Ijeremaya 11:19 - IWE ỌNỊNỊ

¹⁹ Ama ọnị vị ana sị mẹẹ anka ozi atẹmẹ ana a sị ka à na wụ avọọ. Ọnị ẹ yị yẹ ka ọnị ẹ yaa geyi anị nị. Ẹ yaa kà a ka: à jẹẹ ẹnị du ọchị ọnọnị ha beri ẹtụtụ anị à jẹẹ ẹnị ẹ wụ ọ dị asị a kụkụ tamayị ịrẹha anị.

Ijeremaya 11:19 ပူးပေါင်းရင်းမြစ်များ

Ijoovu 28:13

Ẹ́ yị nyị ọza ana yẹ ịrẹyọyẹ mẹmẹ nyị ụbanyị. Ẹ́ yị vị ịsa enee zụ re hụụnị ụvọ ẹyị ọza ọ vị.

Ahẹ Ụgama 109:13

Asị ụ zẹẹ ka à kụkụ tamayị ịrẹha irima anị ini ovwoovu ẹnịnị.

Ahẹ Ụgama 112:6

Nyị ịsị e zụ zizi ẹngụ aza ẹnẹẹ. Aza ana aā mẹ̀ ebira ana vọrọ vị ana a vaa tamayị anị pooro.

Ahẹ Ụgama 116:9

Ẹnẹyịmavara, ụ ka mà yà ịda awụ dị maa zị ụsẹ ịnị ẹhẹ beri aza ana yàra.

Ahẹ Ụgama 142:5

Ẹnẹyịmavara, mê nowu va za wụ. Mị ka ẹwa zụ dọ mị tụ́ nị. Ẹwa vị ogu ọnị mị nyị ịnị ẹhẹ ọnọnị nị.

Ahẹ Ụgama 27:13

Mâ yẹ kaakara ka mi vee re ịsa ozoza ẹnị Ẹnẹyịmavara vaa mẹ ịnị ẹhẹ ọnọnị.

Ahẹ Ụgama 31:13

Maa wụ́ aza ọrụrụ-ọrụrụ mèe cheechee kú mị dị ẹnịnị ee chire mi angwa eyi ụvọnị-ụvọnị ẹ yaa gẹ eyi amị ka ẹnị ẹ̀ dọ mị ụhwẹ.

Ahẹ Ụgama 35:15

Ẹnị èe ve re ka mị yà ịnị ẹngụkata dị ẹ kụ́ gụ dị ẹ yaa jẹ Mẹ yị yẹ ịsị mị mẹ wa, dị ẹ kụ́ gụ ka ịrẹyị amị o tù ẹnị nị di e yee du mi pooro kẹnẹ.

Ahẹ Ụgama 52:5

Ohomorihi vị ana vaa sị wụụ hụụnị ajẹngụ awụ dị ọ mẹ ka awụ ọ̀ ta ịnị ẹhẹ pàá.

Ahẹ Ụgama 83:4

Ẹ ka à vẹ dị ẹnị ẹ̀ wụ̀ wa va ha, di asị a kụkụ tamayị ka Anisirẹrị ẹnị rẹ yà ịnị anẹkụra ene hi ẹhẹ.

Ụhịrẹyị 10:7

Ịrẹkụkụ ọza ọyịza ọ mē vu ama ọza odivi ẹ yị nyị ọyịza ana aa sị tamayị anị.

Ụhịrẹyị 24:15

Asị ụ hama ọza ọhịmị ene e ne zi ọnịzẹyịza, dị ọ sị àkó dọ ọ avaba ịsa ọnị ọ nyị.

Ụhịrẹyị 7:22

Obooboro ọmụha ọnọọ vavọọ aa dụ ọ hyọọrọ na anka ụnọ anaa na wụ avọọ nị. Ọ ngụ ọsẹrẹka ọnọọ ụvọ anka ịrẹpa ọ za ùnè avọọ.

Ayịsaya 32:7

Aza edivi vị ana aā mẹ̀ ebira odivi. Òo zee eyi asị a nyị ịsị onosiye mẹ, di e gẹ eyi, di e cheeche kú ọ ka ẹnị ẹ̀ wụ ọ.

Ayịsaya 38:11

Me roo ka ịnị ẹhẹ ọnọnị ọnị ẹyị ọza va ra aanị mẹ yị kụkụ vene re Ẹnẹyịmavara Ẹ yị nyị anẹhẹ ọnị mị venee re.

Ijeremaya 1:19

Ọ kà ẹnịnị vaa kụ ịrẹkụ tu ọnị ama ẹnịnị ẹ yị va zụụ za ọnị, agụvị ka ọnị ọ yà pe ọnị ọ yị dọ ọnị ha.

Ijeremaya 18:18

Dị Anijuda nịnị ka, à vẹ dị ẹnị ẹ̀ mẹ Ijeremaya ọnyaa. Ẹnị ẹ̀ẹ mẹ ọnyaa, ohirẹsụ irehi Ohomorihi ị ve hi ẹtẹ ana vaa sị ịrẹyịị zụ ẹnị; aza ana yẹ ịrẹyị hi ẹtẹ ene vee pe ẹnịị jị uwe. Ọnịsẹ nịnị hi ẹtẹ ọnị Ohomorihi vaa yịị tụ́ hi ẹnị. Ẹ ka, à vẹ ẹnị ẹ̀ kwẹẹtẹ tu ọ, dị asị ẹnịnị kụkụ wụ́ ịrẹyị anị.

Ijeremaya 20:10

Ijeremaya ka ọnị aa wụ́ aza maa kà a chire ẹngụ ụtọ ka: Avaba aha vị ayịhụrịnẹ-ayịhụrịnẹ! avọọ, à jẹẹ ẹnị ẹ̀ sị ịrẹyị anị na tụ ọdọvịdị nịnị ịrẹka. Ọta anị nịnị bẹẹ vị enee zí ka ọnị ọ̀ sẹ ẹdụ. Ẹ ka, ẹyịyara, e vee zuu vene ọnị, dị ẹnị ẹ̀ zá ọnị. Ẹnị ẹ̀ẹ zá ọnị, dị ẹnị họ̀ oponu ịrẹyị ẹngụ ẹnịnị.

Ijeremaya 26:8

Ịjị avaba ụtụ ọnị Ẹnẹyịmavara tụ Ijeremaya taa ka kẹnẹ, dị ohirẹsụ irehi Ohomorihi nịnị, ọnịsẹ nịnị ẹnịrị avaba aza zaa, dị ẹ ka, vị ẹnị aa wụ̀ ọ nị.

Arụwẹ 3:60

Ô yẹ ka ẹnịnị ệ nyị ịhyẹrẹ amị, di o re avaba eyi ẹnẹ hụvị anị aa gẹ ka a mẹ̀ mị odivi.

Ezikẹẹrị 32:24

Ẹramị yà ịzọọ. Ikuta avaba isoja anị gụ kara a. A maa kụ̀ ịrẹkụ á wụ̀ avaba ẹnịnị nị. Ẹnịnị ẹ́ yị yẹ Ohomorihi, dị ẹ na ngụ ịdị aneku. Ịjị ẹnịnị yà ịnị ẹhẹ vị ọnị ee chire aza angwa; ama ẹnịnị ê wusu booro aanị. Asị ụhị mẹ nyị wa anka aza ana a wụ a maa kụ̀ ịrẹkụ avọọ.

Ịdanịyẹrị 9:26

Ịjị ụmẹ ọnọọ ọ̀ọ sị gụ, a vaa kụ ayị ọdọvịdị ọnị Ohomorihi nyị aanị dị aa wụ̀ ọ. Ọdọvịdị ọnyara vaa sị ụkata kụ isoja anị vẹ, dị e vu Ijerusarẹmị ọnịrị irehi Ohomorihi ana ya ịzọọ ẹtẹ. Ịsị ẹ vaa za ịrẹsụ yị ọdọvịdị ọnọọ ve divi ẹtẹẹtẹrẹ. A vaa kụ̀ ịrẹkụ dị e du ịsa ha ẹtẹẹtẹrẹ. Avọọ Ohomorihi mẹ mẹ̀ ẹ ọda tịtẹ nị.

Ihoseya 9:8

Ihoseya kà ọnịsẹ ọnị Ohomorihi tụ ka o sere Anisirẹrị ọnị vị nị. Ama aha tụra aha ọnị ọọ nọ vị ẹnẹ ẹ va ịrẹpa zi ọnị anka inomi avọọ. Ẹnịnị vị ana nyẹngụrẹyị hi ọnị huu na ngụ ịnị irehi Ohomorihi.

Ịrịka 1:14

Iriyasahụ ozi Iduwẹrị hụụnị ịrẹsụ Igadi