Ijeremaya 1:19 - IWE ỌNỊNỊ

¹⁹ Ọ kà ẹnịnị vaa kụ ịrẹkụ tu ọnị ama ẹnịnị ẹ yị va zụụ za ọnị, agụvị ka ọnị ọ yà pe ọnị ọ yị dọ ọnị ha.

Ijeremaya 1:19 ပူးပေါင်းရင်းမြစ်များ

Ahẹ Ụgama 129:2

Ệ mẹ ehuna mi m mẹ̀ hụrẹ vi ozweyi, ama ẹnịnị e yi zụ hu mi ẹtẹ.

Ijeremaya 1:18

Ọ kà dị Ẹnẹyịmavara kà, re, hụrị ajịnị, ọnị ọ mẹ̀ ọnị ka ọnị ọ̀ ya anka ẹkụra ana jị ọvọ kara avọọ, ọnị ọ̀ ya anka ọhẹ ana a sị enyusẹ mẹ, dị ọnị ọ̀ rẹ ya anka ugene ana sị enyusẹ ọkatẹngụ mẹ avọọ nị. Ẹnẹyịmavara kà agụvị ka avaba Anijerusarẹmị ẹnịrị ohinọyị Anịjuda nịnị, ẹnị ọdọvịdị nịnị beri ẹnị ohirẹsụ irehi Ohomorihi nịnị vaa kwẹẹtẹ tụ ọnị.

Ijeremaya 1:8

Ẹnẹyịmavara kà, asị ọnị hí angwa ka ọnị vaa ya pe ọnị dị ọnị dọ ọnị tụ.

Ijeremaya 11:19

Ama ọnị vị ana sị mẹẹ anka ozi atẹmẹ ana a sị ka à na wụ avọọ. Ọnị ẹ yị yẹ ka ọnị ẹ yaa geyi anị nị. Ẹ yaa kà a ka: à jẹẹ ẹnị du ọchị ọnọnị ha beri ẹtụtụ anị à jẹẹ ẹnị ẹ wụ ọ dị asị a kụkụ tamayị ịrẹha anị.

Ijeremaya 11:21

Avọọ dị Ẹnẹyịmavara kà yị ọnị ka, aza ene hi Anatọtị ee sị ọnị isu, dị ẹ ka asị ọnị vana vaa kụ tụ Ẹnẹyịmavara yị ẹnị, ka ẹyịvavọọ vị ẹnị aa wụ ọnị nị.

Ijeremaya 18:18

Dị Anijuda nịnị ka, à vẹ dị ẹnị ẹ̀ mẹ Ijeremaya ọnyaa. Ẹnị ẹ̀ẹ mẹ ọnyaa, ohirẹsụ irehi Ohomorihi ị ve hi ẹtẹ ana vaa sị ịrẹyịị zụ ẹnị; aza ana yẹ ịrẹyị hi ẹtẹ ene vee pe ẹnịị jị uwe. Ọnịsẹ nịnị hi ẹtẹ ọnị Ohomorihi vaa yịị tụ́ hi ẹnị. Ẹ ka, à vẹ ẹnị ẹ̀ kwẹẹtẹ tu ọ, dị asị ẹnịnị kụkụ wụ́ ịrẹyị anị.

Ijeremaya 2:1

Ijeremaya ka Ẹnẹyịmavara ộ tụ ọnị ka,

Ijeremaya 20:10

Ijeremaya ka ọnị aa wụ́ aza maa kà a chire ẹngụ ụtọ ka: Avaba aha vị ayịhụrịnẹ-ayịhụrịnẹ! avọọ, à jẹẹ ẹnị ẹ̀ sị ịrẹyị anị na tụ ọdọvịdị nịnị ịrẹka. Ọta anị nịnị bẹẹ vị enee zí ka ọnị ọ̀ sẹ ẹdụ. Ẹ ka, ẹyịyara, e vee zuu vene ọnị, dị ẹnị ẹ̀ zá ọnị. Ẹnị ẹ̀ẹ zá ọnị, dị ẹnị họ̀ oponu ịrẹyị ẹngụ ẹnịnị.

Ijeremaya 20:11

Ijeremaya ka ama, Ẹnẹyịmavara ana nyị ụkata jẹẹ pe ọnị, avọọ aza anaa sị ụyaa rị ọnị e yi vee ree mẹ. Ụhị ọ vaa nyị wa nị. Ụhị ana vaa nyị wa ẹ yị vaa ta ọza eyi pàá.

Ijeremaya 26:8

Ịjị avaba ụtụ ọnị Ẹnẹyịmavara tụ Ijeremaya taa ka kẹnẹ, dị ohirẹsụ irehi Ohomorihi nịnị, ọnịsẹ nịnị ẹnịrị avaba aza zaa, dị ẹ ka, vị ẹnị aa wụ̀ ọ nị.

Ijeremaya 30:11

Ẹnẹyịmavara kà ọnị ọ̀ yà pe wu nịnị, ọnị vaa dọ wụ nịnị ha. Ọ kà ọnị vee vu avaba ẹkụra ọnị ọnị gara wụ nịnị ne hi ẹtẹ, ama ọnị e yi vee vu wu nịnị ẹtẹ. Ọ kà ọnị ẹ yị vaa mẹ ka wẹ́ yị rị ụya nịnị, ama ịjị ọnị aa sị ụya rị ụ nịnị, ẹhwị ụya ọnị vaa sị rị wụ nịnị nị.

Ijeremaya 39:17

Ẹnẹyịmavara kà, ama, ọnị vaa dọ ụ ha. Ọza ẹ́ yị vaa sị ụ chire aza ọnị wee hí angwa anị aanị ụvọ.

Ijeremaya 42:11

Ẹnẹyịmavara kà, asị ụ re kuku hí angwa ohinọyị Ịbabịrọnị ọnị wee hí angwa anị nịnị aanị. Ọ kà ọnị jẹẹ pe wu nịnị, ọnị vaa dọ wụ nịnịị hụrẹ ụvọ.

Ijeremaya 46:28

Ọ kà ọnị vaa vẹ dị ọnị vaa dọ wụ nịnị tụ. Avaba ẹkụra ọnị ọnị dụ wụ nịnị ne hi vị ọnị ọnị vee vú ẹtẹ. Ama ọnị é yị vee vu wu nịnị ẹtẹ. Ọ kà ọnị ẹ́ yị vaa navọ ka asị ụ rị ụya nịnị, ama ịhị ọnị aa sị ụyaa rị wụ nịnị, ọnị vaa vayị awụ nịnị.

Ịdanịyẹrị 3:25

Dị ọ rẹ họ̀ wa ka, sị ẹ vẹ dị ọnị vee ré ka aza ẹnị ẹẹna aa zị ụsẹ ịnị ịra nị? Ọ kà ịsa a sị sụ wa ọ sị ngwara, ẹ yị rẹ nyị ịsa ana sị zụ ka aa kata wa ẹngụ, dị ọnị ọhụna ẹnịnị sị mẹẹ anka anggẹẹrị avọọ nị.

Ịrịka 14:9

Avọọ asị ẹnịnị hí angwa aza ene hị́ ịzọọ, dị asị ẹ mẹ̀ akamawụ hi Ẹnẹyịmavara. Ịsa ịnị ịhị ẹnịnị aza ẹnẹẹ vị nị. Ẹ yị nyị ọza ana vaa dọ wa ha. Asị ẹnị re hí angwa ẹnịnị ka Ẹnẹyịmavara ya pe ẹnị.

Odeyi 26:17

Mị vaa dọ wụụ tụ́ hụụnị ụvọ Anisirẹrị ọnịrị aza ẹnẹ ẹ̀ yị vị Anisirẹrị ọnị maa tụ́ wụụ nọ ịda anị.

Ijosuwa 1:9

Dị Ẹnẹyịmavara rẹ ka ọnị ọ kà a yọ nọ! ọnị ka ọ̀ nyị ọtụtụrụma dị ọ sị ayị vị ọnya. Ọ kà asị o hí angwa, asị ayị hụrẹ ẹ ịnẹ ka ọnị Ẹnẹyịmavara ana vi Ohomorihi anị vaa yàa pè e oze tụra oze ọnị ọ̀ọ vaa zị.