Ijeremaya 1:14 - IWE ỌNỊNỊ

¹⁴ Dị Ẹnẹyịmavara kà hụrẹ eyi ẹbẹẹba ịsị edivi vaa gara vee ku avaba aza ene hi ịnị ẹtẹ ọnọnị nị.

Ijeremaya 1:14 ပူးပေါင်းရင်းမြစ်များ

Ayịsaya 14:31

Ẹwụ nịnị Anihwirisiti, tụ́ ụvọ kú ịrẹsụ wee nowu nịnị. Ẹngụ awụ nịnị ọ̀ọ da ẹgahị. Ezirẹkụ ệ kọmị hụrẹ eyi ẹbẹẹba aa vẹ, vị ẹ sị mẹẹ anka areyi avọọ ẹ mẹ̀ rụrụ nị. Ẹ yị nyị ikonya ẹnịnị ana vị anangwahi.

Ayịsaya 41:25

Ẹnẹyịmavara kà ọnị ọ raà nyị̀ ọdọvịdị hụrẹ eyi ẹbẹẹba ọnịrị eyi ịzị ọyịị̄ hụrẹ vẹ ka o vị eyi ịraazị ka anẹkụra nịnị. Ọnị vaa sị ọ nyị ẹbẹẹba ohinọyị nịnị anka ọjụnọkọ nịnị mẹẹ sị ahụ pịrị ụmọpa avọọ.

Ijeremaya 10:22

Sị ụtọ pe ẹtẹ nịnị! Enube ộ vẹ. Ẹ naa wụ̀ isoja nịnị ịrẹka ẹtẹ Ịbabịrọnị. Ẹnịnị aa vaa hụ azaa hụrị ẹtẹ Ijuda, dị ọ kụkụ vị aha ọnị irezi ịnị avị nịnị kụkụ ra nị.

Ijeremaya 11:17

Ọnị Ẹnẹyịmavara Ochẹtẹẹngụ ene chire wu nịnị, ọ sị ọ ka ka vị ọnị ee vu wu nịnị ẹtẹ nị agụvị ebira odivi ọnị ẹwụ nịnị Anisirẹrị ọnịrị Anijuda aa mẹ nịnị. Ọ kà wa sị ayị mẹ kụ ọnị nịnị agụvị ka wa naa mẹ̀ ịsọvọ yị Ịbaarị nịnị.

Ijeremaya 25:9

Ọnị vaa tụ́ụ hị́ avaba aza ene hi Ịbabịrọnị ọnịrị ozi ahụ anị, Inebukadineza, ohinọyị Ịbabịrọnị ka ẹ̀ kụ ịrẹkụ va ngụ Ijuda. E vee pè avaba aza ene hi Ijuda ọnịrị avaba ẹkụra ana kara waa kụ̀ ịrẹkụ. Ẹnẹyịmavara kà ọnị vee vu Ijuda ọnịrị aza ana kara wa ẹtẹ saka-saka ana ahịka aza èe ré e angwa vị ene vee hí wa pooro zịna-zịna.

Ijeremaya 31:8

Ọ kà, re, ọnị vaa kụ wa hụrị ẹtẹ Ịbabịrọnị vẹ, dị ọnị kụ wa gụ hụrị aha ẹnẹẹnẹ ịnị ẹhẹ. Ogweyi ọnịrị oswahụ, aza enee zyẹẹ ẹnịrị aza ẹnị ịrẹẹ aa zị vee hi ịnị ẹngụ ẹnịnị, dị ẹyaa vẹ gigirigi.

Ijeremaya 4:6

Tana ụvọ hi oze yị ka, asị a nyị ọza ana jẹẹ, ọzọza oo zwe dị ọ na tẹ̀. Ka Ẹnẹyịmavara ọ raa kụ ẹngụkata hụrị oze eyi ẹbẹẹba aa vẹ, ọnị o ve sii vu ẹkụra ẹtẹ divi-divi.

Ijeremaya 46:20

Ẹtẹ Ijipiti vị ana sị mẹ ụnọ ene zoza ẹtẹẹtẹrẹ avọọ. Ama dị ịsị enee che ọza kụ ịrẹkụ hụrị Ịbabịrọnị ve tu ọ nị.

Ijeremaya 47:2

Ọ kà, ré, ịrẹyị aa vẹ hụrị eyi ẹbẹẹba. Aa vẹ eyiha-eyiha anka irehu ọọ́ há ngụ ẹkụra avọọ. Ịrẹyị ọnọọ vee tu avaba aha ọnịrị ịsa ene hi ịnị anị, o vee tu ẹkụra ọrụrụ ọnịrị aza ana ra hi ịzọọ. Aza vee nowu ka à va gụ ẹnị ụvọ; dị avaba anẹhẹ aa jị òrèrè ọngwọọngụ.

Ijeremaya 50:41

Ré, aza ẹẹ hụrị eyi ẹbẹẹba aa vẹ. Ẹkụra ọbanyị ọnya ọnịrị ohinọyị ọrụrụ-ọrụrụ hụrị aha ẹnẹẹnẹ ee tenyi ẹngụ ịrẹkụ.

Ijeremaya 50:9

Ọ kà ọnị vaa na tụ ẹkụra-ẹkụra ana nyị ụkata hị́ eyi ẹbẹẹba ịrẹyị ka, ẹ̀ kụ́ ịrẹkụ ve tu Ịbabịrọnị. Ẹnịnị vee tò o tụra ẹngụ, dị ẹ kụ́ ịrẹkụ ve tu ọ. Eyi ẹbẹẹba a vaa hụrẹẹ vẹ vaa za wa nị, ọpa ẹnịnị vị ene vee ne anka aza ana yara kụ ịrẹkụ ẹtẹẹtẹrẹ, ẹnẹ ẹ yị ma jị avosusu varẹma nọ eehi avọọ.

Ijeremaya 6:1

Ẹwụ nịnị Anịbẹnjamịnị, ọzọza o zwe na tẹ̀ o! Zwe hụrẹ Ijerusarẹmị nịnị. Hú ịkakanchị nịnị ẹtẹ Itekowa dị wa nọ̀ọ nịnị ẹtẹ Ịbẹtị Ihakeremi. Kà ẹ yị wa ka, ịsa odivi ene vee du ịsaa ha ẹtẹẹtẹrẹ vaa hụrẹ eyi ẹbẹẹba vẹ.

Ijeremaya 6:22

Ẹnẹyịmavara kà, re, aza ẹ raa hụrị ẹkụra ọnya eyi ẹbẹẹba aa vẹ; Anẹkụra ana dẹngụ hụrị aha ẹnẹẹnẹ ee tenyi ẹngụ ịrẹkụ.

Ezikẹẹrị 1:4

Ezikẹẹrị ka, ọnị mẹ kụ̀rà eyi tụ ẹba, dị ọnị re ka opomi ộ tụ́ hụrị eyi ẹbẹẹba aa vẹ nị. Ọnị ô re re ka eguhi ộ da dụmẹ, dị ịnyaanya aa rị ịnị anị nị. Dị ẹbẹẹba aa zẹtẹ kara eguhi ọnọọ nị. Oni ô re ịsị ẹ sị mẹẹ anka enyusẹ ọkatarihi anaa za nyoonyo avọọ ịnị akakana ịra anaa rị aanị.

Ezikẹẹrị 24:3

Ọ kà ọnị ò che ụhịrẹyị ọnọnị yị aza anị ẹnẹẹ yị ma wụ́ ịrẹyị ọza aanị. Ọnị Ẹnẹyịmavara ọ ka ọnị ò che ụhịrẹyị ọnọnị yi wa nị ka, Ẹnịnị ẹ̀ sị ụnọkọ hii ịra, dị ẹnịnị ẹ̀ dà enyi hi ọ, ohihi.

Ijowẹrị 2:20

Dị Ẹnẹyịmavara kà, ọnị vaa dụ akụvarịva ana hụrị eyi ẹbẹẹba vẹ. Ẹnyị ẹnịnị vị ọnị ọnị vaa dụ nee hí ụnọmị osusu. Ẹnị ene hi ọvịdị ịrẹkụ vị ọnị ọnị va dụ nee hị́ Irehu Anọ, dị ọ kụ́ ẹnị ene hi akakaha na va hi Òkū Imeditareniya. Di oku ẹnịnị vụ, dị agụ anị gara hi ẹtẹ. Ẹnẹyịmavara kà ọnị vee vu wa ẹtẹ agụvị ịsị ẹ mẹ̀ aza anị.

Ịzakaraya 6:6

Ịkẹkẹ ịrẹkụ ọnị umaata anị nịnị vi oji vi ana nọ eyi ẹbẹẹba ẹtẹ Ịbabịrọnị, dị ọnị umaata anị nịnị da achẹrẹ poto-poto vị ana nọ eyi ụvẹtẹ.