Ijemiisi 5:3 - IWE ỌNỊNỊ

³ Igooru ọnịrị ọmọ ọnị ụ nyị hi ẹtẹ nịnị, e si kú ụrẹ. Ẹnị ẹ vaa sị zụ̀ ka ịsị ụ mẹ nịnị, o yi zoza. Ụrẹ ene e kú, vị ana sị mẹẹ anka ẹngụ awụ nịnị mè vee du anka ịra òo rere rị ịsa avọọ. Ẹhẹ aa vaa tá, ama ẹwụ nịnị ọ raà hàrà ogu tẹ.

Ijemiisi 5:3 ပူးပေါင်းရင်းမြစ်များ

Oyinyima 31:48

Di Ịrabanị ka: Atakuji ọnọnị ọ̀ vị onivenu yị ọnịrị ọ ajịnị. Agụvị avọọ ọ sị hị́ ọ Igareedi nị.

Oyinyima 31:52

Atakuji ọnịrị ịrẹta ọnọnị vị ivenu yị ẹnị ka ọnị ọ yị vaa para ịzẹnịị hu vẹ ịdị Ijekọvụ, Ijekọvụ ọnị ẹ yị rẹ vaa para ịzẹnịị hu vẹ ịdị anị dị ẹnị ẹ̀ va mẹ ẹngụụ ịrẹyị.

Oyinyima 49:1

Ijekọvụ ộ hị́ ezi anị dị ọ ka ẹ̀ kụ́ ẹngụ gụ dị ọnị ọ kà a yị wa ịsị e vee tù wa ịrẹma ụhwọọ nị.

Ijoovu 16:8

Ọnịvị anị Ohomorihi vị nị, ọ raa jị ọnị ẹngwa, dị ọnị kwọrọ na za agịga nị. Ọsọnị ọ mẹ ka aza ẹẹ kà a ka ọnị ọ rị ịvị nị.

Ayịsaya 2:2

Ụmẹ aa vẹ, ịrẹsụ ataba ọnị irehi Ẹnẹyịmavara ya vaa vị Ataba ana nẹba hu kerekere, dị ọ va avaba ataba ana vọ chire. Anẹkụra ọrụrụ-ọrụrụ vee turaa hi ịzọọ,

Ijeremaya 19:9

Ọnịvị Anijerusarẹmị nịnị vaa tara kara Ijerusarẹmị dị e yee si oze ka ẹnị ẹ̀ wụ̀ aza ene hi ịnị anị. Ịrẹyị ọnọọ vee divi ẹtẹẹtẹrẹ dị aza ene hi ịnị ẹkụra kụkụ aa wụ ẹngụ rị. Ẹ hyakụ vaa wụ̀ ezi ẹnịnị rị bẹẹ.

Imika 3:3

Waa nọ wa ịtụmpaha, waa chaka wa ẹchụkụ waa vọ wa anka uye ana chịnẹ avọọ. Mị ka waa nọ aza anị ịtụmpaha anka uye ịnị avị avọọ di waa rị wa nị.

Imika 4:1

Ụmẹ aa vẹ dị ataba ịzị dà irehi Ẹnẹyịmavara tụ́ aanị kuku vaa vị ataba ana nẹba hu ataba ana vọ, dị ọ da jịnẹ wa. Anẹkụra ọrụrụ-ọrụrụ vee tụraa hi ịzọọ.

Odeyi 2:17

Ọ kà Ohomorihi kà a ka, “Ịnị ụmẹ ọdịrẹma, ọnị vaa tụ́ Ụhwẹ Ọnịnị anịị ká avaba anẹhẹẹ vẹ. Ezi anọrụ ọnịrị ezi anẹẹ awụ nịnị vaa kà ịsẹ, ezwọọmụha awụ nịnị vee re ẹtẹ, azọkụ awụ nịnị vaa ra ụra.

Aniroomi 2:5

Ayị awụ ọ sị katẹngụ, weyi sì ka we ro ịnẹ varẹma. Agụvị avọọ waa dàa tụ́ ịnị ụyaa yị ẹngụ awụ ịnị ẹkụhị oni Ohomorihi vaa sị ọyị kụ anị ọnịrị ọkarẹyị anị ana vọrọọ zụ̀ aza.

2 Itimoti 2:17

Ịsị ẹyaa sịị zụ̀ aza vị ana sị mẹẹ anka ikenebe anaā rị ẹngụ ọza avọọ. Ihimenawusi ọnịrị Ihwiretusi yà ịnị ẹngụ aza ẹnẹẹ.

Ijosuwa 24:27

Dị Ijosuwa kà a yị wa ka, ịrẹta ọnọọ ọ vị onivenu ọnịrị wa nị. Ịrẹta ọnọọ ộ wụ́ avaba ịrẹyị ọnị Ẹnẹyịmavara kà yị ẹnị. Agụvị avọọ ọ vaa vị ivenu yị wa, dị ọ mẹ wa ka asị ẹ mẹ̀ akamawụ hi Ohomorihi.

2Ipita 3:3

Ịsị mee sì ka wa yẹ hu nịnị yị: Ịnị ụmẹ ọdịrẹma, aza vaa kwẹẹtẹ, ana ahịka ịsa edivi ọchẹngụ ẹnịnị kẹnẹ ẹyaa mẹ nị. Dị ẹyaa mẹ wụ nịnị isiya,

Ẹtore 17:16

Uye ovivi ọnịrị ọpanyị ẹẹwụ ị́rẹsụ ọnị u re avọọ, vaa nyị ịhyẹrẹ ọsẹrẹka ọnọọ. Ẹ vaa dọ ọ avaba ịsị ọ nyị, dị ẹ tụ́ ọọ ahwaahụ. Ẹ vaa rị ụpẹngụ anị, dị ẹ rị ọọ ịra.

Ẹtore 20:15

Ọza tụra ọza ọnị ọza ọyị re ka áa chẹrẹ ịrẹha anị tụ́ ini iwe aza ana yàra pooro zịna-zịna, dị a sị ọọ, di ee nee ngụ ini adagu ịra ọnọọ.

Ẹtore 21:8

Ama anangwahi ọnịrị aza ẹnẹ ẹ̀yị vị ọdọwụ, beri aza ana aā mẹ̀ ịsa enyisi, ọnịrị ọwọza nịnị beri ọsẹrẹka nịnị beri ẹnẹbẹ ọnịrị aza anaā hẹkẹ ori, ọnịrị avaba onireche nịnị vaa nyị aha ẹnịnị ini adagu ịra anaa sị ohuru tụ́; ọnọọ ọ vị isu ụpẹ ọhụva nị.”