Ijemiisi 4:4 - IWE ỌNỊNỊ

⁴ Wâ navọ Ohomorihi tịtẹ nịnị anka ọsẹrẹka ana navọ ọva anị tịtẹ avọọ. Wáá yẹ nịnị ka ọza ene sì ịrẹyị ịsa ịnị ẹhẹ ọnọnị vị ọnịvị Ohomorihi? Ọza ọnịrị ẹhẹ ọ̀ọ sị ọta za, ọza ọnọọ ọ sị vara ọnịvị Ohomorihi.

Ijemiisi 4:4 ပူးပေါင်းရင်းမြစ်များ

Oyinyima 3:15

Ohomorihi ka ọnị vaa mẹ ka ẹwụ ọnịrị ọnẹẹ ọnọọ ọ̀ vị ọnịvị ẹngụ. Ọ kà Irima ezi anị ọnịrị irima ezi ẹwụ vị ana vaa vị ọnịvị ẹngụ. Ẹnị vị ana vaa chaka wụ ịrẹsụ, dị ẹwaa dà a ibezyahụ rị.

Ahẹ Ụgama 21:8

Ohomorihi, ụ vaa tana ụvọọ za ọnịvị awụ ụ vaa sị ụkata awụụ pa ịvaa yị wa.

Ahẹ Ụgama 50:18

Ohomorihi ka wèe re oyi nịnị dị ẹwụrị wa za ọta Wèe re re ọsẹrẹka, dị ẹwụrị wa aa mẹ uzee.

Ahẹ Ụgama 73:27

Aza ẹnẹ ẹ̀ yị gụrị ẹwụ vi ene vee vú ẹtẹ. Avaba aza ẹnẹ ẹ̀ yị sị ịnẹ zụ̀ wụ vị ọnị ụ vaa wụụ vaa ha.

Ayịsaya 57:3

Ẹwụ nịnị aza edivi, vẹ vị à mẹ̀ ọkarẹyị yị wụ nịnị. Wẹ yi dahi huna ọpọchị nịnị; wẹ yị dahi huna aza anaa hẹkẹ ori, ọnịrị aza ana navọ Ohomorihi tịtẹ naa hẹkẹ ịsa ọsa.

Ijeremaya 2:2

ọnị ọ̀ na kà a yị Anijerusarẹmị nịnị ka ọnị ộ tamayị ẹnịnị mẹmẹ kụ ẹngụ hi ịrẹyị anị ịyẹẹyẹ anka ọnẹẹ ana sẹsẹ va ọnọrụ avọọ, ọnị ộ tamayị, ẹnịnị mẹmẹ saasa ọnị ịnị ụnọmị ọnị ọza ẹ yị da aarẹ tụ da.

Ijeremaya 9:2

Ọ kà aayẹ ọnị ọ̀ nyị aha tụ ịnị ụnọmị ịzị anusoze nịnịị chí. Ọnị sị para aza anị hu dị ọnị ọọ nọ ịzọọ. Avaba ẹnịnị vị ọsẹrẹka. Ọkọnị anarịmamẹ ịzẹyịza ẹ vị nị.

Ezikẹẹrị 16:32

Vị́ ụ sị mẹẹ anka ọnyẹnẹẹ ana vọrọ ka ò sì ịrẹyị ọva anị ama dị ọ́ naa sẹ̀ ịrẹka ịdị ọza ẹnẹsa nị.

Ihoseya 3:1

Ihoseya kà Ẹnẹyịmavara kà ọnị ọ̀ varẹma ne sì ịrẹyị ose anị anaa sẹ̀ ịrẹka. Ọnị ọ̀ vavọọ sì ịrẹyị anị agụvị dị ọ sị zụ ọnị mẹmẹ sì ịrẹyị Anisirẹrị nịnị ana a dụ ori nịnị zị, dị ịsa ịsọvọ ori e hine wa.

Imatiwu 12:39

Ama Ijeesu ô tụ́ ohi, dị ọ ka, “Aza edivi ọnịrị ọsẹrẹka nịnị eē sì apọtẹrẹwa nị. Ẹ yị nyị apọtẹrẹwa ana vaa sị zụ̀ wa, ẹ̀ yị vị apọtẹrẹwa Ijona ana vị ọnịsẹ.

Imatiwu 16:4

Aza edivi ọnịrị ọsẹrẹka nịnị kẹnẹ eē sì apọtẹrẹwa nị. Ẹ yị nyị ụkọrọ apọtẹrẹwa anaa vaa sịị zụ̀ wa, ẹ̀ yị vị apọtẹrẹwa Ijona ana vị ọnịsẹ kẹnẹ.” Dị ọ hụụ ịda ẹnịnị, dị aa na nị.

Imatiwu 6:24

“Ẹ yị nyị ọza ịnya ana nyẹngụ aa hẹkẹ ọga ẹẹva; ọ vaa nyị ịhyẹrẹ ọnya, di o sì ịrẹyị ọsa; ẹ̀ yị vị avọọ, dị ọ sị ayị yị ọnya, dị aa sị eyii wụ ọsa. Wẹ yị nyẹngụ aa hẹkẹ Ohomorihi, dị ụ waa rẹẹ hẹkẹ ẹkẹhị nịnị.

Iruuku 19:27

Ama ọnịvị amị ẹnẹnị ana ka eni e yi sì ka ma vị ohinọyị ẹnịnị aanị, kụ́ wa vẹ ọ́vịdị amị ịzẹnị, dị ụ wa wụ̀ wa nịnị!’ ”

Ịjọọnụ 15:19

Àa vị áanẹhẹ ụ vị nịnị nị, anẹhẹ yaanị sì wu nịnị anka aza anị. Ama ẹwụ ẹ yị vị áanẹhẹ; ẹma sị ẹwụ nịnị nyị hụụnị ẹhẹ; agụvị avọọ ánẹhẹ aa nyị ịhyẹrẹ awụ nịnị nị.

Ịjọọnụ 17:14

Ma sị ịrẹyị awụ kà yị wa. Ama anẹhẹ aa nyị ịhyẹrẹ ẹnịnị, agụvị ka ẹ yị vị áanẹhẹ ẹ vị. Avọọ gẹdẹ-gẹdẹ ẹ́mị ẹ̀ yị mẹ̀ rẹ vị ẹ́ẹhẹ nị.

Ịjọọnụ 7:7

Anẹhẹ ẹ yị zụ nyị ịhyẹrẹ awụ nịnị, ama ẹyaa nyị ịhyẹrẹ ẹmị, agụvị ka mịị̄ kà a yị wa ka ẹ yaa mẹ̀ ịsa odivi.

Aniroomi 5:10

Ọnịvị Ohomorihi ị vịdị vị nị. Ama agụvị isu oni Ozi anị sú yị yị, Ohomorihi ọ raà sị yị vara ọta anị. Ị mẹ̀ sị vara ọta anị aanị, ẹ yị kụkụ nyị ka àa jị ọọ ịrẹka ka Ozi anị ọnọọ vaa dọ yịị há, agụvị ka ộ yàra.

Aniroomi 8:7

Ọza ana àa sị ayị tụ́ ịnị ịsa ọnị ọchẹngụ anị òo sị kẹnẹ, ọnịvị Ohomorihi aa vị nị. Iruvo ọ vị ka ọ yị vaa mẹ̀ ịsa oni Ohomorihi ọ̀ọ mẹ ọda anịị yọ; ọ yị hyakụ aa zụụ mẹẹ bẹẹ.

1 Anịkọrịntị 1:20

Ịjọnọọ yọ, ịzị ọyẹrẹyị ọnịrị ọzwọzọda nịnị kuku hi? Aza ana rẹẹ̄ nyị ahankata ịnị ẹhẹ ọnọnị, ịzị eni re hi? Ohomorihi ọ raà sị zụ̀ ka ịrẹyọyẹ ẹhẹ ọnọnị vị ụra kẹnẹ-kẹnẹ.

1 Anịkọrịntị 1:21

Ịnị ịrẹyọyẹ Ohomorihi, ọyị zẹẹ ka aza ẹ̀ sị ịrẹyọyẹ ẹngụ ẹnịnị yẹ ọnị. Ama Ohomorihi ọ́ọ vavọọ sì ọọ ka enube ọyịza ọnị yaa kà, ana aza ẹnyị ro ka ụra ọ vị nị, ka aza ana àa dọ ọ wụ́ ọnị ọ̀ dọ wa há.

Anigaratiya 1:10

U wéé yi ro ka m maa dụ ka ọza ọ̀ọ ga mị nị, à vị Ohomorihi mi sì ka ọ̀ọ ga mị nị? Eyi ọza m maa mẹ̀ nị? Mèe yii sì ka ma mẹ eyi ọza, mẹ yị zụ vị ozi ahụ Ijeesu Ikirisiti.

Ijemiisi 1:27

Ahẹkẹ obooro ana gụ ini eyi Ohomorihi Ada ayị yị: Mẹ ọgụvọ yị ozi oku nịnị ọnịrị osoku nịnị, ẹ̀ẹ yaa rị ụya; asị ụ rẹ zẹẹ ka ịsa edivi ene hi ịnị ẹhẹ ọnọnị è du wu ha.