Ijemiisi 5:16 - IWE ỌNỊNỊ

¹⁶ Agụvị avọọ, dọ irenu ịvị awụ yị ẹngụ nịnị, dị ụ wa rẹ mẹ̀ aduwaa yị ẹngụ nịnị, agụvị Ohomorihi ọ̀ mẹ wụ nịnị ụkụ. Aduwa ọnịrẹyịzẹyịza ọ zụ mẹ ka ịsa ẹbanyị-ẹbanyị ẹ̀ mẹ.

Ijemiisi 5:16 ပူးပေါင်းရင်းမြစ်များ

Oyinyima 19:29

Ohomorihi mẹ̀ vavọọ vu ẹkụra ini ozi ọnọọ ẹtẹ, Ohomorihi ộ tamayị Abụrahamị, dị ọ dọ Ịrọọtị tụ́ nị.

Oyinyima 20:17

Di Abụrahamị va mẹ̀ aduwa hi Ohomorihi dị Ohomorihi va mẹ ka ẹngụ Abimẹrẹkị ọ̀ ta nị. Di Ohomorihi rẹ mẹ ka ose Abimẹrẹkị ọnịrị ezi ahụ anị anẹẹ ẹ̀ zụ ma ozi nị.

Oyinyima 20:7

Ọ kà Booro aanị ọ sị ose ọnọrụ ọnọọ varẹma naa yọ. Ọnọrụ ọnọọ vị ọnịsẹ, ọ vaa mẹ̀ aduwaa yọ, di o yi kuku sú. Ọ kà ama ò yị và a naa yọ, ọ̀ yẹ ka vị ee sú nị ne beri avaba aza anị nị.

Oyinyima 32:28

Dị ọza ọnọọ ka, “Vị Ijekọvụ a kụkụ vaa hị́ ọ, ọnị ọ ka ọnị ọ kụkụ rị Isirẹrị nị, agụvị ka o re è pè Ohomorihi ọnịrị aza vụ̀ ịrẹvụ, ọ sị wa hu.”

2 Ịsamụwẹrị 19:19

dị ọ ka, “Taarụ, navọ asị ụ ro ịrẹyị ebira odivi ọnị mị mẹ, asị ụ kà a ka waa tamayị ebira odivi ọnị mị mẹ̀ ịhị ọnị wụ jịnẹ hụrẹ Ijerusarẹmị avọọ. Taarụ, navọ asị ụ sị ịrẹyị ọnọnị tụ́ ịnị ayị awụ.

1 Ohinọyị 13:6

Di ohinọyị aa dá ịpẹẹ yị ọza Ohomorihi dị ọ ka, “Aarịhịnị da ịpẹ yị Ẹnẹyịmavara Ohomorihi awụ dị wa mẹ̀ aduwa yọ agụvị amị dị ọ̀ và ụvọ amị vẹ mị.” Ịzẹyịza dị ọza Ohomorihi ọnọọ dá ịpẹ yị Ẹnẹyịmavara, dị ọ và ụvọ ohinọyị vavẹ yọ, dị ụvọ ana rẹ yà anka ọ́ mẹ̀ vịdị yà nị.

2 Ịtọpa 30:20

Dị Ẹnẹyịmavara va ohi yị Ihezekaya ka ọnị ọ raà vagu wa. Ẹ yị nyị ịsị ọnị vaa mẹ̀ wa.

Ijoovu 42:8

Ịzịịzọọ, ẹnịnị ẹ na sị ụnọ ịhịmba, ọnịrị ịdẹba ịhịmba ne tu Ijoovu, dị aa sị mè ịsọvọ ana aā rị ịra. Ẹnẹyịmavara kà ọnị vaa wụ́ aduwa ọnị Ijoovu ọ̀ọ mẹ̀ yị wa. Ọnị ẹ yị va mẹ̀ ụhị nyị wa anka ebira ẹnịnị. Ẹnịnị ẹ yị ka ịzẹyịza anka Ijoovu.

Ahẹ Ụgama 34:15

Ẹnẹyịmavara vị ana sị eyi pè aza ana aa mẹ̀ ebira ana vọrọ ini eyi anị ẹnịnị ẹ̀ẹ nowu na za a, dị ọ ba wa owu.

Ọyịkụra 17:11

Imosiisi ọ̀ọ sị ụvọ amị tụ́ ẹba, di Anisirẹrị ee huna Anamarẹkị. Ama ọ̀ọ rọ̀ ụvọ anị chi, di Anamarẹkị ee huna Anisirẹrị.

Ọyịkụra 9:33

Di Imosiisi hụụ ịda Ihwarawo dị ọ jịnẹ hụụnị ẹkụra nị. Dị ọ gana ụvọ anị, dị ọ dá ịpẹ; yị Ẹnẹyịmavara nị. Di opomi ọnịrị ata orihi jị, dị orihi ọ̀ yị kụkụ zụ̀ hi ẹtẹ nị.

Ụhịrẹyị 15:29

Ẹnẹyịmavara wụ́ aduwa aza ọyịza, ama aza edivi vị ọnị ọọ̄ sị eyi jịnẹ.

Ụhịrẹyị 15:8

Ẹnẹyịmavara ọ nyị ịhyẹrẹ ịsọvọ ọza ọhịmị ama ọọ̄ wụ́ aduwa ọza ọyịza.

Ụhịrẹyị 28:9

Ẹnẹyịmavara ọ nyị ịhyẹrẹ aduwa ọza ọnị ẹ yị saasa ọda anị.

Ijeremaya 15:1

Ijeremaya ka Ẹnẹyịmavara ộ kà a yị ọnị ka, Imosiisi ọnịrị Ịsamụwẹrị ẹ̀ẹ daka va jẹẹ ọvịdị anị dị ẹ yaa dá ịpẹẹ yị ọnị nị, ọnị ẹ yị kụkụ aa vayị Anịjuda nịnị. Ẹnẹyịmavara kà, à dụ wa hụrẹ ọnị eyi, à kà a ka ẹnịnị ẹẹ na.

Ijeremaya 33:3

wa hị́ ọnị ka ọnị vee tu u ohi, dị ọnị ka ịsị ẹbanyị-ẹbanyị ọnị ọza ẹ̀ yị yẹ́ iruvo anịị yị ụ. Ịsa ọnị wẹ yị yẹ.

Ijeremaya 42:2

dị ẹ ka, aarịhịnị, ọnị ò pè ẹnị mẹ̀ aduwa hi Ẹnẹyịmavara Ohomorihi ẹnịnịị de. Ẹ ka, ọnị ee ré ka ẹnị ệ vịdị rụrụ, ama ẹnị chee ọ vị booro aanị nị. Ọnị ọ̀ mẹ̀ aduwa yị ẹnị ana vẹtẹ anị de.

Ịrịka 11:2

Dị aza na owu va za Imosiisi ka ọ gụ ẹnị ụvọ nị. Ịzẹyịza, dị ọ da ịpẹ yị Ẹnẹyịmavara, dị ọ mi ịra ọnọọ nị.

Imatiwu 21:22

Ịsa tụra ịsa ọnị ụ wàa dá ịpẹ anị nịnị wàaa mẹ̀ aduwa, dị ụ dọ wụ́ nịnị nị, u wee re waa dọ nị.”

Imatiwu 3:6

Ệ dọ irenu ebira odivi ẹnịnị, dị ọ́ mẹ̀ ọyịhwọzenyi yị wa ịnị Okuha Ịjọdanị nị.

Ịmaakị 1:5

Dị avaba Anijudiya nịnị ẹnịrị Anijerusarẹmị nịnị aa nọ ịzị Ịjọọnụ yà nị. Ẹ màa dọ irenu ịvị ẹnịnị, dị Ịjọọnụ aa mẹ ọyịhwenyii yị wa ini Okuha Ịjọdanị nị.

Iruuku 9:6

Dị ẹ jịnẹ na, dị ẹyaa ngụ avaba ẹkụraa zị, dị ẹ yaa kà enube ọyịza, dị ẹ rẹ yaa mẹ aza ụkụ avaba aha nị.

Ịjọọnụ 9:31

Yâ yẹ ka Ohomorihi ọ mā sị ụtọ pe ịrẹyị ọnịvị. Ọza ana àa hẹkẹ Ohomorihi, dị ọ raa mẹ̀ ịsa oni Ohomorihi sì nị, ọnị Óhomorihiī sị ụtọọ pe nị.

Odeyi 10:38

Wa rẹ yẹ Ijeesu Anịnazarẹtị nịnị. Ohomorihi ộ sị Ụhwẹ Ọnịnị ọnịrị ụkata yọ ẹtẹẹtẹrẹ. Aa ngụ ọọ zị, dị aa mẹ ọyịza, dị ọ raa mẹ aza ene Echu aa sị ụyaa rị ụkụ nị, agụvị ka Ohomorihi ộ yà pe e.

Odeyi 19:18

Aza ọrụrụ-ọrụrụ ana sị dọ wụ́, ệ vẹ, dị ẹ va dọ irenu, dị ẹyaa sịị zụ̀ ịsa ẹnẹ ẹ vịdị mẹ nị.

Odeyi 8:24

Di Ịsayịmọnị kà a yị Ipita ọnịrị Ịjọọnụ dị ọ ka, “Aarịhịnị, mẹ̀ aduwa hi Ananyị yị yị mị, agụvị asị a nyị ene tù mi ịnị avaba ịsị ụ kà aanị!”

Aniroomi 3:10

Wáa yẹ ka áa vịdị chẹrẹẹ tụ́ ini Iwe Ohomorihi ka, “Ẹ yị nyị ọza ana aa mẹ̀ ịsa ana vọrọ, ẹ yị nyị ọza ịnya vụrụ-vụrụ.

Aniroomi 5:19

Ọza ịnya ọ mẹ akamawụ, dị ọ mẹ ka aza ọrụrụ-ọrụrụ ana vọ ẹ̀ vị ọnịvị nị. Avọọ gẹdẹ-gẹdẹ ọ́za ịnya ana wụ́ ịrẹyị chire Ohomorihi ọnị mẹ̀ rẹ mẹ ka Ohomorihi ọ̀ jị ịhị yị aza ọrụrụ-ọrụrụ nị.

Anikorasi 1:9

Agụvị avọọ, ị mẹ̀ hụrẹ wụ́ ọ, ị hụrẹ aa mẹ ịpọdaa yị Ohomorihi agụvị awụ nịnị nị. Yaa dá ịpẹ ka ọ̀ sị zụ̀ wụ nịnị gedebee ịsa oni o sì, dị Ụhwẹ Ọnịnị ọ̀ sị ịrẹyọyẹ yị wụ nịnị ịnị avaba ịsa.

1 Anịtẹsaronika 5:17

Waa mẹ̀ aduwa nịnị pooro.

1 Anịtẹsaronika 5:23

Ohomorihi anaā sịị ẹngwọọrọọ yị, ọ̀ mẹ ka ayị awụ nịnị ọ nị saka-saka. Ohomorihi ọ̀ navọ ivehu awụ nịnị ọnịrị ariro awụ nịnị ne beri ọchẹngụ awụ nịnị ẹ̀ vị ọnịnị; dị asị ụ nyị ohuvọ nịnị vụrụ-vụrụ ịnị ẹkụhị ọnị Ijeesu Ananyị yị vaa sị vaa vẹ.

1 Anịtẹsaronika 5:25

Ẹwụ nịnị ẹyịnyara amị, ẹwụ nịnị ọ̀ rẹẹ mẹ̀ aduwaa yị ẹyị.

Anihiburu 11:4

Ini oze ka Ẹba ộ sị ayị tụra Ohomorihi, ọnị ọ mẹ ka Ẹba ọ̀ mẹ̀ ịsọvọ ene huna Íkeeni nị. Ohomorihi ộ zaa ịrịka ka ọnịzẹyịza ọ vị nị, dị ọ dọ ẹyịza anị nị, agụvị ka ộ sị ayị tụra Ohomorihi. Ẹba ô wusu; ama agụvị ka ộ sị ayị tụra Ohomorihi, aa yịị kà ịrẹyịị yị pooro ve tù ajịnị.

Anihiburu 11:7

Inowa ộ sị ayị tụra Ohomorihi; agụvị avọọ ộ sị ụtọ pe Ohomorihi, ọ màa kà a ọnọ agụvị ịrẹyị ana aa vẹ. Inowa ọọ̀yị daka sị eyi re ịsa ẹnẹẹ, ama ộ wụ́ ịrẹyị chire Ohomorihi. Agụvị avọọ dị ọ mẹ ẹpa ọbanyị ọnya ana dọ ọnịrị aneehi anị há nị. Ini oze ọnọọ, ộ jị ịvị yị anẹhẹ. Ohomorihi ộ zaa ịrịka tụ́ ịnị ọnịzẹyịza, agụvị ka ọ́ọ sị ayị tụra Ohomorihi.

Anihiburu 12:13

Waa zị ụsẹ ini oze ana vọrọ nịnị! agụvị asị ahụ aza ene ee sika, ne sú saka-saka, àyị vị ka ahụ ẹnịnị ọ̀ vana ta!

Anihiburu 13:18

Waa mẹ̀ aduwaa yị nịnị! Yáa yẹ ka ayị ayị ẹ yị jị ịvị yị. Iī sì ka ya mẹ̀ ịsa ana vọrọ ịnị ịsa tụra ịsa.

Ijosuwa 10:12

Ịhị ọnọọ ọnị Ẹnẹyịmavara sị Anisirẹrị nyị ẹbẹẹba Anamọrị nịnị, Ijosuwa ọ̀ mẹ̀ aduwa eyi aza anị. Dị ọ ka Ẹnẹyịmavara ọ mẹ ka ọyị ọ jẹẹ ịrẹsụ ẹkụra Igibiyọnị dị ụhwẹ ọ jẹẹ ịnị osuusu Ayijaroni.

1Ipita 2:24

Ikirisiti ụvọta ộ sị ịrẹsụ dọ ụya ịvị ayị, a mẹ̀ kanyị ọ za ọchị apavahị, agụvị dị ya kụkụ sị mẹẹ oku avọọ dị asị kụkụ zụ mẹ ịvị, dị ya kụkụụ mẹ ịzẹyịza. Ini oze ụnava ana a tụ̀ ọ, ọ sị mẹ wụ nịnị ụkụ nị.

1 Ịjọọnụ 3:22

Ịsị yèe họ̀ use hụụnị ụvọ anị, ọ raa sịị yị, agụvị ka yaa saasa ọda anị; ị raa mẹ̀ ịsa ene zée eyi.

1 Ịsamụwẹrị 1:12

Ịhaana mẹ vavọọ tangwa aa mẹ̀ aduwa, di Eri ee re e nị.

1 Ịsamụwẹrị 12:17

Wáā yẹ ka ịnị ọhahị yị. Mị vaa mẹ̀ aduwa ka Ẹnẹyịmavara ọ̀ ha apaana ihinẹba, di ọ̀ zụ̀ orihi. Ọnọọ vaa mẹ ka wa yẹ nịnị ka ụ nyayịnẹ rị ịvị Ẹnẹyịmavara ụ̀ụ mẹẹ họ̀ ọ use ka ọ sị ohinọyị yị awụ nịnị.”

1 Ịsamụwẹrị 12:18

Ịzẹyịza dị Ịsamụwẹrị na owu na za Ẹnẹyịmavara, dị ọ mẹ ka apaana ihinẹba ọ̀ ha, di orihi zụ̀ ịnị ịhị ọnọọ gẹdẹ-gẹdẹ nị. Dị aza ẹnẹẹ kụkụ jẹẹ, dị angwa Ẹnẹyịmavara ọnịrị Ịsamụwẹrị kuku ee hí wa nị.