Ijeremaya 11:14 - IWE ỌNỊNỊ

¹⁴ Ọ kà, agụvị avọọ, asị ọnị Ijeremaya hụvị aza ẹnẹnị mẹ̀ aduwa; asị ọnị dá ịpẹ yị ọnị agụvị ẹnịnị, agụvị ka ọnị ẹ yị vaa wụ̀, ẹnịnị ẹẹ hị́ ọnị ịnị ụmẹ akanya ẹnịnị.

Ijeremaya 11:14 ပူးပေါင်းရင်းမြစ်များ

Ahẹ Ụgama 66:18

Màa zẹẹ ka ma sị ebira odivi tụ́ ịnị ayị amị, Ẹnẹyịmavara ọ yị yaanị wụ́ aduwa amị.

Ọyịkụra 32:10

“Navọ mị dị ma nyayịnẹ mẹ ọyịkụ yị aza ẹnẹnị ẹtẹẹtẹrẹ, dị ma wụ̀ wa va ha. Dị ahịka ẹwụ mị kụkụ vara anẹkụra ọbanyị nị”.

Ijeremaya 11:11

Ẹnẹyịmavara kà agụvị avọọ, ọnị vee vu wa ẹtẹ ọnị ẹnịnị ẹ yị vaa ha hụụnị anị. Ẹnịnị ẹẹ nowu ka ọnị ọ gụ ẹnị ụvọ, ọnị e yi vee tụ́ ohi.

Ijeremaya 14:11

Ijeremaya ka Ẹnẹyịmavara ộ ka ẹ yị ọnị ka asị ọnị mẹ̀ aduwa ka ọnị ọ̀ mẹ ọgụvọ yị aza ẹnẹnị.

Ijeremaya 14:12

Ka, ẹnịnị ẹ̀ẹ daka ba awẹ, ọnị ẹ yị vaa wụ́ orere ẹnị ẹyaa jị ka à va gụ ẹnị ụvọ avọọ. Ẹnịnị ẹ̀ẹ daka mẹ̀ ịsọvọ dị a rị ọ ịra yị ọnị nị, dị ẹ́ sị ịsa ọnị irenuu rị va mẹ̀ ịsọvọ yị ọnị nị, ayị anị ẹ yị vee hine tu wa. Ọ kà, eyi ịrẹkụ ọnị va naa wụ̀ wa ha nị. Dị ọnị rẹ sị ụngwẹ ọnịrị ụkụ wụ̀ wa va ha.

Ijeremaya 15:1

Ijeremaya ka Ẹnẹyịmavara ộ kà a yị ọnị ka, Imosiisi ọnịrị Ịsamụwẹrị ẹ̀ẹ daka va jẹẹ ọvịdị anị dị ẹ yaa dá ịpẹẹ yị ọnị nị, ọnị ẹ yị kụkụ aa vayị Anịjuda nịnị. Ẹnẹyịmavara kà, à dụ wa hụrẹ ọnị eyi, à kà a ka ẹnịnị ẹẹ na.

Ijeremaya 7:16

Ọ kà, agụvị avọọ, asị ọnị Ijeremaya hụvị aza ẹnẹnị mẹ̀ aduwa. Asị ọnị hụvị ẹnịnị da ịpẹ yị ọnị agụvị ka ọnị ẹ yị vaa wụ̀.

Ihoseya 5:6

Ẹnịnị ẹ̀ẹ sị atẹmẹ ọnịrị ụnọ va mẹ̀ ịsọvọ yị ọnị, ọnị ẹ yị dọ wa agụvị ka ọnị ọ sị ayị hụụnị ịrẹyị ẹnịnị. Ẹnịnị ẹ yị kụkụ vee re eyi ọyịza anị.

Ịzakaraya 7:13

Ẹnẹyịmavara Ochẹtẹẹngụ kà ọnị ộ hị́ wa, ẹnịnị ệ wụ́. Agụvị avọọ ẹnị ẹ rẹ hị́ ọnị, ọnị ẹ yị rẹ vaa wụ́ wa.

Ịmarakayị 2:13

Dị Ịmarakayị rẹ ka, ịsa ọsa ọnị ẹnịnị yaa mẹ yi. Ẹ yaa sị ẹgọ ẹnịnị họ̀rọ ịzị a mẹ̀ ịsọvọ yị Ẹnẹyịmavara. Dị ẹ yaa jị òrèrè booro-booro agụvị ka Ẹnẹyịmavara ẹ yị kụkụ dọ ịsọvọ ẹnẹ ẹ yaa mẹ nị.

1 Ịjọọnụ 5:16

Ọza ene èe re ka ọhụva anị ana vị ọdọwụ aa mẹ ịvị ẹnẹ ẹ̀ yị vị ịvị isu, ọ da ịpẹ yị Ohomorihi ka ọ sị ẹhẹ ọwọọwa yọ; ọnị ọ vị ka ọza ọnị ịvị anị ọ̀ yị vị ịvị isu. Áa nyị ịvị ana vị ịvị isu. Mẹ yị kà a ka wa mẹ̀ aduwa ini oze ọnọọ nịnị.