Ijemiisi 4:12 - IWE ỌNỊNỊ

¹² Ohomorihi ọnịnya kẹnẹ ọọ̄ mẹ̀ ọdaa yị ọza, ọnị ọọ̄ rẹẹ mẹ̀ ọkarẹyị nị. Ọnị ọ zụ dọ ọza há nị, ọnị ọ rẹ zụ wụ̀ ọza nị. Ẹnẹ vị ẹwụ ana aa jị ịvị yị ọnọhụva awụ?

Ijemiisi 4:12 ပူးပေါင်းရင်းမြစ်များ

Ijoovu 38:2

Ọ kà sị ẹ vị dị Ijoovu aa nyị ahankata kẹnẹ-kẹnẹ tị ịnị ịsị ọnị ọ yị yẹ.

Ayịsaya 33:22

Avaba ẹnya ana aā kụ́ụ hi ini ẹpa ẹnẹẹ vị ana vaa vi osusu. Ọchị ọgọdọ ana a mẹ jẹẹ ịnị ẹpa vị ana vaa ma. Ọza ọ yị rẹ vaa gana ịta ana a sịị dọ ahị. Ogu ọnịvị ayị vị ọnị ị vaa kụ́. Ogu vaa gwẹtẹ, di oswahụ nịnị ẹnị re re kụ́ bẹẹ. Ọ vavọọ vaa yà agụvị ka Ẹnẹyịmavara ọnị ụvọta ọ vaa vị ohinọyị ayị, dị aa mẹ ịjọvaa tụra yị nị. Ọnị aa sị ọdaa yị nị ọnị ọ rẹ vaa dọ yịị há nị.

Imatiwu 10:28

Asị u hí angwa aza anaā wụ ọchẹngụ ọza kẹnẹ, ama dị ọ̀ yị zụ wụ ụhwẹ anị. Ama wee hí angwa ọza ana ahịka o zụ du ọchẹngụ ọnịrị ụhwẹ ọza ha ini ẹkụra!

Iruuku 12:5

Maa kà a wụ nịnị ọza ana a vọrọ ka wee hí angwa anị nịnị: Wee hí angwa Ohomorihi, ana ahịka ọ̀ọ sị ọza wụ̀, dị ọ rẹ nyị ụkata ọyị sị ọọ ne ngụ ẹkụra. Mị ka wee hí angwa anị nịnị!

Aniroomi 14:13

Asị ị rẹ̀ kụkụ jị ịvị yị ẹngụ! Ịsị a vọrọ ka ya kụkụụ ro ịrẹyị anị, yị: Asị ị mẹ̀ ịsa ọnyọọnyị ana vaa mẹ ka ẹnẹbẹnị ayị ọ̀ hyẹdụ, àa vị ka ọ̀ mẹ ịvị!

Aniroomi 14:4

Ẹnẹ vị ẹwụ ana aa naa jị ịvị yị ozi ahụ ọza ẹnẹsa? Ọ̀ọ mẹ ẹtẹẹrẹ, ọ̀ọ mẹ divi, ọga anị ọ vaa kà a nị. Ọ hyakụ vaa mẹ ẹtẹẹrẹ, agụvị ka Ohomorihi ọ vaa mẹẹ ka ọ̀ mẹ ẹtẹẹrẹ nị.

Aniroomi 2:1

Ẹwụ nịnị ana aa mẹ̀ ọkarẹyị yị aza, ọza tụra ọza ọnị ụ wàa vị; ẹ yị kụkụ nyị ịsị u zụ re kụ́ nịnị. Ụ màa mẹ̀ ọkarẹyị yị ọza, wẹ yị yẹ ka ẹngụ awụ ụ waa mẹ̀ ọkarẹyị yị avọọ nịị! Agụvị ka ịsa ọnyọọnya ẹwụ rị ọọ aa mẹ nị.

Aniroomi 9:20

Ẹ yị vị avọọ ọ mẹ̀ vị, oo. Ẹwụ ọzarẹyịrẹsụ kẹnẹ, ẹnẹ vị ẹwụ ana aa và Ohomorihi ị̀karenu? Ụnọkọ ọ yị zụ kà a yị ọza ana jị ọọ ka, “Ho, sị ẹ vẹ dị ụ maanị jị mị?”

Anihiburu 7:25

Ọza ana àa zị oze ịnị ụvọ anị vẹ ịdị Ohomorihi, ọ zụ dọ wa há ịnị ụmẹ tụra ụmẹ, agụvị ka ọ́ọ yàra pooro zịna-zịna ka ọnị ọ̀ọ da ịpẹẹ yị Ohomorihi agụvị ẹnịnị.

Ijemiisi 5:9

Ẹwụ nịnị ẹyịnyara amị, asị ụ rẹ̀ kụ́ ẹngụụ ịrẹka zị nịnị! Re, ọmọkarẹyị ayị ọ sị gụrị eehi.

1 Ịsamụwẹrị 25:10

Di Ịnabarị tụ́ ezida Idevidi ohi dị ọ ka, “Ẹnẹ ẹ vị Idevidi kẹ? Ẹ̀nị aā hị́ ozi Ijeese? Ezida vị ana kụkụ ee zwee huu ịda ọga ẹnịnị ịnị ụmẹ ọnọnị.