Ijeremaya 11:17 - IWE ỌNỊNỊ

¹⁷ Ọnị Ẹnẹyịmavara Ochẹtẹẹngụ ene chire wu nịnị, ọ sị ọ ka ka vị ọnị ee vu wu nịnị ẹtẹ nị agụvị ebira odivi ọnị ẹwụ nịnị Anisirẹrị ọnịrị Anijuda aa mẹ nịnị. Ọ kà wa sị ayị mẹ kụ ọnị nịnị agụvị ka wa naa mẹ̀ ịsọvọ yị Ịbaarị nịnị.

Ijeremaya 11:17 ပူးပေါင်းရင်းမြစ်များ

2 Ịsamụwẹrị 7:10

Re kà a yọ ka mi vee tenyi aha yị Anisirẹrị aza amị dị mị sị ahụ ẹnịnị jẹẹ. Mị vaa si aha yị wa, dị ẹ ra ịzọọ dị ẹ yị nyị ọza ana kụkụ kụ́ ọ zigi wa. Aza edivi ẹ mā vana mẹ wa eyi ngwẹ-ngwẹ anka ẹ mẹ̀ vịdị mẹ wa.

2 Ịtọpa 28:25

Avọọ ọ mẹ rẹ da irehi ori hi avaba ẹkụra-ẹkụra ene hi Ijuda nị. Ebira ọnị ọ mẹ aanị ộ mẹ̀ ka ayị kụ́ Ẹnẹyịmavara Ohomorihi ohiku ẹnịnị.

Ahẹ Ụgama 44:2

Ẹwa sị ụkata awụ dụ aza ẹnẹ ẹ̀ yẹ wụ hụụnị ẹtẹ ana aza ẹnẹẹ yà dị ụ ka ohiku ayị ẹ̀ kụkụ ra hi ịnị ẹtẹ ọnọọ nị Wâ pa ịva yị aza ẹnẹẹ ẹtẹẹtẹrẹ ama dị ụ mẹ ka ò zee yi ohiku ayị nịnị nị.

Ahẹ Ụgama 80:15

Wéē re ọchị ẹnị ẹwụ ụvọta sị ụkata awụ chire, mị ka we re ozi ẹnị ẹwụ ụvọta sị mẹ ozi ewu.

Ahẹ Ụgama 80:8

Wâ kụ́ yị hụrẹ Ijipiti vẹ anka ọchị ịvayịnị avọọ. Dị ụ dụ anẹkụra ọsa hụụ ịzọọ, dị ụ sị yị tụ́ ịzọọ anka a mẹ̀ẹ hụ́ ọchị ịvayịnịị tụ́ aha avọọ nị.

Ayịsaya 5:2

Ô huru ẹtẹ ọnọọ dị ọ tọ̀ọ́ ịrẹta anị hụụnị anị; Dị ọ hị̄ ọchị ịvayịnị ozoza-ozoza hi ọ nị. Dị ọ rẹ dà irehi ọgọdọ tụ́ ịnị ụbazị ọnọọ ịzị oserẹtẹ vaa yà di oo sere e nị. Dị ọ va chị aha ịzị a vaa yàa kwọrọ ẹtụtụ igirepi ẹnẹẹ ẹ̀ẹ sị tụ́ nị. Ọta amị aa tụra eyi ka ọchị ẹnẹẹ vaa tụ́ ẹtụtụ ozoza, ama dị ahịka ẹtụtụ edivi-edivi ẹ na tụ́ nị.

Ayịsaya 61:3

Aza ene hi Ịzayọnị ee du ayị sị ịrajẹ ọnịrị ayohine dọ ịrẹsụ ayodu ẹnịnị yị wa sị ahẹ ụgama dọ ịrẹsụ ahẹ orere yị wa Ẹnịnị vaa sị mẹ anka ọchị ọnị Ẹnẹyịmavara chire avọọ nị. Avaba ẹnịnị vaa mẹ̀ ịsa ana vọrọ. Ohomorihi vị ana a vaa ga agụvị ịsa ọnị ọ raà mẹ.

Ijeremaya 1:14

Dị Ẹnẹyịmavara kà hụrẹ eyi ẹbẹẹba ịsị edivi vaa gara vee ku avaba aza ene hi ịnị ẹtẹ ọnọnị nị.

Ijeremaya 11:11

Ẹnẹyịmavara kà agụvị avọọ, ọnị vee vu wa ẹtẹ ọnị ẹnịnị ẹ yị vaa ha hụụnị anị. Ẹnịnị ẹẹ nowu ka ọnị ọ gụ ẹnị ụvọ, ọnị e yi vee tụ́ ohi.

Ijeremaya 11:13

Ẹnẹyịmavara kà, ẹwụ nịnị Anijuda, avaba ẹkụra awụ nịnị vị ana kụkụ nyị ori ẹnịnị. Avaba oze ene hi Ijerusarẹmị vị ẹnị ẹnị re hi ụta hi. Ịnị ụta ẹnẹẹ ẹ yaa mẹ̀ ịsọvọ yị ori ana aā hị́ Ịbaarị nị. Ori ọnọọ vị anaa nyị ọza ịhyẹrẹ.

Ijeremaya 12:2

Wee chire wa tụ ịnị ẹkụra, ẹ sị ẹpa nyị; Ẹnịnị ệ hụ dị ẹ yaa tụ ẹtụtụ nị. Ịrẹyị awụ vị ẹnị ẹ sịị̄ tụ irenu pooro kẹnẹ ama ẹ yị yaa wa ayị.

Ijeremaya 18:15

Ẹnẹyịmavara kà ama, aza anị e ree hí ayị anị; ẹnịnị vana kụkụ rị eturare ịra yị ori nịnị. Ẹnịnị ẹ raa tụ́ ahụ oze ẹnẹ và tụra. Ẹ́nịnị ẹ yị và tụra oze ịyẹẹyẹ. Ụparị ọnị ọza ẹ yị tọrẹwa ẹ́ kụkụ aa zị nị.

Ijeremaya 18:8

Aza ẹnẹẹ ẹ̀ẹ va hụụnị ịsị odivi ẹnịnị, ọnị rẹ vaa và a hụụnị ịsị ọnị ka ọnị vaa mẹ wa.

Ijeremaya 19:15

Ẹnẹyịmavara Ochẹtẹẹngụ, Ohomorihi Anisirẹrị ọ́ sị ọ ka ka, ọnị vaa sị ụyaa rị Anijerusarẹmị nịnị ọnịrị avaba anẹkụra ana kara wa anka ọnị mẹ kà a, agụvị ka ẹnịnị aa mẹ ayị ọkatẹngụ, ẹnịnị ẹ yị saasa ịrẹyị anị.

Ijeremaya 2:21

Maa nyị ụ nịnị jẹẹ anka ọza ana sị uhu ịvayịnị ene hu kere-kere dị o chire tu irenyi avọọ. Ama wee re ịsị ụ kụkụ vị nịnị booro aanị? Vị ụ kụkụ sị mẹ nịnị anka ịvayịnị ana vụ, dị ẹ̀ yị nyị ịsị ọ kụkụ rụra mẹ avọọ nị.

Ijeremaya 24:6

Ọ kà ọnị vee sere wa, dị ọnị varẹma kụ wa vavẹ ẹtẹ Ijerusarẹmị. Ọnị vaa hị́ wa hi ịnị ẹkụra, ọnị e yi vee hu wa hụrẹ ẹtẹ. Ọnị vaa mẹ ka ẹẹ hụ, ọnị ẹ yị vaa gụ wa hyẹdụ.

Ijeremaya 26:13

Ọ kà, aa nyị ka wa vara ẹhẹ ọnị waa ra nịnị ọnịrị ịsa ọnị waa mẹ nịnị, dị waa saasa ịrẹyị Ẹnẹyịmavara Ohomorihi awụ nịnị. Wàa vavọọ mẹ nịnị, ẹ́ yị kuku vee vu u nịnị ẹtẹ anka ọ mẹ kà a.

Ijeremaya 26:19

Ihezekaya ohinọyị Ijuda ọnịrị Anịjuda nịnị ẹ́ yị hụvị avọọ wụ ọ. Ama Ihezekaya ô hí angwa Ẹnẹyịmavara dị ọ dá ịpẹ yọ nị. Ịzẹyịza Ẹnẹyịmavara ộ và hụụnị avaba ụya ọnị ọ ka ọnị aa sịị rị wa. Ẹ ka, vị ẹnị aa vaa kụ ẹngụkata odivi tù ẹngụ ẹnịnị aanị nị ọ.

Ijeremaya 32:29

dị ẹ jị ịra da a. Ẹnịnị vaa rị ọ ịra bẹrị avaba irehi ana aza ya mẹ ayị kụ ọnị. Aza ẹ ya ịrẹsụ irehi ẹnẹẹ aa rị eturare ịra yị ori ana aā hị́ Ịbaarị, dị ẹ́ rẹ yaa sị eche mẹ̀ ịsọvọ yị ori ana vọ nị.

Ijeremaya 32:30

Ẹnẹyịmavara kà hụrị ụmẹ ọnị Anisirẹrị ọnịrị Anijuda sị nyima ẹhẹ ẹnịnị, ayị anị é yi hine tu wa. Avaba ịsị ẹnịnịị mẹ vị ẹnẹ ẹ sịị mẹ ayịị kụ ọnị pooro.

Ijeremaya 35:17

Avọọ, ọnị Ẹnẹyịmavara Ochẹtẹẹngụ, Ohomorihi Anisirẹrị vaa sị ụyaa rị ẹwụ nịnị Anijuda ọnịrị Anijerusarẹmị anka ọnị mẹ kà a tịtẹ. Ọ kà ọnị vavọọ aa mẹ wụ nịnị agụvị ọnị ộ kà ịrẹyị yị wụ nịnị ama wẹ yị wụ; ọnị ộ hị́ wụ nịnị, we yi tụ́ ohi.

Ijeremaya 36:7

Ijeremaya ka, ẹyịyara, ẹnịnị vaa dá ịpẹẹ ị Ẹnẹyịmavara, dị ẹnịnị và hụụnị ẹhẹ odivi ẹnịnị. Ọ kà, Ẹnẹyịmavara ọ raa sị ọyịkụ-ọyịkụ ee wo oto hi aza ẹnẹnị.

Ijeremaya 40:2

Inebuzaradani ana vị ohirẹsụ isoja aanị ộ hị́ ọnị tụ oboka, dị ọ ka, Ẹnẹyịmavara Ohomorihi awụ nịnị ô wo oto ka ọnị vee vu ẹkụra ọnọnị ẹtẹ.

Ijeremaya 40:3

Ọ́ va sị ọ mẹ booro aanị, ka waa mẹ̀ ebira odivi hi ọ nịnị, wẹ́ yị saasa ịrẹyị anị nịnị avaba ẹsẹnị maanị sị mẹ nị.

Ijeremaya 42:10

wàa dọ di ụ yà ịnị ẹtẹ ọnọnị nịnị nị, ọnị vaa mẹ ka waa yara nịnị, ọnị ẹ́ yị vaa gara wụ nịnị. Ọnị vaa hị́ wụ nịnị, ọnị é yi vee hu wu nịnịị hụrẹ ẹtẹ. Ọ kà ụya ọnị ọnị sị rị wụ nịnị aanị, ô du ọnị ayị.

Ijeremaya 44:5

Ama wẹ yị wụ nịnị. Wé yị dọ ka wa hụụnị ịsị odivi ọnị waa mẹ, dị waa mẹ̀ ịsọvọ hi ori nịnị.

Ijeremaya 44:8

Ọ kà, sị ẹ vẹ dị waa mẹ ayị kụ ọnị nịnị? Waa va ra Ijipiti nịnị, dị waa mẹ ori nịnị, dị waa mẹ̀ ịsọvọ hi wa nịnị nị. Vị́ waa maanị aa mẹ ka we si vu ẹngụ awụ nịnị ẹtẹ, dị avaba anẹhẹ ẹ̀ kụkụụ si eyi wụ wụ nịnị, dị ẹẹ sị ịrẹha awụ nịnịị chìi hi aza nị?

Ijeremaya 45:4

Ẹnẹyịmavara kà, ọnị ọ̀ kà a yị Ibaruki ka, ọnị Ẹnẹyịmavara vaa gara ịsị ọnị ọnị vịdị kụ gụụ ha, dị ọnị re hu ịsị ọnị ọnị vịdị chire hụrẹ ẹtẹ. Avọọ ọnị mẹ vaa mẹ avaba ẹhẹ nị.

Ijeremaya 7:18

Ezweyi ẹẹ na tọ ọkụ gụ, dị ada ẹnịnị sị ka ịra, dị anyẹnẹẹ ẹnịnị po ayị dị ẹ sị jị akara yị ịsị ẹ ka ọọ vị ohinọyị anyẹnẹẹ ana ya ẹbẹẹba. Ẹnịnị ẹẹ rẹ sị ehe dị ẹ sị mẹ̀ ịsọvọ yị ori nịnị ọyị mẹ ayị kụ ọnị.

Ijeremaya 7:9

Ọ kà, á vị wee ne sị oyi yi nịnị di ụ sị ọza wụ̀ nịnị nị, waa na raa sẹ̀ ịrẹka nịnị di ụ sị eku ireche hị́ nịnị nị, waa na raa mẹ̀ ịsọvọ yị ori anaā hị́ Ịbaarị nịnị dị ụ na raa hẹkẹ ori ọnị wẹ yị vịdị yẹ nịnị nị,

Ezikẹẹrị 17:5

Dị ọ rẹ sị ọchị ẹnẹ ẹẹ yị vavọọ hụ hụrị ẹtẹ Isirẹrị, dị o ne chire e tụ ẹtẹ ene zoza ẹtẹẹtẹrẹ nị. Ịzọọ vị anaa nyị enyi pooro, ana aa mẹ ka ọchị ọnọọ ọọ hụ.

Ihoseya 10:1

Anisirẹrị nịnị vị ana sị mẹ anka ọchị ịvayịnị ana za ẹnya ohihi avọọ nị. Ẹtụtụ anị maa rụrụ, avọọ ẹnịnị mee hi ụta ori hu avọọ nị. Ẹkụra maa ka tụ ọvịdị, avọọ ẹnịnị mẹ raà da ụvọ tụ ịnị ụvọ hi ịrẹta yị ori ẹnẹ ẹ yaa hẹkẹ nị.