Ijemiisi 5:10 - IWE ỌNỊNỊ

¹⁰ Ẹwụ nịnị ẹyịnyara amị, wê re ọnịsẹ nịnị anaā kà ịrẹyị ịnị ịrẹha Ohomorihi; sị ẹngụ isuuru ẹnẹ nyị ịjị ẹyaa rị ụya zama a re!

Ijemiisi 5:10 ပူးပေါင်းရင်းမြစ်များ

2 Ịtọpa 36:16

Ama dị ẹnịnị yaa mẹ̀ ọnụtụ Ohomorihi ẹnẹẹ isiya, dị e eyi wụ́ ịrẹyị Ohomorihi, dị ẹ yaa nyị ọnịsẹ nịnị unyi nị. Ẹvabẹ-ẹvabẹ ẹnẹnị ọ kụ́ Ẹnẹyịmavara ayị hi wa dị ẹ yị nyị ọza ẹnịnị ana ha nị.

Ayịsaya 39:8

Dị Ihezekaya tụ́ Ayịsaya ohi ka ịrẹyị ọnị Ẹnẹyịmavara kà o zoza. Ama ọnị ô ro o, Áa vaa nyị ẹngwọọrọ ọnịrị ọyịtụreyi ịnị ụmẹ anị?

Ijeremaya 2:30

Ọ kà, ọnị ộ sị ụya rị ụ nịnị ama ọọhẹ kẹnẹ ọ vị nị, wẹ yị zẹ ka ọnị ọ vọrọ ụ nịnị zị oze wa sị ọnịsẹ awụ nịnị wụ̀ va ha anka idu anaa nyị ọyịkụ odivi avọọ.

Ijeremaya 23:22

Ọ kà ẹnịnị ẹ̀ẹ yaanị va wụ́ ịrẹyị anị, ịrẹyị anị ọnọọ ẹ yaanị aa kà yị aza anị nị: dị ẹẹ mẹ ka ẹnịnị ẹ̀ và hụrị oze odivi ẹnịnị nị. Aza anị yaanị sị và hụụnị ịsị odivi ẹnẹ ẹyaa mẹ.

Ijeremaya 26:16

Dị ẹnị ọdọvịdị nịnị ẹnịrị aza ana vọ va kà a yị ẹnị ohirẹsụ irehi Ohomorihi ẹnịrị ọnịsẹ nịnị ka, ẹ́ yị vọrọ ka à wụ̀ ọza ọnọnị o. Ka ịrẹyị Ẹnẹyịmavara Ohomorihii ẹnịnị ọ va ka yị ẹnị nị.

Iruuku 13:34

“Ijerusarẹmị! Ijerusarẹmị! Ụụ̄ wụ ọnịsẹ nịnị, di u reē ne ọza oni Ohomorihi ọ̀ọ tụ́ hi wu nịnị ịrẹta nị. Wáá yẹ, ụ́pẹ ịrịka yà oni mi sì ka ma sị avaka amị za wụ nịnị kú, anka ụ́ụhwẹ mẹ̀ẹ̄ sị avakaa za ezi anịị kú avọọ; ama dụ wẹ yị zẹẹ nịnị.

Iruuku 6:23

Waa jẹ nịnị, ịhị àa vavọọ mẹ wụ nịnị; di u we ji iriga, ụ wàa màa jẹ nịnị, agụvị ka Ohomorihi ọ raà sị ọgụ ọbanyị tẹ wụ nịnị tụ́ ẹbẹẹba. Avọọ gẹdẹ-gẹdẹ óhiku ẹnịnị mẹ̀ rẹ mẹ hi ọnịsẹ nịnị ịyẹẹyẹ nị.

Odeyi 3:21

 nyị ka Ijeesu ọ̀ yà ẹbẹẹba pooro dị ịsavị-ịsavị ẹ̀ vara ọwọọwa, anka Óhomorihi mẹ̀ vịdị kà a ini oze ọnịsẹ ọnịnị nịnị, a mẹ̀ hụrẹ mẹ ẹhẹ.

Odeyi 7:52

Áá nyị ọnịsẹ oni ohiku awụ nịnị ọ̀ yị sị ụya rị da? Ẹ raà wụ̀ aza ana vịdị va kà a tịtẹ ka Ọnịzẹyịza ọnọọ aa vẹ. Ọza ọnọọ u si chire aza ụvọ, dị ụ wụ̀ ọ nịnị nị.

Anihiburu 13:7

Tamayị ọdọvịdị awụ nịnị ana kà ịrẹyị Ohomorihi wụ nịnị! Zama ọdịrẹma ẹhẹ ẹnịnị re, dị ụ wa sị ayị tụra Ohomorihi anka ẹnịnị!

Ijemiisi 4:11

Ẹwụ nịnị ẹyịnyara amị, asị ụ rẹ kà ịrẹyị odivi ẹngụ nịnị! Ọza ana àa kà ịrẹyị odivi ọnọhụva anị, à vị ka dị ọ jị ịvị yọ, ọda Ohomorihi ọ́za ọnọọ aa kà ịrẹyị odivii hi, dị ọ raa jị ịvịị yị avọọ nị. Yẹ ka wàaa jị ịvịị yị ọda Ohomorihi, wẹ yị kụkụ mẹ̀ ịsa ọnị ọda kà, ụ kụkụ aa jị ịvịị yọ avọọ nị.

Ijemiisi 5:13

Àa nyị ọza anaa rị ụya ịnị ẹngụ awụ nịnị, ọza ọnọọ ọ̀ mẹ̀ aduwa hi Ohomorihi. Àa nyị ọza ọnị ịnẹ anị ee hine, ọza ọnọọ ọ̀ọ jị ahẹ ga Ohomorihi.

Ijemiisi 5:7

Ẹwụ nịnị ẹyịnyara amị, nyị isuuru nịnị pooro dị Ananyị yị ọ̀ vavẹ. Wê re ọgẹrẹva nịnị, ẹnịnị mẹẹ̄ nyị isuuruu jẹẹ pooro ka ịsa ozoza ịnị aarẹ ẹnịnị ẹ̀ mẹ, hụrị ụmẹ oni orihi ịpaapa ọ̀ọ sị zụ̀ ne tù ụmẹ oni orihi ọdịrẹma vaa sịị zụ̀, dị ẹ̀ vaa mẹ̀ ịsa ịnị aarẹ ẹnịnị.

Ijemiisi 5:9

Ẹwụ nịnị ẹyịnyara amị, asị ụ rẹ̀ kụ́ ẹngụụ ịrẹka zị nịnị! Re, ọmọkarẹyị ayị ọ sị gụrị eehi.