Ijemiisi 3:9 - IWE ỌNỊNỊ

⁹ Ịrarẹ ị sịị̄ ga Ohomorihi Ananyị yị ana vị Ada ayị nị. Ọnị ị rẹ sịị̄ tụ́ ozirenuu hi aza ọnị Ohomorihi mẹ véné ẹngụ anị nị.

Ijemiisi 3:9 ပူးပေါင်းရင်းမြစ်များ

Oyinyima 5:1

Ọsọnị ọ vị ịtọpa ezi Adamị nị. Ịjị Ohomorihi mẹ aza, ọ mẹ wa vene ẹngụ anị nị.

Oyinyima 9:6

Ọ rẹ ka Inowa ọ yẹ ka ọnị Ohomorihi vị ana mẹ ọza vene ẹngụ anị. Agụvị avọọ ọza ọ̀ọ wụ̀ ọza, vị a raa wụ ọnị ẹkẹhị anị nị.

2 Ịsamụwẹrị 16:5

Ẹkụhị ọnya Idevidi ohinọyị aa va naa ngụ ẹkụra ana aā hí Ibahurimi, dị a nyị ọnọrụ ọnya ịzọọ ana jịnẹ vẹ nị. Ịpa ịrẹsụ Ịsọọrụ ọnọrụ ọnọọ vị nị. Ịrẹha anị ọ rị Isimeyi nị. Ozi ọza ana aā hị́ Igera ọ vị nị. Ọ́ mẹ̀ jịnẹ aa vẹ, dị aa kụ̀ Idevidi ụhụ nị.

2 Ịsamụwẹrị 19:21

Di Abisayi ozi Izeruya tụ́ ohi dị ọ ka, “Isimeyi vị ana vọrọ ka ò sú agụvị ka ọ raà si eyi oweyi re ọza ẹnị Ẹnẹyịmavara nyị ka ọ̀ vị ohinọyị.”

1 Ịtọpa 29:10

Ohinọyị Idevidi ộ yà ọvịdị avaba ịragụ ana gụ, dị ọ sị ụga yị Ẹnẹyịmavara nị. Ọ kà, Ẹnẹyịmavara, Ohomorihi Ijekọvụ ohiku ayị, ẹwụ á vaa sị ụgaa yị pooro zịna-zịna nị.

1 Ịtọpa 29:20

Dị Idevidi kà a yị aza ẹnẹẹ ka; We gono Ẹnẹyịmavara, Ohomorihi awụ nịnị. Dị avaba ịragụ ana gụ ee gono Ẹnẹyịmavara, Ohomorihi ohiku ẹnịnị nị. Ẹnịnị ệ và ku ẹtẹ yị Ẹnẹyịmavara, dị ẹ́ rẹ và ku ẹtẹ yị ohinọyị Idevidi nị.

Ahẹ Ụgama 10:7

Irenu ẹnịnị ọ mā kà ọyịza paa Ẹnịnị vi ene eē cheeche, dị ẹ yaa mẹ ehunaa yị aza.

Ahẹ Ụgama 108:1

Ohomorihi ayị amị vị ana maanị jẹẹ geri-geri. Avaba ụkata amị mi ve sii hú ịsa dị maa jị ahẹ kụ́ wụ avọ nị.

Ahẹ Ụgama 145:1

Ohomorihi amị ana vị ohinọyị, mị vaa sị ụbanyịị wụ. Mị vaa kụ́ wụ avọ pooro zịna-zịna nị.

Ahẹ Ụgama 145:21

Mị vaa kụ́ Ẹnẹyịmavara avọ pooro nị. Ẹwụ nịnị avaba ịsa ọnị ọ tụ́, waa kụ́ ọ avọ nịnị pooro zịna-zịna.

Ahẹ Ụgama 16:9

Ọnọọ ộ mẹ̀ ka ịnẹ amị òo hine, dị maa jẹ ịrajẹ nị. Ma sị yẹ ka ẹ yị nyị ịsị ẹ zụ mẹ mị

Ahẹ Ụgama 30:12

dị ma kụkụụ sị avaba ayị amịị jị ahẹ ga wụ pooro-pooro Ẹnẹyịmavara ana vị Ohomorihi amị, ẹwụ mị vaa kụ́ avọ pooro nị.

Ahẹ Ụgama 34:1

Ẹnẹyịmavara vị ọnị mị vaa kụ́ avọọ pooro kẹnẹ Avọọ m mẹ̀ vaa kụ́ ọ pooro nị irenu amị ọ yị vaa tịtẹ.

Ahẹ Ụgama 35:28

Ohomorihi, mị vaa kà a pooro nị ka ịzẹyịza ụụ̄ mẹ nị dị mị raa kụ́ wụ avọ pooro.

Ahẹ Ụgama 51:14

Ohomorihi ana dọ mị tụ́, navọ wa vagu mị agụvị ọza ọnị mị wụ Wàa raà vagu mị, mị vaa jị ahẹ kụ́ wụ ka ọnịzẹyịza ụ vị nị.

Ahẹ Ụgama 57:8

Ẹnẹnẹ viri-viri vị ọnị maa kwẹẹtẹ Maa kwẹẹtẹ dị ma sị agidibò amị.

Ahẹ Ụgama 59:12

Ebira odivi kẹnẹ ẹẹ̄ kà pooro nị Navọ oto ene e yee woo zị ọ̀ vara ịrẹpa za wa Ireche ọnịrị ịrẹyị odivi ẹẹ̄ kà nị.

Ahẹ Ụgama 62:4

Wee sii sì ka wa gụ ọ hyẹdụ nịnị dị ụhị ọ̀ nyị ọ Ụụ̄ sì ka weē cheeche nịnị Waa mẹ apẹẹ mẹ̀ aduwa nịnị ama ịnị ayị awụ nịnị dị waa tụ́ ozirenu hi ọza ọnọọ.

Ahẹ Ụgama 63:4

Avọọ mị vaa tana ụvọ amịị tụ́ ẹba dị maa hị́ wụ mị vaa sị ụbanyịị wụ, dị mị raa kụ́ wụ avọ pooro ịnị ẹhẹ amị.

Ahẹ Ụgama 71:24

Eyinị-eyinị mi va sị kà ịrẹyị ịsa ẹbanyị ọnị ụ mẹ nị, agụvị ka ọza ana ka ẹnị aa mẹ mị ịrẹyị wa raà mẹ ụhị́ nyị wa. Ẹnịnị ẹ yị kụkụ re aha sị eyi tụ́.

Ịrẹyị Ọzwọzịsa 7:22

Ẹwụ ụvọta ọọ yẹ ụpẹ ya ẹwụ rẹ kụ ọza ụhụ da.

Ayịsaya 29:13

Agụvị avọọ Ẹnẹyịmavara kà, “Aza ẹnẹnị vị ana aa kú irenu kẹnẹ ka ẹnị vị amị. Irenu kẹnẹ ẹ yaa sịị sị ụbanyị mị nị ama ayị ẹnịnị ọ yị gụrị mị vụrụ-vụrụ. Ọda ana aza kẹnẹ mẹ̀ ẹ sị ụvọ za, dị ẹ ka vị ẹnị aa hẹkẹ mị nị.

Imatiwu 26:74

Dị Ipita kwẹẹtẹ, di ee chìi hi ẹngụ anị, dị aa hyeku nị, dị ọ ka, “Mẹ yị yẹ ọza ọnọọ!” Kẹnẹ, dị ụkọkọrọ nowu nị.

Imatiwu 5:44

Ama ẹma kà a yị wụ nịnị nị ka, sì ịrẹyị ọnịvị awụ nịnị, waa mẹ̀ aduwaa yị aza ene ee chìi hi wu nịnị, waa mẹ ọyịzaa yị aza anaā kụ́ ayị awụ nịnị! Dị ụ wa rẹẹ mẹ̀ aduwaa yị aza ana aa mẹ wụ nịnị kẹnẹ-kẹnẹ, ọnịrị aza ana aa sị ụyaa rị wụ nịnị!

Odeyi 2:26

Agụvị avọọ ayị amị ee hine, maa kà ịrẹyị ịrajẹ. Mâ sị ayị tụra a, agụvị ka mâ yẹ ka

Aniroomi 3:14

Ozirenu odivi-odivi ẹẹ̄ sị irenu ẹnịnịị tụ́ụ hi ọza nị.

1 Anịkọrịntị 11:7

Ama ayị vọrọ ka ọnọrụ ọ̀ sị ịsa kú ịrẹsụ anị, agụvị ka ọnọrụ vị ene véné Ohomorihi, dị ọ raa sịị zụ̀, Óhomorihi mẹmẹ nyị ụbanyị. Ama ọnẹẹ ọnị vị ana aa sịị zụ̀, ọ́va anị mẹmẹ nyị ụbanyị.

Anẹhwẹsọsị 1:3

À vẹ ya sị ụga yị Ohomorihi Ijeesu Ikirisiti Ananyị yị, ọnị ọ rẹ vị Ada anị nị. Ohomorihi ọ raà mẹ̀ ịsa ọyịza yị ẹyị ẹnẹ ẹyịrị Ijeesu sị vị ọnya. Ohomorihi ọ raà sị avaba ịsa ozoza anị ana yà ẹbẹẹba ịdị anịị yị.

Ijemiisi 1:27

Ahẹkẹ obooro ana gụ ini eyi Ohomorihi Ada ayị yị: Mẹ ọgụvọ yị ozi oku nịnị ọnịrị osoku nịnị, ẹ̀ẹ yaa rị ụya; asị ụ rẹ zẹẹ ka ịsa edivi ene hi ịnị ẹhẹ ọnọnị è du wu ha.

Ijemiisi 3:10

Irenu ana aa sị ga Ohomorihi, ọnị a rẹẹ̄ sị tụ́ ozirenuu hi ọza nị. Ẹwụ nịnị ẹyịnyara amị, áá vọrọ ka ọ̀ vavọọ yà?

1Ipita 1:3

À vẹ ya sị ụga yị Ohomorihi ana vị Ada Ijeesu Ikirisiti Ananyị yị! Ohomorihi ộ vayị ayị ẹtẹẹtẹrẹ, di o tenyi yị ma nị. Agụvị avọọ yáa nyị ọyịtureyi ka ị vaa yara ịdị anị pooro zịna-zịna, agụvị ka Ijeesu Ikirisiti ộ ha kwẹẹtẹ hụụnị isu.

Ọdọvịdị 9:27

Ịjị ụmẹ ịsa ọyịna ịvayịnị si tu, dị Anisekumi ọzọza tọ̀ igirepi, dị ẹ mẹ eche, dị ẹ rị eche nị. Ẹnịnị ệ nọ ịnị irehi ori ẹnịnị ịzị ẹ ya rị ịsa, di e hu eche, dị ẹ ya ịzọọ aa kụ Abimẹrẹkị ụhụ nị.