Ijeremaya 1:19

Ọ kà ẹnịnị vaa kụ ịrẹkụ tu ọnị ama ẹnịnị ẹ yị va zụụ za ọnị, agụvị ka ọnị ọ yà pe ọnị ọ yị dọ ọnị ha.

Ijeremaya 20:10

Ijeremaya ka ọnị aa wụ́ aza maa kà a chire ẹngụ ụtọ ka: Avaba aha vị ayịhụrịnẹ-ayịhụrịnẹ! avọọ, à jẹẹ ẹnị ẹ̀ sị ịrẹyị anị na tụ ọdọvịdị nịnị ịrẹka. Ọta anị nịnị bẹẹ vị enee zí ka ọnị ọ̀ sẹ ẹdụ. Ẹ ka, ẹyịyara, e vee zuu vene ọnị, dị ẹnị ẹ̀ zá ọnị. Ẹnị ẹ̀ẹ zá ọnị, dị ẹnị họ̀ oponu ịrẹyị ẹngụ ẹnịnị.

Ijeremaya 26:8

Ịjị avaba ụtụ ọnị Ẹnẹyịmavara tụ Ijeremaya taa ka kẹnẹ, dị ohirẹsụ irehi Ohomorihi nịnị, ọnịsẹ nịnị ẹnịrị avaba aza zaa, dị ẹ ka, vị ẹnị aa wụ̀ ọ nị.

Ijeremaya 32:7

Re, Ihanameri ozi ọyịnyara ada anị ana aā hi Isarumi vaa vẹ vaa kà a yị ọnị ka, ọnị ọ̀ va na hị́ ẹtẹ anị ana yà ịzị aā hị́ Anatọtị, agụvị ka ọnị ọ vọrọ tụra ka ọ̀ hị́ ọ nị.

Ijeremaya 34:20

vị ọnị ọnị vaa kụ chire ọnịvị ẹnịnị enee si wa usu ụvọ. Inomi ịnị ahị ẹnịrị uye ịnị avị nịnị ẹ vaa rị oku ẹnịị nị.

Emọsị 2:12

Dị ẹnịnị aa ka aza Ẹnẹyịmavara eche, dị ẹ raa dụ ọnụtụ Ohomorihi ka asị ẹ kà etore ẹnịnị nị.

Imika 7:6

Ezi e yị sị ụbanyị yi ada ọnịrị ọnyị ana ma wa vẹ ẹhẹ Ose ozi ọ sị kwẹẹtẹ tù ọnyị ọva anị ka ọ sị dà ajịnị. Anineehi ọza ọ Ẹ kụkụ vị ọnịvị ọza nị, e.

Imatiwu 10:21

Ẹyịnyara ẹnyị vee sì iruvo ọsa, ka à wụ ọọ. Ada vee sì iruvo ezi anị. Dị ezi kwẹẹtẹ tù aza ana ma wa, dị ẹ mẹ ka à wụ̀ wa.

Imatiwu 21:35

Dị aza ẹnẹẹ za ezi ahụ ẹnẹẹ, di e tụ́ ọnya, dị ẹ wụ ọsa; di e ne ọsa ịrẹta nị.

Imatiwu 22:6

Dị ana vọ za ezi ahụ ẹnẹẹ, dị ẹ sị ụya rị wa, dị ẹ wụ̀ wa nị.

Iruuku 4:24

Dị ọ kà a yị wa ka, “Ịzẹyịza, m maa kà a wụ nịnị nị, ọza ọ mā dọ ọnịsẹ ẹkụra anị.”