Ijeremaya 11:13 - IWE ỌNỊNỊ

¹³ Ẹnẹyịmavara kà, ẹwụ nịnị Anijuda, avaba ẹkụra awụ nịnị vị ana kụkụ nyị ori ẹnịnị. Avaba oze ene hi Ijerusarẹmị vị ẹnị ẹnị re hi ụta hi. Ịnị ụta ẹnẹẹ ẹ yaa mẹ̀ ịsọvọ yị ori ana aā hị́ Ịbaarị nị. Ori ọnọọ vị anaa nyị ọza ịhyẹrẹ.

Ijeremaya 11:13 ပူးပေါင်းရင်းမြစ်များ

2 Ohinọyị 23:13

Avọọ Ohinọyị Ijosaya mẹ rẹ du aha ori irenyi-irenyi ọnị Isoromọnị dà hi ịrẹsụ ataba ene hi eyi ịzị ọyịị̄ vẹ Ijerusarẹmị akẹtẹ ataba Orivi. Ịrẹsụ ataba ẹnẹẹ a yaa hẹkẹ Asịtọrẹtị, ori ọnẹẹ Anịsayịdọnị ọnịrị Ichemosi, ori Animowabi ne beri Imorẹkị, ori Anamọnị nịnị.

2 Ịtọpa 28:25

Avọọ ọ mẹ rẹ da irehi ori hi avaba ẹkụra-ẹkụra ene hi Ijuda nị. Ebira ọnị ọ mẹ aanị ộ mẹ̀ ka ayị kụ́ Ẹnẹyịmavara Ohomorihi ohiku ẹnịnị.

Ayịsaya 2:8

Avaba ẹtẹ ẹnịnị vị ori-ori. Ịsa ọnị ẹ sị ụvọ ẹnịnị mẹ di e re yee kú ẹtẹẹ kụ́ ọ. Mị ka eyee kú ẹtẹẹ kụ́ ịsị ẹ sị igege ẹnịnị mẹ.

Ijeremaya 11:17

Ọnị Ẹnẹyịmavara Ochẹtẹẹngụ ene chire wu nịnị, ọ sị ọ ka ka vị ọnị ee vu wu nịnị ẹtẹ nị agụvị ebira odivi ọnị ẹwụ nịnị Anisirẹrị ọnịrị Anijuda aa mẹ nịnị. Ọ kà wa sị ayị mẹ kụ ọnị nịnị agụvị ka wa naa mẹ̀ ịsọvọ yị Ịbaarị nịnị.

Ijeremaya 17:1

Ẹnẹyịmavara kà, ẹwụ nịnị Anijuda, enyusẹ asị mẹ̀ ịsa asị chẹrẹ ebira odivi awụ nịnị nị, enyusẹ ọkatẹngụ asị chẹrẹ ẹ tụ́ ịnị ayị awụ nịnị ọnịrị ịnị ọgọgọ ụta ịsọvọ awụ nịnị nị.

Ijeremaya 18:15

Ẹnẹyịmavara kà ama, aza anị e ree hí ayị anị; ẹnịnị vana kụkụ rị eturare ịra yị ori nịnị. Ẹnịnị ẹ raa tụ́ ahụ oze ẹnẹ và tụra. Ẹ́nịnị ẹ yị và tụra oze ịyẹẹyẹ. Ụparị ọnị ọza ẹ yị tọrẹwa ẹ́ kụkụ aa zị nị.

Ijeremaya 19:4

Ọ kà ọnị vavọọ vaa mẹ agụvị ka aza ẹ raa và ịrẹma anị. Ẹ sị ẹtẹ du ẹ́ mẹ kụkụ yà ịnị anị aa mẹ ịsọvọọ yị ori nịnị. Ẹnịrị ohiku ẹnịnị beri ohinọyị Ijuda nịnị ẹ yị vịdị yẹ ori ẹnẹẹ. Aza ẹnẹ ẹ̀ yị nyị ịsị ẹ mẹ̀ vị ọnị ẹyaa wụ ịzọọ.

Ijeremaya 19:5

Ụta-ịsọvọ vene hi yị Ịbaarị ịzị ẹ vaa yaa sị ezi ẹnịnị mẹ ịsọvọọ dị ẹ rị ọ ịra yọ. Ẹnẹyịmavara kà ọnị ẹ yị mẹ ọda yị wa ka ẹ̀ vavọọ mẹ. Ọnị e yi re rò ka ẹnịnị ẹ́ zụ vavọọ mẹ.

Ijeremaya 2:28

Ama ịzị ori ọnị ụ mẹ yị ẹngụ awụ nịnị hi? Jẹẹ ẹ̀ kwẹẹtẹ kẹ, ẹnịnị ẹẹ zụ dọ wu nịnị tụ ịnị ụmẹ ẹngụkata awụ nịnị; ka ẹwụ nịnị Anijuda, ẹkụra awụ nịnị mẹ rụrụ, avọọ ori awụ nịnị mẹ rụrụ nị.

Ijeremaya 3:24

Ama ori ana aā hi Ịbaarị anaā mẹ̀ ụhị nyị ọza ọnị ẹnị aa hẹkẹ ọ raa mẹ ka atẹmẹ ọnịrị imaaru ẹnịnị beri ezi ẹnịnị ẹ̀ ta hi ẹnị ụvọ. Avaba ogu ọnị ohiku ẹnịnị mẹ tịtẹ yị ẹnị hụrị ụmọrụmọ ẹẹ ta.

Ijeremaya 3:25

Ẹ ka, à jẹẹ vị ẹnị sụtẹẹtẹ và hí ẹtẹ ụhị-ụhị, agụvị ka ẹnịrị ohiku ẹnịnị ẹ sị ebira odivi mẹ hi Ẹnẹyịmavara, Ohomorihi ẹnịnị. Ẹ ka, ẹnị mẹ hụrẹ vị ozweyi, pooro va ngụ ajịnị, ẹnị ẹ yị wụ́ chire Ohomorihi da.

Ijeremaya 32:35

Ọ kà ẹnịnị e ne hi ụta tụ Ihimoni ẹnẹ ẹ yaa mẹ̀ ịsọvọ ịnị anị yị Ịbaarị. Ịnị anị ẹyaa sị ezi ẹnịnịị mẹ̀ ịsọvọ yị ori Imorẹkị nị. Ẹnẹyịmavara kà ọnị ẹ́ yị kà a yị wa ka ẹ̀ maanị mẹ; ọnị é yị rò o bẹẹ ka ẹnịnị ẹ́ zụ vavọọ mẹ, dị ẹ̀ mẹ ka Anijuda ẹ̀ mẹ ịvị.

Ijeremaya 44:21

Vú wee ro nịnị ka, vị ayị hi Ẹnẹyịmavara kà, ẹwụrị ohiku awụ nịnị ộ vavọọ mẹ̀ ịsọvọ nịnị ẹkụra ene hi Ijuda ọnịrị oze ene hi Ijerusarẹmị nị? Vú wee ro ka Ẹnẹyịmavara ẹ yị kụkụ tamayị ka ohinọyị awụ nịnị, ọdọvịdị awụ nịnị ọnịrị aza ene hi ẹkụra awụ nịnị ệ vavọọ mẹ̀ ịsọvọ ịzọọ nị?

Ijeremaya 44:5

Ama wẹ yị wụ nịnị. Wé yị dọ ka wa hụụnị ịsị odivi ọnị waa mẹ, dị waa mẹ̀ ịsọvọ hi ori nịnị.

Ijeremaya 48:35

Ẹnẹyịmavara kà ọnị ẹ́ yị ma vana zẹẹ ka Animowabi nịnị ẹ̀ mẹ̀ ịsọvọ yị ori ẹnịnị ịzị ẹyaa mẹ ori.

Ijeremaya 7:9

Ọ kà, á vị wee ne sị oyi yi nịnị di ụ sị ọza wụ̀ nịnị nị, waa na raa sẹ̀ ịrẹka nịnị di ụ sị eku ireche hị́ nịnị nị, waa na raa mẹ̀ ịsọvọ yị ori anaā hị́ Ịbaarị nịnị dị ụ na raa hẹkẹ ori ọnị wẹ yị vịdị yẹ nịnị nị,

Ezikẹẹrị 16:24

dị ụ na dà ịzị a yaa mẹ orii hi utoze-utoze, dị waa sẹ̀ ịrẹka ịzọọ nịnị nị.

Ihoseya 10:1

Anisirẹrị nịnị vị ana sị mẹ anka ọchị ịvayịnị ana za ẹnya ohihi avọọ nị. Ẹtụtụ anị maa rụrụ, avọọ ẹnịnị mee hi ụta ori hu avọọ nị. Ẹkụra maa ka tụ ọvịdị, avọọ ẹnịnị mẹ raà da ụvọ tụ ịnị ụvọ hi ịrẹta yị ori ẹnẹ ẹ yaa hẹkẹ nị.

Ihoseya 12:11

Igiriyadi ẹ yaa hẹkẹ ori, dị ẹ yaa kụ́ ụnọ mẹ̀ ịsọvọ. Ụta ẹnịnị vị ana vaa vị ịrẹta ana za gụ ịnị avị kẹnẹ.

Ihoseya 9:10

Ohomorihi kà ịpaapa ọnị re Isirẹrị, ọ sị mẹ anka ọza oo rere re ẹtụtụ igirepi ọwọọwa ịnị ụnọmị avọọ nị. Ohiku ẹnịnị vị Ọnịrị re anka ẹtụtụ ọchị ihwigi ene vi sọkọ-sọkọ ịnị ụmẹ anị avọọ nị. Ama dị ẹnịnị va ịrẹma anị na sị ẹngụ ẹnịnị chire ori ana a hị́ Ịbaarị-Ịpẹyọ ụvọ nị. Dị ẹ kụkụ aa nyị ọza īhyẹrẹ anka ori ọnị ẹ yaa hẹkẹ nị.