Ijeremaya 1:17 - IWE ỌNỊNỊ

¹⁷ Ijeremaya ka Ẹnẹyịmavara ọọ ka yị ọnị ka, ọnị o tenyi ẹngụ anị, dị ọnị ọ̀ kà a yị Anijerusarẹmị nịnị avaba ịsa ọnị ọnị ọ̀ọ mẹ ọda yọ, ọ ka, asị ọnị hụvị ẹnịnị hụrị ayịnẹ ka ẹ̀ẹ vị avọọ vị ọnị aa mẹ ayị hụrị ọnị ịnẹ nị eyi ẹnịnị nị.

Ijeremaya 1:17 ပူးပေါင်းရင်းမြစ်များ

1 Ohinọyị 18:46

Ẹnẹyịmavara ộ sị ụkata yi Erija, di o tenyi awuru anị di o zwe dọ ọvịdị Ahabị na ngụ Ijezirẹẹrị nị.

2 Ohinọyị 1:15

Dị anggẹẹrị Ẹnẹyịmavara kà a yị Erija ka, à sị o hí angwa; ò chí saasa wa na nị. Ịzẹyịza dị Erija saasa ọga isoja ọnọọ ne tu ohinọyị nị.

2 Ohinọyị 4:29

Dị Erisa kà a yị Igehazi ka, ọ̀ da awuru anị sụ́, dị ọ̀ sị okutẹ anị, dị ọọ nọ ịdị ọnẹẹ ọnọnị booro aanị. Ọ kà asị ọ jẹẹ oze kụ́ ọza ọnyọọnyị. Ọza ọ̀ọ kụ́ ọ, a sị o tụ́ ohi. Ọ̀ vavọọ sị okutẹ anị na tụra ozi ọnọọ ẹyịrẹsụ.

2 Ohinọyị 9:1

Ẹkụhị ọnya, Erisa ana vị ọnịsẹ, ộ hị́ ọnya ịnị ẹnị ọnịsẹ nịnị, dị ọ kà a yọ ka, “Tenyi ẹngụ awụ; sị ijonggo ana sị angwẹ tụ aanị, dị wa nọ Ịramọtị-Igiriyadi.

Ijoovu 38:3

Dị ọ ka Ijoovu ọ kwẹẹtẹ ịzịzọọ, dị ọ tụ ọnị ohi ịrẹyị ọnị ọnị aa vaa họ̀ use aanị.

Ọyịkụra 3:12

Di Ohomorihi ka Ọnị vaa jẹẹ ịrẹma anị. Ọ kà ọnọọ vaa sị zụ̀ ka ọnị ọ tụ́ ọ nị. Dị ọ rẹ ka ọ̀ọ raà kụ́ aza ẹnẹẹ jịnẹ hụrẹ Ijipiti, dị ọ̀ va hẹkẹ ọnị Ohomorihi ịrẹsụ ataba ọnọọ.

Ọyịkụra 7:2

Ẹnẹyịmavara kà avaba ịsị ọnị ọ̀ọ kà yọ dị ọ vavọọ kà a yị Eerọnị. Eerọnị ọ va naa kà a yị Ihwarawo ka ọ̀ hụrẹ Anisirẹrị nịnị ụvọ dị ẹ̀ jịnẹ hụụnị ẹkụra anị nị.

Ijeremaya 1:18

Ọ kà dị Ẹnẹyịmavara kà, re, hụrị ajịnị, ọnị ọ mẹ̀ ọnị ka ọnị ọ̀ ya anka ẹkụra ana jị ọvọ kara avọọ, ọnị ọ̀ ya anka ọhẹ ana a sị enyusẹ mẹ, dị ọnị ọ̀ rẹ ya anka ugene ana sị enyusẹ ọkatẹngụ mẹ avọọ nị. Ẹnẹyịmavara kà agụvị ka avaba Anijerusarẹmị ẹnịrị ohinọyị Anịjuda nịnị, ẹnị ọdọvịdị nịnị beri ẹnị ohirẹsụ irehi Ohomorihi nịnị vaa kwẹẹtẹ tụ ọnị.

Ijeremaya 17:18

Ọ̀ navọ asị ọ́ zẹẹ ka ụhị nyị ọnị ama ọ̀ mẹ̀ ụhị nyị aza anaa sị ụya rị ọnị. Asị ọ mẹ ayị hụrẹ ọnị ịnẹ, ama ọ̀ kụ ayịhụrịnẹ tu wa. Ọ̀ navọ ọ̀ kụ ẹngụkata odivi tu wa dị ọ̀ gara wa ha chẹkẹ-chẹkẹ.

Ijeremaya 23:28

Ẹnẹyịmavara kà, ọnịsẹ anaa ra ụra ọ̀ ka a ka ọnị ọ ra ụra, ama ọnịsẹ ọnị ọnị ọọ tụ ụtụ ẹ̀ sị ịzẹyịza na ka ụtụ anị. Ọ kà, sị ebe ọnịrị akụ si vị ọnyọọnya kẹ?

Ijeremaya 26:12

Ijeremaya ka, dị ọnị kà a yị ẹnị ọdọvịdị ẹnẹnị ẹnịrị avaba aza ana vọ ka ụtụ ọnị Ẹnẹyịmavara tụ ọnị ịnị ịpa Irehi Ohomorihi ọnọnị ọnịrị ẹkụra ọnọnị, ụ wụ ka ọnị ộ kà avọọ nị.

Ijeremaya 26:2

Dị Ẹnẹyịmavara kà a yị ọnị ka, ọnị ọ̀ na jẹẹ ịnị akakana irehi Ohomorihi nị. Ọ kà ọnị ọ̀ kà a yị aza anaa hụrẹ Ijuda vaa mẹ ahẹkẹ ịzọọ, avaba ụtụ ọnị ọnị tụ ọnị. Asị a nyị ọnị ọnị dà tịtẹ.

Ijeremaya 36:8

Ịzẹyịza dị Ibaruki na mẹ avaba ịsị ọnị ọnị kà yọ gẹdẹ-gẹdẹ nị.

Arụwẹ 3:57

Wậ kà pe mị, ịjị mị hị́ wụ, dị ụ kà a yị mị ka asị mị hí angwa nị.

Ijona 3:2

Dị ọ kà Ijona ọ̀ nọ Ininivẹ, ẹkụra ọbanyị ọnọọ, dị ọ na ka ụtụ ọnị ọnị tụ́ ọ hi wa nị.

Iruuku 12:35

“Tenyi ẹngụ nịnị! Dị ụ wa sị obo awụ nịnị sụ́ ọtẹ, di ozotupa awụ nịnị ọ̀ọ za!

Odeyi 20:20

Wa rẹ yẹ ka ẹ yị nyị ịsị mị sị tẹ wụ nịnị ịnị ịsa ẹnẹẹ ana zụ gụ wụ nịnị ụvọ, m màa zụ̀ wụ nịnị ịsa ịnị ịnọyị-ịnọyị, dị mị raa kà a ngụ irehi-irehii zị nị.

Odeyi 20:27

Ma raà kà a wụ nịnị avaba ịsị Ohomorihi ee sì ka ọnị ọ̀ mẹ. Ẹ yị nyị ana angwa hí mi ọnị mẹ̀ yị kà wụ nịnị.

1 Anịkọrịntị 9:16

Ịzẹyịza, maa kà enube ọyịza, ama ẹ yị nyị ịsị mị zụ sị mẹ eyi ịnị anị, agụvị ka me yi zụ yi ka mẹ yị mẹ̀ ẹ. Àa vị ka mẹ yị kà enube ọyịza, ma sị dà!

1 Anịtẹsaronika 2:2

Wáa yẹ nịnị, ị mẹmẹ vịdị rị ụya dị a kụ̀ yị ụhụ Íhwiripi. Ama Ohomorihi ọ sị sị ọtụtụrụma yị ka ya kà enube ọyịza anị yị wụ nịnị, aza ẹ̀ẹ daka sì ka ẹnị ẹ̀ dọ yị oro.

1Ipita 1:13

Agụvị avọọ, tenyi ayị awụ nịnị, dị ụ wa ẹ sị ụvọ za ẹngụ awụ nịnị! Sị avaba ayị awụ tụ́ ịnị ẹyịza oni Ohomorihi vaa sị yị wụ nịnị, ịhị Ijeesu Ikirisiti ọ̀ọ sị ẹngụ zụ̀.