Ijemiisi 5:5 - IWE ỌNỊNỊ

⁵ Ama ẹwụ nịnị ọ́ọ ta dẹngụ, ụ maa kụ́ ịsaa rị, anka uye ana aa pá naa wụ; ama wẹ yị yẹ ka aa vaa wụ̀ wụ nịnị.

Ijemiisi 5:5 ပူးပေါင်းရင်းမြစ်များ

Ahẹ Ụgama 17:14

Ẹnẹyịmavara, navọ aza è re mẹ pooro ịnị ẹhẹ Navọ wa mẹ ogu yị wa dị ọ̀ hụ̄ wa. Navọ ezi ẹnịnị è re rị, dị ẹ̀ vọ tẹ ezi ịrẹma

Ahẹ Ụgama 73:7

Ẹnịnị aa mẹ̀ ebira odivi, ayị ọ yị hụrẹ wa ịnẹ, ịsa edivi eni eē ro ịnị ayị, ọ yị nyị ọpa.

Ụhịrẹyị 17:1

Akịka ẹnụ oyihù ọnị ọza sị ẹngwọọrọ rị, o dahi hu ịsa chọmị-chọmị ọnị ọza rị dị aa họ̀ ọ ọrọkọ nị.

Ụhịrẹyị 7:14

Ộ ka ajịnị ọnị mẹ̀ ịsa ịsọvọ ẹngwọọrọ ana aa rị. Ọnị o re si ụta ịzẹzẹ anị.

Ịrẹyị Ọzwọzịsa 11:9

Ẹwụ ọpa ozweyi, waa jẹ. Ụmẹ yị vị ozweyi aanị ayị awụ oo hine. Avaba ịsị ayị awụ oo sị kẹnẹ ọnị u si ka wàa mẹ, waa mẹ̀ ẹ. Ama tamayị ka ụ va naa ka enube avaba ịsị ụ waa mẹ yị Ohomorihi.

Ayịsaya 22:13

Ama di u yi, di waa jẹ ịrajẹ dị waa mẹrị sadaa nị. Wâ wụ imaaru ọnịrị atẹmẹ, dị waa rị, di wee hú eche o mè zee wu eyi nị. Ụ ka, “sị ọ vị, à vẹ ya rị dị ye hú ajịnị ka ụhwọ i wusu.”

Ayịsaya 3:16

Ẹnẹyịmavara kà ọnị ka eyi ana anyẹnẹẹ Anịzayọnị aa mẹ ọ sị vị ẹnẹmẹhị. Ẹ̀ẹ yaa zị ụsẹ dị ệ tana ọrọkọ ẹnịnị. Avọọ ẹ mẹ̀ dọ ọda ịrẹkọyịsẹ nị. Ẹ̀ẹ yaa na, dị ẹ tangwa ee hu ahụ dị ịsa ẹ si tụ́ ahụ ọnị aa sụ́ ịrẹyị;

Ayịsaya 47:8

Sị ụtọ pe ẹtẹ, ẹwụ ana maanị sì ịrẹyị ẹngwọmẹ aanị. Ẹwụ ana yaatụ ka ẹ yị nyị ịsị ẹ zụ mẹ wụ aanị. Wâ kà a ka, “Ẹmịị yọ; ẹ yị ọza ẹnẹsa ịrẹma amị. Mẹ yị vaa vị osoku, ezi emi e yi vee sú”.

Ayịsaya 56:12

Ẹnịnị vị ohweche. Ẹ̀ẹ sị ẹngụ hị́ dị ẹ ka, ‘Vẹ, vị ya na hị́ eche nịnị; vẹ ye hú ọpa eche ọnị yèe zụ hú nịnị, ụhwọọ o vee zozaa hu ajịnị nị.’ ”

Ijeremaya 12:3

Ọ kà ama, Ẹnẹyịmavara waa yẹ ọnị, wee re ịsị ọnịị̄ mẹ ọnịrị ọnị mẹmẹ sì ịrẹyị awụ. Tura aza edivi ẹnẹnị hi ẹhẹ anka atẹmẹ ana a ka à na wụ avọọ. Sị eyi pe wa nee tu ụmẹ ana a vaa sị wụ̀ wa.

Ijeremaya 25:34

Ẹnẹyịmavara kà, ẹwụ nịnị ọdọvịdị enee sere aza anị anka oseratẹmẹ avọọ ọọ jị òrèrè boro-boro. Waa zị ẹngụ nịnị dị wa kụ ẹngụ awụ nịnị muna ezi. Ụmẹ ana a va sii wụ̀ wụ nịnị o si tù. Vị a vaa wụ̀ wụ nịnị anka ịdẹba avọọ nị.

Ezikẹẹrị 16:49

Ẹnẹyịmavara kà, ịvị ọnị Isodọmị rị yị: Ẹnịrị ezi ẹnịnị ẹẹ sị ẹngụụ tụ ẹba agụvị ka ẹnịnị ệ nyị ịsọyịrị gwẹtẹ ẹnẹ ẹyaa rị, ọnịrị ka ẹhẹ ộ rọ̀ wa ẹngụ, ẹnịnị ẹ yị nyị ẹngụkata. Ama ẹnịnị ẹ́ yị gụ onosiye nịnị ọnịrị aza ẹnẹ ẹhẹ ẹ̀ yị mẹ yị ụvọ.

Ezikẹẹrị 39:17

Ezikẹẹrị ka, Ẹnẹyịmavara Ananyị yị ộ kà a yị ọnị ka, Ozi-ọza, ọnị ọ̀ hị́ avaba inomi ọnịrị uye ịnị avị nịnị gụ, hụrị avaba aha. Ọnị ọ̀ kà a ka ẹnịnị ẹ̀ va rị ịsa ịsọvọ ọnị ọnị ee tenyii tịtẹẹ yị wa. Ịsọyịrị vị ana vaa gụ kẹnẹ ịrẹsụ ataba Isirẹrị nịnị, ịzị ẹ́ vaa rị uye, di eyee hi.

Emọsị 6:1

Oogwoo Anijerusarẹmị ọnịrị Anịsamarịya nịnị ẹnị e ro ka ẹnị ẹ si ha dị ẹ va ẹngụ ha. Ọdọvịdị ẹkụra ẹnẹnị vị ene ro ka eni e huuna ẹkụra ana vọ agụvị avọọ di ọzọza ọ va ụpa anị nee kú.

Iruuku 16:19

“Â nyị ọnyẹkẹhị ọnya aanị anaā hara ịta ẹbanyị-ẹbanyịị hi ẹngụ, dị aa rị ẹhẹ ẹtẹẹtẹrẹ eyinị-eyinị.

Iruuku 16:25

Dị Abụrahamị ka: ‘Ozi, tamayị ka ụ mẹ̀ yà ẹhẹ, wâ dọ ịsa ọyịza-ọyịza, di Ịrasarụsị ọnị rị ụya ẹtẹẹtẹrẹ nị. Ama booro aanị, ẹngụ anị ọ sị rọ tụ́ ịzẹnị, ama ẹwụ aa rị ụya ịzọọ.

Aniroomi 13:13

à vẹ yaa zị ụsẹ ana vọrọ tụra aza ẹnẹ ẹ̀ yị zị ụsẹ ịrahụ! Asị ị rẹ̀ kụkụ dọ ọda eche ọyịrị pooro kẹnẹ! Asị i rè hú eche, dị ọ̀ọ mẹrị yị; asị ị rẹ̀ mẹ̀ ebira ịdọtị irenyi-renyi, àa vị ebira kẹnẹ-kẹnẹ! Asị ị rẹ̀ zyaazị; asị ị rẹ̀ rẹ kụ̀ ụhị!

1 Itimoti 5:6

Ama osoku ana ahịka ịsa ẹhẹ kẹnẹ ọ sị ayị tụ́ ịnị anị, óo wusu, vị ọ kụkụ yà ẹhẹ kẹnẹ nị.

2 Itimoti 3:4

Dị ẹyaa sị ọzaa chire ọnịvị anị ụvọ, dị ẹyaa mẹ̀ ebira eneē chire ọza angwa, dị eyee wù ịka. Dị a hị́ ka ịsa ẹhẹ ọnọnị kẹnẹ e sì ịrẹyị anị nị, dị e yi sí ịrẹyị Ohomorihi.

2Ipita 2:13

Ụya ẹnẹ yaa sịị yị aza avọọ, Ohomorihi rẹ vaa sị ụyaa rị waa si atọ. Óo zé wa eyi ka ẹnị ẹ̀ẹ rị ịsa chavaa, dị ẹ̀ rẹẹ mẹ̀ ebira kẹnẹ-kẹnẹ, ọ̀ọ daka vị ọọdụ gaaga. Wàa kụ́ gụ aa rị ịsa, dị ẹ yà ịnị akakana awụ nịnị nị; ịdọtị ẹ vị tụ́ ịnị ịragụ awụ nịnị nị, dị eyee vene wu nịnị, dị ẹyaa rị ịsa chavaa kẹnẹ.

Ijudi 1:12

Wàa kụ gụ aa rị ịsa ịnị oze ana sị zụ ka wee sì ịrẹyị ẹngụ nịnị, ịdọtị ẹ vị tụ́ ịnị akakana awụ nịnị nị. Sị ẹ vẹ? Agụvị ka ẹnịnị vị anaā rị ịsa anka ọza ọnị ụhị ọ̀yị ma nyị avọọ. Ẹngụ ẹnịnị kẹnẹ ee ro ịrẹyị anị nị. Ẹnịnị vị ana sị mẹẹ anka eguhi ana ahị aa kụ́ụ zịịzị, oni orihi anị ọ̀ yị mā zụ̀. Ịrẹyị ẹnịnị vị osusu anka ọchị ene wusu hụrị ụmọrụmọ, di e si o hu ne ta, dị ọ̀ yị kụkụ zụ tụ́ ẹtụtụ ịnị ụmẹ anị.

Ẹtore 18:7

Vị́ ọ vịdịị wo ka â nyị ịsị ọnị vị nị, dị aa rị ẹhẹ o mè ze eyi nị, agụvị avọọ, sị́ ụya rị ọọ ẹtẹẹtẹrẹ nịnị Vị́ ọọ̄ kà a yị ẹngụ anị ka ohinọyị anẹẹ ọnị vị nị. Ọnị ọ yị vị osoku, ọnị ọ yị rẹ vaa rị ụya vụrụ-vụrụ.

1 Ịsamụwẹrị 25:36

Abigẹrị mẹ̀ varẹma nọ ini eehi di o ne tù ka Ịnabarị aa rị eche anka ohinọyị avọọ nị. Ịnabarị aa mẹrị, eche ộ ta hụ ọ. Ẹ yị nyị ịsị Abigẹrị kà yọ pooro di eyi nị.

1 Ịsamụwẹrị 25:6

Ọ kà ẹ̀ kà a yọ ka Ohomorihi ọ̀ sị ụhwẹ ọgọdọ ọnịrị ẹngwọọrọ yọ beri aneehi anị. Ọ kà ẹ̀ rẹ kà a ka Ohomorihi ọ̀ sị ẹngwọọrọ yị avaba ịsị ọ̀ọ nyị.