Ijemiisi 5:7 - IWE ỌNỊNỊ

⁷ Ẹwụ nịnị ẹyịnyara amị, nyị isuuru nịnị pooro dị Ananyị yị ọ̀ vavẹ. Wê re ọgẹrẹva nịnị, ẹnịnị mẹẹ̄ nyị isuuruu jẹẹ pooro ka ịsa ozoza ịnị aarẹ ẹnịnị ẹ̀ mẹ, hụrị ụmẹ oni orihi ịpaapa ọ̀ọ sị zụ̀ ne tù ụmẹ oni orihi ọdịrẹma vaa sịị zụ̀, dị ẹ̀ vaa mẹ̀ ịsa ịnị aarẹ ẹnịnị.

Ijemiisi 5:7 ပူးပေါင်းရင်းမြစ်များ

Ijeremaya 5:24

Ẹnẹyịmavara kà we yị ma daba ka a nịnị ka waa sị ụbanyị yị ọnị nịnị, ọnị anaa zụ̀ orihi yị wụ nịnị ịnị avaba ụmẹ, dị ọnị aa mẹ ka ịsị ịnị aarẹ awụ nịnị ọọ mẹ.

Ihoseya 6:3

Dị ẹnị ẹ yẹ ẹ, dị ẹnị ẹ yẹ huu avọọ. Ẹnẹyịmavara vee tu ẹnị ohi dị ẹtẹ o vee hozi. Ọ vaa vẹ anka orihi ịpaapa ị̀rẹ̀sụ̀ avọọ nị.

Ijowẹrị 2:23

Aza ene hi Ịzayọnị ẹẹ jẹ ịrajẹ, Waa mẹrị sadaa ka ọnị Ẹnẹyịmavara Ohomorihi awụ nịnị vaa zụ́ orihi ịjịjọọ yị wụ nịnị. Dị ọnị zù orihi ịpaapa ọnịrị ọ́dịrẹma a mẹ vọrọ anka ọ mẹẹ̄ vịdịị zụ́.

Ịzakaraya 10:1

Họ̀ use orihi hụụnị ụvọ Ẹnẹyịmavara ịnị ụmẹ ịrẹsụ. Ẹnẹyịmavara anaā mẹ ka eguhi o ka eyi, ọnị ọ rẹ zụ orihi hi ịsa ịnị aarẹ yị avaba ọza nị.

Imatiwu 16:27

Agụvị ka Ozi ọza onigirima vaa vẹ beri anggẹẹrị nịnị ini igirima Ada anị; ịjọnọọ dị ọ sị ọgụ ụkọrọ ọzọza yọ anka ụkọrọ ọzọza.

Imatiwu 16:28

Ịzẹyịza m maa kà a wụ nịnị nị, â nyị aza ẹnyị ana jẹẹ ịzẹnị, ana ahịka e yi vee sú pooro, di è re, Ózi ọza onigirima màa vẹ vaa mẹ ịjọva.”

Imatiwu 24:27

Ẹmị Ozi ọza onigirima vị ana vaa vaavẹ anka ị́nyanya mẹ̀ẹ̄ rị hụrị eyi ọnị ọyịị̄ zịị hụrẹ na ngụ ịzị ọọ̄ zịị naa ngụ ẹtẹ avọọ.

Imatiwu 24:44

Agụvị avọọ ẹwụ nịnị ọ̀ rẹ vavọọ zị́, agụvị ka Ozi ọza onigirima vị ana vaa vẹ ịnị ụmẹ oni wè yi ro nịnị.

Iruuku 18:8

Dị ma kà a wụ nịnị ka o vee jintuu mẹ̀ ịsa ana vọrọọ yị wa. Mị ka ee, ịhị ẹmị Ozi ọza onigirima ọ̀ọ vavẹ, méé kuku vee tù ka aza ẹ sị sị ayị tụra mị ịnị ẹhẹ?”

Iruuku 21:27

Di e vene re ka ẹmị Ozi ọza onigirima aa vẹ ini eguhi beri ụkata ọnịrị igirima.

Iruuku 8:15

Ama aza ẹnẹnị vị ana yà anka ihu ene e mi tụ́ ịnị ẹtẹ ozoza. Ẹ mẹ̀ wụ́ ịrẹyị ọnọọ, ệ sị tụ́ ịnị ayị ẹtẹẹtẹrẹ, dị ẹ tangwa sị isuuru aa nyị ẹtụtụ nị.”

Ịjọọnụ 21:22

Dị Ijeesu tụ́ ọ ohi, dị ọ ka, “Mèe sì ka ọ̀ yàra dị ma vavẹ, ịzị ọnọọ gẹ wụ? Ẹwàa dụ mị ịrẹma!”

Ịjọọnụ 21:23

Dị ọ kụkụ sị ngụ ịrẹyị yị ọdọwụ nịnị ka ozirẹma ọnọọ o yi vee sú nị. Ama Ijeesu ọ yị kà a ka, “O yi vee sú”, ọ ka, “Mèe sì ka ọ̀ yàra dị ma vavẹ, ịzị ọnọọ gẹ wụ?”

Aniroomi 15:4

Avaba ịsa anaa ịsa anaa vịdị chẹrẹ tụ́ ini Iwe Ohomorihi vị anaa chẹrẹ tịtẹ ka ya kọ ịrẹyọyẹ hụụnị anị; dị ya rẹ zụ nyị ọyịtureyi, agụvị ka Iwe Ohomorihi aa mẹ ka yaa nyị ọtụtụrụma, dị ya rẹ nyị isuuru.

Aniroomi 2:7

Aza ẹnyị aa mẹ̀ ebira ozoza. Eyee sì ka Ohomorihi ọ̀ sị ụbanyị yị ẹnị, dị ọ̀ rẹ mẹ ka ẹnị ẹ̀ yàra pooro zịna-zịna. Ẹngụ aza ẹnẹẹ, Ohomorihi vaa mẹ ka ẹ̀ yàra ị́da anị pooro zịna-zịna.

1 Anịkọrịntị 1:7

agụvị avọọ, ụ mẹ̀ jẹẹ ee zí ẹkụhị oni Ijeesu Ikirisiti Ananyị yị vaa sị sị ẹngụ anịị zụ̀ nịnị aanị, ẹ yị nyị ụkata ikonya oni Ohomorihiī sịị mẹ ọza ẹyịza ọnị ụ wẹ̀ yị nyị nịnị.

Anigaratiya 5:5

Àa vị ẹyịị yọ, ẹyị vị ene ee zí eyi ka ịnị ụkata Ụhwẹ Ọnịnị Óhomorihi vaa hị́ yị ọnịrẹyịzẹyịza nị. Agụvị ka yáa sị ayị tụra Ijeesu.

Anigaratiya 6:9

Agụvị avọọ à vẹ vị yaa mẹ ọyịza, dị asị ọ ngụ yị ẹngụ! Agụvị ka ọ̀yị ngụ yị ẹngụ, i vee re ọgụ anị ọdịrẹma.

Iwe Ọhụhị Imosiisi ana aa hị́ Ọyịvatụrọda 11:14

Ẹ̀ẹ vavọọ aa hẹkẹ ẹ, Ọ vaa zụ orihi yị wa ịnị ụmẹ ana vọrọ. Ọ vaa zụ orihi yị wa hụụnị orihi ịpaapa na ngụ orihi ọdịrẹma agụvị dị ẹ nyị ịsọyịrị ọnịrị eche ne beri angwẹ orivi.

Anikorasi 1:11

Ohomorihi ọ̀ sị ụkata anị, ene huna avaba ụkata yị wụ nịnị, agụvị dị ụ wa nyị ụkata, dị ụ wa rẹ nyị isuuru ini avaba ịsa ana àaa mẹ nịnị;

1 Anịtẹsaronika 1:3

Ịị̄ tamayị awụ nịnị pooro ọ́vịdị Ohomorihi Ada ayị, anka ụ mẹmẹ aa sịị zụ̀ ka wáa sị ayị tụraa ini oze ụkọrọ awụ nịnị nị. Ịrẹyị ọza oni u sì raa mẹ ka waa mẹ̀ ụkọrọ nịnị ẹtẹẹtẹrẹ, vị ụ rẹ nyayịnẹ ee zí Ijeesu Ikirisiti Ananyị yị eyi nịnị.

1 Anịtẹsaronika 2:19

Sị ị daba sị eyi tụra? Sị aa mẹ ka yaa jẹ? Sị ẹ vị ọgụ ayị ọnị yaa sịị mẹ ụbanyị ọvịdị Ijeesu Ikirisiti Ananyị yị, ọ̀ọ vẹ? Ẹyị vị ẹwụ nịnịị?

1 Anịtẹsaronika 3:13

Ini oze avọọ, dị ụ wa vị ọnịnị nịnị ọ́vịdị Ohomorihi Ada ayị ịnị ụmẹ oni Ijeesu Ananyị yị vaa sị vaa vẹ beri avaba aza anị!

Anihiburu 6:15

Abụrahamị ộ nyị isuuru ẹtẹẹtẹrẹ, agụvị avọọ dị ọ dọ ịsa oni Ohomorihi kà a ka ẹ́ yị zụ nyị ka ọnị ẹyị vaa sịị yọ nị.

Ijemiisi 4:11

Ẹwụ nịnị ẹyịnyara amị, asị ụ rẹ kà ịrẹyị odivi ẹngụ nịnị! Ọza ana àa kà ịrẹyị odivi ọnọhụva anị, à vị ka dị ọ jị ịvị yọ, ọda Ohomorihi ọ́za ọnọọ aa kà ịrẹyị odivii hi, dị ọ raa jị ịvịị yị avọọ nị. Yẹ ka wàaa jị ịvịị yị ọda Ohomorihi, wẹ yị kụkụ mẹ̀ ịsa ọnị ọda kà, ụ kụkụ aa jị ịvịị yọ avọọ nị.

Ijemiisi 5:10

Ẹwụ nịnị ẹyịnyara amị, wê re ọnịsẹ nịnị anaā kà ịrẹyị ịnị ịrẹha Ohomorihi; sị ẹngụ isuuru ẹnẹ nyị ịjị ẹyaa rị ụya zama a re!

Ijemiisi 5:3

Igooru ọnịrị ọmọ ọnị ụ nyị hi ẹtẹ nịnị, e si kú ụrẹ. Ẹnị ẹ vaa sị zụ̀ ka ịsị ụ mẹ nịnị, o yi zoza. Ụrẹ ene e kú, vị ana sị mẹẹ anka ẹngụ awụ nịnị mè vee du anka ịra òo rere rị ịsa avọọ. Ẹhẹ aa vaa tá, ama ẹwụ nịnị ọ raà hàrà ogu tẹ.

2Ipita 3:4

dị ẹ ka: Ijeesu ka ọnị vaa vaa vẹ, ịzị ọ va yà booro aanị? Áda ayị nịnị me hụrẹ sú, ẹhẹ mẹ̀ yà hụrị ụmọrụmọ, ọ yị yà nị.