Ijeremaya 10:3 - IWE ỌNỊNỊ

³ Ahẹkẹ ịyẹyẹ aza ẹnẹnị aa mẹ nị. Ẹẹ na dà ọchị hụụnị iruku, dị ẹẹ bẹ ẹ.

Ijeremaya 10:3 ပူးပေါင်းရင်းမြစ်များ

Ahẹ Ụgama 115:4

Ẹkẹhị ọnịrị igooru aza ẹnẹẹ ẹnị sị mẹ ori ẹnịnị nị. Ọza ọ sị ụvọ anị tụ́ ori ẹnẹẹ nị.

Ayịsaya 45:20

Ẹnẹyịmavara kà avaba anẹkụra nịnị ana ha hụụnị ịrẹkụ ẹ kụ ẹngụ gu, dị ẹ ka ọnị vẹ. Ẹ yị nyị ịrẹyọyẹ ịnị ori ẹnẹ sị ọchị bẹ, ọnị e yee chema zịịzị avọọ. Ẹnịnị vị ana mẹ̀ aduwa yị ori ẹnẹ ẹ yị nyị ụkata gụ wa ụvọ.

Ijeremaya 1:16

Ọ kà ọnị vaa mẹ̀ ọkarẹyị yị wa agụvị ebira odivi ẹnịnị ana mẹ ka ẹnịnị è yị ọnị tịtẹ. Ẹnịnị ẹ naa rị eturare ịra yị ori nịnị, dị ẹ yaa hẹkẹ ịsị ọnị ẹnị ụvọta sị ụvọ ẹnịnị mẹ nị.

Ijeremaya 10:8

Avaba ẹnịnị vị ọnụra. Ịrẹyọyẹ ịsị ẹ zụ kọ hụụnị ụvọ ori ana a sị ọchị bẹ kẹ?

Ijeremaya 14:22

Ẹ yị nyị ori Anẹkụra ọnyọọnyị ana zụ zụ̀ ori; eguhi ụvọta ẹ yị zụ mẹ ka orihi ọ̀ zụ̀. Anijuda nịnị ka, tee! Ẹnẹyịmavara ana vị Ohomorihi ẹnịnị ẹnị zi eyi nị, agụvị ka ọyịnyara ọọ̄ mẹ̀ ịsa ẹnẹnị nị.

Ijeremaya 16:19

Ijeremaya kà, Ẹnẹyịmavara, ẹwụ ee sere mi dị waa sị ụkata yị mị nị ọ; ẹwaā gụ mị ụvọ ịnị ụmẹ ẹngụkata nị. Anẹkụra nịnị vaa hụrị ịzị ẹhẹ na ta ịrẹsụ tụ vee tù wụ dị ẹ ka: Ẹ́ yị nyị ịsị ohiku ayị nịnị nyị para ori ana ahịka ireche kẹnẹ e vị nị hu, ori ẹnẹẹ yị nyị ịsị ẹ́ wụra mẹ aanị kẹnẹ ẹ nyị nị ọ.

Ijeremaya 2:5

Ẹnẹyịmavara kà: Sị ẹ vị akụvị anị ọnị ohiku awụ nịnị re ẹnẹ ẹnịnị sị re ọnị zwe? Ẹnịnị ẹ naa hẹkẹ ịsa kẹnẹ-kẹnẹ, dị ẹnị ụvọta ẹnị rẹ kụkụ vị aza kẹnẹ-kẹnẹ nị.

Ireevi 18:30

Ẹnẹyịmavara kà, ẹnịnị ẹẹ saasa ọda ọnị ọnị mẹ yị wa; à sị ẹ saasa ebira ọnị aza ana vịdị ra hi ịnị ẹtẹ ọnị ọnị kụ wa aa nọ aa mẹ. À sị ẹ mẹ ịsị ẹnẹnị ọnyọọnyị dị è sị du ẹngụ ẹnịnị ẹngụ. Ọnị ọ vị Ẹnẹyịmavara, Ohomorihi ẹnịnị nị.

Imatiwu 6:7

Ama wàaa mẹ̀ aduwa nịnị, asị ụ rẹ̀ kụ́ ịrẹka ọrụrụ kẹnẹ-kẹnẹ nịnị, anka anarịmadọwụ nịnị mẹ̀ẹ̄ mẹ. Eē roo ka agụvị ịrẹyị ọrụrụ ẹnịnị Óhomorihi a sịị wụ́ aduwa ẹnịnị nị.

Odeyi 19:26

Wê ree nịnị, dị ụ rẹ wụ́ ọọ nịnị bẹẹ nị ka Ịpọọrụ ọnọnị ọ sị aza ọrụrụ-ọrụrụ vara ayị, ayị vị ini Ẹhwẹsọsị kẹnẹ, ama avaba ẹtẹ Esiya. Ọ kà ịsị aza sị ụvọ mẹ, ayị vị Ohomorihi ẹ vị.

Aniroomi 1:21

Aza ệ yẹ Ohomorihi, ama ẹ mā sị ụbanyị ana a vọrọ ka à sị yọ; ẹnịnị ẹ mā hyakụ kụ́ ọ avọ. Agụvị avọọ, ịrẹyị kẹnẹ-kẹnẹ ẹnịnị kuku ee ro nị. Ayị ẹnịnị e si hozi, ẹnịnị e mē ro ịrẹyị ana vọrọ.

1Ipita 1:18

Wâ yẹ nịnị ka Ijeesu Ikirisiti ọ sị wụ nịnị hị́ varẹma hụụnị oze osusu oni ohiku awụ nịnị vịdị aa zị. Ẹ́ yị vị igooru ọnịrị ọmọ eneē du, ọ sị hị́ wụ nịnị varẹma,