Ijeremaya 11:16 - IWE ỌNỊNỊ

¹⁶ Ọ kà, ọnị ộ vịdị hị́ wa ọchị orivi avị-avị da, dị ọ tụ ẹtụtụ ozoza-ozoza nị. Ama booro aanị, ọnị vaa sụrẹyị anka apaapa ihinẹba avọọ, ọnị vaa jị ịraa da a, dị ọnị che avaba avọ anị ha.

Ijeremaya 11:16 ပူးပေါင်းရင်းမြစ်များ

Ijoovu 8:16

Ẹhẹ aza ọhịmị sị mẹ anka avị ana chị dị ọ yara ku avaba ụbazị dị ọyị vavẹ avọọ nị.

Ahẹ Ụgama 52:8

Ama ẹmị vị ana sị mẹẹ anka ọchị ana aā hị́ orivi ana aā tụ́ pooro avọọ Avọọ m mẹ̀ vaa yà ini irehi Ohomorihi, dị ẹhẹ amị ee zoza nị Ohomorihi vi ene ee sì ịrẹyị ọza pooro zịna-zịna Ọnọọ mị sị ayị tụra nị.

Ahẹ Ụgama 80:16

A kụ́ ọchị ịvayịnị awụ ma, a sị ọ rị ịra, ụ màa kụ́ ayịị hi aza awụ, ẹnịnị e si vú ẹtẹ.

Ahẹ Ụgama 80:17

Navọ aza ọnị ụ sị nyị yị ẹngụ awụ, we sere wa, dị wa sị wa tẹ.

Ahẹ Ụgama 83:2

Wéē re ka ọnịvị awụ ọ kụ́ kwẹẹtẹ, ẹ ka ẹwụrị ẹnị ệ kụ́ eyi gẹrị ẹngụ.

Ayịsaya 27:11

Ịjị ọchị ẹnẹẹ sị wụ, dị a dà wa, dị anyẹnẹẹ nịnị va kụ́ wa na gụ ịra nị. Aza ẹnẹẹ ẹ yị yẹ ịrẹyị. Agụvị avọọ Ohomorihi ana mẹ wa ọ yị kụkụ vayị ẹnịnị. Mị ka Ohomorihi ana tụ́ wa vẹ ẹhẹ ọ yị kụkụ vayị ẹnịnị.

Ijeremaya 2:21

Maa nyị ụ nịnị jẹẹ anka ọza ana sị uhu ịvayịnị ene hu kere-kere dị o chire tu irenyi avọọ. Ama wee re ịsị ụ kụkụ vị nịnị booro aanị? Vị ụ kụkụ sị mẹ nịnị anka ịvayịnị ana vụ, dị ẹ̀ yị nyị ịsị ọ kụkụ rụra mẹ avọọ nị.

Ijeremaya 21:14

Ọnị vaa sị ụyaa rị wa agụvị ebira odivi ẹnẹ ẹ mẹ. Ọ kà ọnị vaa jị ịra da irehi ohinọyị ẹnịnị dị ọọ rị avaba ịsa ana kara wa ịra.

Ijeremaya 7:20

Avọọ, Ẹnẹyịmavara Ochẹtẹẹngụ ka, ọnị vaa sị ọyịkụ anị zụ aza ana vẹ ịnị irehi anị ọnọnị ẹtẹẹtẹrẹ ọ ka, aza ẹnịrị uye nịnị, ọchị ịnị avị nịnị ọnịrị ịsa ịnị aarẹ vị ọnị ọnị vaa mẹ ọyịkụụ yị anka ịra anaa zá dị ọza e yi zụ mi ọ avọọ.

Ihoseya 14:6

Ẹnịnị vaa yara, di e zoza anka ọchị orivi. Ẹnịnị vaa da agụ zoza anka ọchị Isida ini iruku Ịrẹbanọnị.

Imatiwu 3:10

Booro aanị, á raa sị ịraga pe ọchị nịnị ẹpa, avaba ọchị ẹnẹ ẹ̀ yị tụ́ ẹtụtụ ozoza vị ana á vaa má, dị e ne e ngụ ịnị ịra.

Ịjọọnụ 15:6

Ọza ẹnẹ ẹ̀ yị zẹẹ ka ẹmịrị ọnị ọ̀ vị ọnya, dị a dà a ne ta anka avọ́ ọchị avọọ. Dị ọ wụ, dị aza va tọ̀ọ́ yọ, dị ẹ kụ́ wa va hi ịnị ịra, dị ẹ rị ịra.

Iwe Ọhụhị Imosiisi ana aa hị́ Ọyịvatụrọda 28:40

Ọchị orivi vaa hụụ hi ịnị avaba ẹtẹ awụ nịnị, ama wẹ yị vaa nyị angwẹ orivi nịnị, agụvị ka avaba ẹtụtụ anị vị ana vaa wọ̀rọ̀ ọ vaa ha.

Ẹtore 11:4

Onivenu ẹẹva ẹnẹẹ ẹ vị ọchị orivi ẹẹva ọnịrị aha ẹẹva ana aā sị ozotupaa tụ́, ana jẹẹ ọvịdị Ohomorihi ana nyị avaba ẹhẹ nị.