Ijemiisi 4:1 - IWE ỌNỊNỊ

¹ Sị ẹẹ̄ kụ́ ịrẹkụụ vẹ, sị ẹẹ̄ mẹ ka waa zyaazị nịnị? Iruvo ịrazị awụ nịnị ọ vị ka ayị awụ nịnị ọ yị nẹtẹ agụvị oyisì odivi ẹngụ awụ nịnị.

Ijemiisi 4:1 ပူးပေါင်းရင်းမြစ်များ

Ijeremaya 17:9

Ẹnẹyịmavara kà, ẹnẹ zụ yẹ́ ayị ọza kẹ? Ẹ́ yị nyị ịsị ee vene ọza anka ayị ọza; oo divi ẹtẹẹtẹrẹ ana ahịka ọza ẹ yị zụ tenyi ọ.

Imatiwu 15:19

agụvị ka ịnị ayị ọza áriro odiviī hụrẹẹ vẹ nị, anaā mẹ ka ọ̀ọ wụ̀ ọza, dị ọ̀ọ sẹ̀ ịrẹka, di òo yi oyi, di ò ree dọ ivenu ireche, di ò ree du ọza ịrẹsụ.

Ịjọọnụ 8:44

Ezi ada awụ nịnị ụ vị nịnị nị; ada awụ nịnị ọnọọ ọ vị Echu nị. Ịsa ana ada awụ nịnịị̄ sì kẹnẹ, ụ waa mẹ nịnị nị. Ọwọza ọ vị hụrẹ ụmọrụmọ nị. Ọ mā rẹ saasa ịzẹyịza, agụvị ka ẹ yị nyị ịzẹyịza ikonya ịnịnẹ anị. Èe cheeche, ebira anị aa mẹ avọọ nị, agụvị ka onireche ọ vị nị. Ọnị nyẹmba ọ vị ada ireche nị.

Aniroomi 7:23

ama mee re ka â nyị ịsa ọsa ana aa mẹ̀ ụkọrọ ịnị ẹngụ amị. Ịsa ọnọọ vị ana và eyi ịrazị kà ọda ana ayị amị hine tụ́. Ịsa ọnọnị ọ sị mị vara ọrịhị ọda anaā sịị ọzaa mẹ ịvị ana yà ịnị ẹngụ amị.

Aniroomi 7:5

Ị mẹ̀ vịdị aa mẹ̀ ebira anka aza kẹnẹ mẹẹ̄ mẹ, yaa sị avaba ẹngụ ayịị mẹ̀ ịsa odivi ọnị ọchẹngụ ayịị̄ sì. Ọda ộ mẹ̀ ka ya hyakụụ mẹẹ hu avọọ. Isu ọ vị ọdịrẹma avaba ịsị ị vịdị vavọọ mẹ nị.

Aniroomi 8:7

Ọza ana àa sị ayị tụ́ ịnị ịsa ọnị ọchẹngụ anị òo sị kẹnẹ, ọnịvị Ohomorihi aa vị nị. Iruvo ọ vị ka ọ yị vaa mẹ̀ ịsa oni Ohomorihi ọ̀ọ mẹ ọda anịị yọ; ọ yị hyakụ aa zụụ mẹẹ bẹẹ.

Anigaratiya 5:17

Agụvị ka ịsa ọnị ọchẹngụ ọza sì, Ụhwẹ Ọnịnị oyi sì ọọ, ịsa ọnị Ụhwẹ Ọnịnị oni re sì, ọchẹngụ ọza oyi sì ọọ. Ịsa ẹẹva ẹnẹnị vị ana và eyi ịrazị kà ẹngụ; ọnị ọ vị ka ayị vị isu wèe sì nịnị kẹnẹ, ụ zụ mẹ nịnị.

Anikorasi 3:5

Agụvị avọọ asị ụ sị oze yị ịsa edivi ẹhẹ ọnọnị ọnị ụụ̄ vịdịị mẹ nịnị. Asị ụ rẹ̀ rẹ sẹ̀ ịrẹka, asị ụ rẹ̀ mẹ ụ̀nọ̀ nịnị; asị ụ rẹ̀ mẹ̀ ebira ịdọtị nịnị, asị ụ mẹ̀ ịsa edivi irenyi-irenyi ọnị ọchẹngụ awụ nịnịị̄ sì, dị ụ wa rẹ hụụnị eyọhụrẹ nịnị. Eyọhụrẹ vị ene re divi anka ori ọyịhẹkẹ avọọ.

2 Itimoti 2:23

Asị ụ rẹ nyị ụvọ tụ́ ịnị ahankata ụra, agụvị ka wâ yẹ ka ịrazị ẹẹ̄ kụ́ụ vẹ nị.

Ịtayịtọsị 3:3

Yáa yẹ ka ẹyị nyẹmba vịdị vị ọnụra, dị ị rẹ vị anakamawụ, di e reè vene yi nị. Dị yaa hẹkẹ ịsa edivi ọnị ọchẹngụ ayịị̄ sì, dị ị rẹ dụ ọda ụbanyị ẹhẹ ọnọnị ọyịmẹ̀ nị. Ịị̄ vịdịị mẹ̀ ebira edivi, dị yaa mẹ eyọhụrẹ, dị yaa kụ́ ayị aza, dị ị hyakụ aa kụ́ ayị ẹngụ bẹẹ nị.

Ịtayịtọsị 3:9

Sị ụvọ hụụnị ahankata ụra ọ̀yị nyị. Rẹ hụụnị ịrẹha ohiku ọ̀yị tara hi ẹtẹ, ọnịrị ịrazị beri egidi agụvị ịrẹyị ọda Aniju nị! Ẹ́ yị nyị ọgụ, ịrẹyị kẹnẹ-kẹnẹ ẹ vị nị.

Ijemiisi 1:14

Ariro odivi aza oō vene wa ka ẹ̀ na mẹ̀ ịsa odivi nị.

Ijemiisi 4:3

Wàa hyakụ da ịpẹ, ọ yị sị, agụvị ka wẹ yị da ịpẹ a mẹ̀ vọrọ nịnị; agụvị ka ịsa ene zé ẹwụ ịnyara eyi nịnị kẹnẹ u wee sì nịnị nị.

1Ipita 1:14

Waa wụ́ ịrẹyị chire Ohomorihi nịnị, asị ụ kụkụ sị ẹngụ yị ịsa edivi ọnị ụ vịdịị mẹ nịnị, ịjị ụ wẹ̀ yị yẹ Ijeesu Ikirisiti nịnị.

1Ipita 2:11

Ẹwụ nịnị ọnị mi sì, wâ yẹ nịnị ka ọzọga ụ vị hi ịnị ẹhẹ nịnị nị. Agụvị avọọ, maa dá ịpẹẹ wụ nịnị: Và hụụnị ịsa edivi ọnị ọchẹngụ awụ nịnị sì. Ịsa ẹnẹẹ vị ana và eyi ịrazị kà ayị awụ nịnị.

2Ipita 2:18

Ẹnịnị vị anaā sịị ẹngụụ tụ́ ẹba, dị ẹyaa kà ịrẹyị ụra kẹnẹ, dị ẹ rẹ yaa sị oyisì odivi ọchẹngụ ẹnịnịị vene aza, ana ahịka oò yi kù ẹnẹ ẹ tụ̀ hụụnị ụvọ aza ene si nyeeyi hụrị oze Ohomorihi.

2Ipita 3:3

Ịsị mee sì ka wa yẹ hu nịnị yị: Ịnị ụmẹ ọdịrẹma, aza vaa kwẹẹtẹ, ana ahịka ịsa edivi ọchẹngụ ẹnịnị kẹnẹ ẹyaa mẹ nị. Dị ẹyaa mẹ wụ nịnị isiya,