Ijeremaya 10:15 - IWE ỌNỊNỊ

¹⁵ Ịsa kẹnẹ ẹnịnị vị nị. A sị eyi wụ̀ wa. Ịjị ụmẹ ọkarẹyị ẹnịnị oo tu, e vee vu wa ẹtẹ.

Ijeremaya 10:15 ပူးပေါင်းရင်းမြစ်များ

Ahẹ Ụgama 115:9

Ẹwụ nịnị Anisirẹrị, sị ayị tụra Ẹnẹyịmavara nịnị. Ọnị aa gụ wụ nịnị ụvọ di ee sere wu nịnị nị.

Ayịsaya 41:24

Ẹ yị nyị ịsị wụ vị. Wẹ yị nyị ụkata ọnyọọnyị. Aza ana hẹkẹ wa vi ene du ha.

Ayịsaya 41:29

Ẹ yị nyị ịsị avaba ori ẹnẹnị vị. Ẹ yị nyị ịsa ọnị ẹ zụ mẹ. Ẹnịnị ẹ yị nyị ụkata, ọkụmị ẹ vị nị.

Ayịsaya 57:12

Wê ro ka ịsa ana vọrọ ụ waa mẹ nịnị nị, ama mị vaa sị iruvo awụ nịnịị tụ ẹhẹ. Ori awụ nịnị ẹ yị va zụụ gụ wụ nịnị ụvọ.

Ijeremaya 10:11

Kà ẹ yị wa nịnị ka, ori ẹnẹnị, ẹ yị vị ẹnị ọ mẹ ẹbẹẹba ọnịrị ẹhẹ ọnọnị. Ẹnịnị vị ene e vee vú ẹtẹ hụụnị ẹhẹ. Ọza, e me vene re wa ịnị ẹhẹ.

Ijeremaya 10:8

Avaba ẹnịnị vị ọnụra. Ịrẹyọyẹ ịsị ẹ zụ kọ hụụnị ụvọ ori ana a sị ọchị bẹ kẹ?

Ijeremaya 14:22

Ẹ yị nyị ori Anẹkụra ọnyọọnyị ana zụ zụ̀ ori; eguhi ụvọta ẹ yị zụ mẹ ka orihi ọ̀ zụ̀. Anijuda nịnị ka, tee! Ẹnẹyịmavara ana vị Ohomorihi ẹnịnị ẹnị zi eyi nị, agụvị ka ọyịnyara ọọ̄ mẹ̀ ịsa ẹnẹnị nị.

Ijeremaya 18:15

Ẹnẹyịmavara kà ama, aza anị e ree hí ayị anị; ẹnịnị vana kụkụ rị eturare ịra yị ori nịnị. Ẹnịnị ẹ raa tụ́ ahụ oze ẹnẹ và tụra. Ẹ́nịnị ẹ yị và tụra oze ịyẹẹyẹ. Ụparị ọnị ọza ẹ yị tọrẹwa ẹ́ kụkụ aa zị nị.

Ijeremaya 43:12

Ọ kà, ohinọyị Ịbabịrọnị vaa jị ịra da irehi Anijipiti nịnị. Ọọ rị ori ẹnịnị ẹnyị ịra, dị ọ kụ ẹnyị aa na. Óseratẹmẹ mẹẹ tọ̀ọ́ ịhyama hụụnị ịta anị hụyẹ-hụyẹ, avọọ ohinọyị Ịbabịrọnị mẹ vaa nyị ẹbẹẹba Ijipiti, dị o hì ọ hụyẹ-hụyẹ, dị aa na nị.

Ijeremaya 50:2

Ọ kà, ọnị ọ̀ na ka enube ọnọnị yị ẹkụra-ẹkụra, ọnị ọ̀ nọ̀ọ enube ọnọnị o. Ọ kà ọnị ọ̀ sị asịyẹ jẹẹ dị ọnị ọ̀ nọ̀ọ enube ọnọnị. Asị ọnị sị tẹ̀ vụrụ-vụrụ. Ịbabịrọnị ọ sị sẹ ẹdụ ọ! Asị ori ẹnịnị ana aā hị́ Imaduki gara ha. Asị ụhị mẹ nyị ori Anibabironi nịnị. Asị ịsị ẹnẹ ẹ́ bẹ vene ịsị irenyi-irenyi hi ẹtẹ chaka va ha.

Ijeremaya 51:18

Ẹnịnị ẹ́ yị wụra sị ụbanyị yị agụvị ka ịsa kẹnẹ-kẹnẹ ẹ́ vị nị. Ịjị ụmẹ oo tu ka Ẹnẹyịmavara ọ̀ sị ụya rị wa, o vee vu wa ẹtẹ.

Ijeremaya 8:12

Ọ kà, ụhị waa vanaa nyị aza anị ka ẹnị ệ maanị mẹ ịsị edivi ẹnẹnị da? Ịzị ọ na vị. Ụhị ọ ma nyị waa vụrụ-vụrụ. Ẹnịnị ẹ ma sị eyi tẹ ka aza ee re ẹnị, avọọ ẹnịrị aza ana vọ ẹ vaa hyẹdụ nị. Ẹ́ ẹnịnị vaa ta ịhị ọnị aa sị ụyaa rị wa.

Ijeremaya 8:19

Sị ụtọ pe ẹtẹ, ịzị waa zị ịnị ẹkụra kẹnẹ, vị ọnị aa wụ̀ aza anị maa jị òrèrè. Ẹnịnị ka, aanị ka vị Ẹnẹyịmavara ẹ yị kụkụ ya nị? Aanị ka vị ohinọyị ẹ̀ yị kụkụ yà ịzọọ nị? Dị Ẹnẹyịmavara, ohinọyị ẹnịnị tụ́ ohi, dị ọ ka sị ẹ vẹ dị ụ na hẹkẹ ori nịnị, dị wee ku ẹtẹ yị ori ọzọga kẹnẹ-kẹnẹ ọnị ụ na dọ nịnị, dị waa sịị mẹ ayịị kụ ọnị nịnị?

Ihoseya 9:7

Ụmẹ ụyọrị Anisirẹrị nịnị ọ sị ngụ tu wa, Ụmẹ ọnị Ohomorihi ee si si wa atọ ebira odivi ẹnịnị aa gụrị ẹtẹ. Ẹ yị jẹẹ dị Isirẹrị ẹ yẹ. Ẹnịnị ẹ yaa kà a ka ọnịsẹ ọnịrị ọnụtụ Ohomorihi nịnị vị onuvu. Ẹnịnị ệ nyị ịhyẹrẹ Ohomorihi agụvị ka ebira odivi ẹnịnị ọ sị vị ẹnẹmẹhị.

Ijona 2:8

Dị ọ ka aza ana aa hẹkẹ ịsa ọsa kẹnẹ-kẹnẹ ẹnẹ ẹ yi nyị ịsa ọ vị, ẹ raà va hụrẹ ịrẹma Ẹnẹyịmavara.

Ịzakaraya 13:2

Ịhị ọnọọ, Ẹnẹyịmavara Ochẹtẹẹngụ kà ọnị vaa kụ́ ịrẹha ori hụrẹ ẹtẹ, dị ayị ẹnịnị hí. Dị ọnị rẹ kụ́ aza ana hị́ ẹngụ ẹnịnị ọnịsẹ ẹnịrị ọyị hẹkẹ ori nịnị hụrẹ ẹtẹ.

Odeyi 14:15

“Anda ayị nịnị, sị ẹ vẹ dị ụ maanị aa mẹ nịnị aanị? Ọza anka ẹwụ nịnị mẹ̀ rẹ yà ị vị nọ! Yâ vẹ ịzẹnị ka ya va kà enube ọyịza wụ nịnị, ka wa và hụụnị ịsa kẹnẹ-kẹnẹ ẹnẹnị, dị ụ wa và ká Ohomorihi ana yàra na nịnị! Ohomorihi ọnọọ ọ mẹ ẹbẹẹba ọnịrị ẹhẹ beri òkū ọnịrị avaba ịsa ene hi ịnị ẹnịnị nị.

Iwe Ọhụhị Imosiisi ana aa hị́ Ọyịvatụrọda 32:21

Ẹnẹyịmavara kà ẹnịnị ệ mẹ̀ ọnị kụ̀ ụhịị ori ẹnẹ ẹ yị nyị ịsị ọ vị, di e du ọnị ayị tụ ịnị ahẹkẹ ori osusu kẹnẹ-kẹnẹ ọnị ẹ yaa mẹ. Agụvị avọọ, ọnị vaa mẹ wa ka ẹ kụ̀ ụhị anẹkụra ẹnẹ ẹ yị nyị ịsị ẹ vị. Ọnị rẹẹ̀ vaa mẹ wa ka ẹ kụ̀ ayị hi anẹkụra nịnị ana aa mẹ ụra.

1 Ịsamụwẹrị 12:21

Asị ẹ rẹ kụkụ dụ ori kẹnẹ-kẹnẹ ẹnẹ ẹ yị zụ gụ wa ụvọ dị ọ vaa zụ dọ wa ha. Ẹ yị nyị ịsị ori nịnị vị.

1 Ịsamụwẹrị 5:4

Ẹnẹnẹ eyinẹhẹ anị, dị ẹ rẹ nọ ini eehi Ịdagọnị ori ẹnịnị nị. Di e re ne tù ka Ịdagọnị ọ rẹ sị hyẹdụ, di o và eyi kú ẹtẹ tụ́ ọvịdị Apoti Ẹnẹyịmavara nị. Dị ịrẹsụ anị ọnịrị ụvọ anị kụ́ swẹ va hi enoze nị. Dị ahịka igugu ori ọnọọ kẹnẹ ọ kụkụ vọ nị.