Ijemiisi 3:6 - IWE ỌNỊNỊ

⁶ Ịrarẹ vị ana sị mẹẹ anka ịra avọọ. Avaba ịsa edivi ene hi ịnị ẹhẹ ọnọnị hi ịnị ịrarẹ ọza, dị ẹ na ngụ ịnị ẹngụ ọza, dị e du ọ. Ọ nyẹngụ jị ịra tụ́ ịnị avaba ẹhẹ ọza saka-saka. Ini eku ịra gẹdẹ-gẹdẹ ụ́kata ịra ọnọọ yà nị.

Ijemiisi 3:6 ပူးပေါင်းရင်းမြစ်များ

2 Ịsamụwẹrị 16:20

Di Abịsarọmị họ̀ Ahitohwẹrị ka ịsị a vọrọ ka ọnị ọ kụkụ mẹ?

2 Ịsamụwẹrị 19:43

Di Anisirẹrị tụ́ Anijuda ohi dị ẹ ka, “Ya zụ kà a tù oze ẹẹwụ ẹnị ẹyịrị Idevidi ohinọyị zị gụrị ẹngụ huna wụ nịnị. Sị ẹ vẹ dị wụ maanị sị eyi wụ yị nịnị? Wáá yẹ ka ẹyị a va na vịdị kà a ka à na sị ohinọyị vavẹ eehi nị?” Dị ahịka Anijuda nịnị ẹ yaa kà geri-geri huna Anisirẹrị nịnị nị.

2 Ịtọpa 13:17

Abija ọnịrị isoja anị vị ana nyayịnẹ pa ịva yị isoja Anisirẹrị ẹtẹẹtẹrẹ. Achẹva Imiriyọnị ọka isoja ẹnịnị vị ẹnị wụ̀ va ha.

Ahẹ Ụgama 140:3

Ịrẹyị irenu ẹnịnị ọ zụ wụ̀ ọza anka ẹ́wụ́ odivi avọọ. Vị ịrẹyị ẹnẹ ẹẹ̄ kà sị mẹẹ ẹchịpa ẹwụ odivi avọọ ịnị ẹngụ ọza nị.

Ahẹ Ụgama 64:3

Aza ẹnẹẹ ệ nyị ịrarẹ ẹnẹmẹhị ịrẹyị ẹnẹ ẹ̀ẹ ka vị ana sị mẹẹ anka ọpa anaā wụ̀ ọza avọọ.

Ụhịrẹyị 15:1

Ụmẹnẹ ọyị sị tụ́ ohi ịrẹyị vị ene hunẹnẹ ọza ayị ama ọjanagụ ọyị kà vanaā kụ ọyịkụ kwẹẹtẹ.

Ụhịrẹyị 16:27

Aza ọhịmị vị eneē si oze oyi du ọza; ịrẹyị irenu ẹnịnị rị ọza anka ịra avọọ nị.

Ụhịrẹyị 6:19

Dị ọ rẹ nyị ịhyẹrẹ ọza anaā dọ ivenu ireche, dị ọ tụ́ ịrẹyị tụ ịnị akakana ẹyịnyara.

Ụhịrẹyị 7:5

Ịrẹyị ọnọọ o vee sere wụ hụụnị ụvọ ịbẹhị ene e vene ọza.

Ayịsaya 30:27

Aza ene hi aha ẹnẹẹnẹ ê re ụkata ọnịrị ụbanyị Ẹnẹyịmavara. Ayị anị vị ana aa dá ọva hụrụ-hụrụ. Vi ọ sị mẹẹ ịra ana aa dà areyi tútútú avọ nị. Wèe re irenu anị kẹnẹ, wâ yẹ ka ayị aa kụ́ ọ. Ịrẹyị ọnị ọ hyakụ aa kà vị ịrịịra.

Ayịsaya 50:11

Avaba aza ana mẹ eto odivi ka ẹnị ẹ wụ̀ ọnọhụva ẹnịnị vị ọnị eto odivi ẹnịnị vaa rị ịrẹsụ. Ẹnẹyịmavara va mẹ ka odivi ọnị ọza o si yị ọnọhụva anị ọ vị aanị.

Ijeremaya 20:10

Ijeremaya ka ọnị aa wụ́ aza maa kà a chire ẹngụ ụtọ ka: Avaba aha vị ayịhụrịnẹ-ayịhụrịnẹ! avọọ, à jẹẹ ẹnị ẹ̀ sị ịrẹyị anị na tụ ọdọvịdị nịnị ịrẹka. Ọta anị nịnị bẹẹ vị enee zí ka ọnị ọ̀ sẹ ẹdụ. Ẹ ka, ẹyịyara, e vee zuu vene ọnị, dị ẹnị ẹ̀ zá ọnị. Ẹnị ẹ̀ẹ zá ọnị, dị ẹnị họ̀ oponu ịrẹyị ẹngụ ẹnịnị.

Ijeremaya 28:16

Avọọ, Ẹnẹyịmavara kà ọnị vaa sị ụ hụrị ẹhẹ. Wee sú dị ịrayị ọnọnị ọ̀ gẹ, agụvị ka wàa sị ịrẹyị irenu awụụ kụ̀ụ hịrẹ Ẹnẹyịmavara.

Ireevi 24:11

Ọnọrụ ọnị ọnyị anị vị Anisirẹrị aanị ộ kà chire ịrẹha Ẹnẹyịmavara, dị ọ́ kụ̀ ọ ụhụ ẹ́ mẹ vavọọ aa zyaazị nị. Dị ẹnịnị za a ve tu Imosiisi nị. Ịrẹha ọnyị anị ọ rị Iseromiti nị, ozi ọnọrụ ọnya ana aā hị́ Idibiri ana vị Anịdanị ọnyị anị ọnọnị vị nị.

Ịrịka 25:2

Dị anẹẹ ẹnẹnị hị́ anọrụ ẹnẹẹ vẹ ịnị eche ọnị ẹẹ̄ mẹ̀ ịsọvọ yị ori ẹnịnị nị. Dị anọrụ Anisirẹrị ẹnẹẹ ne beri wa rị ịsa, dị ẹ hẹkẹ ori ẹnịnị nị.

Ịrịka 31:16

Ẹnịnị Ịbaraamị tụ́ ịrẹyị ka e vene Anisirẹrị nịnị na hẹkẹ ori ịzị aā hị́ Ịpẹyọ nị. Akamawụ ọnọọ ẹ̀ mẹ̀ hí Ẹnẹyịmavara ana vị isu aza ọrụrụ-ọrụrụ ẹnịnị nị.

Imatiwu 12:24

Ịjị Anihwarisi nịnị sị wụ́, dị ẹ ka, “Ụkata Ịbẹẹrịzẹbụ, ọga ụhwẹ echu nịnị ọ́nọrụ ọnọnị aa sịị dụ ụhwẹ echuu jịnẹ nị.”

Imatiwu 5:22

Ama ẹ ma kà a yị wụ nịnị nị ka ọza ọ̀ọ kụ́ ayị hi ọnọhụva anị, vị aa mẹ̀ ọkarẹyị yọ nị. Ọza ana àa rẹ kụ̀ ọnọhụva anị ụhụ, a vaa hị́ ọọ ịrẹka; ama ọza ana àa tụ́ ozirenu hi ọza, ọ nyayịnẹ nọ ini ẹkụra.

Ịmaakị 7:15

Ẹ yị nyị ịsị ẹ hụrẹ ẹhẹ na ngụ ịnị ịnẹ ọza, ene zụ du ọza ẹngụ. Ama ịsa ana jịnẹ hụụnị ịnẹ ọza vẹ, oni oō du ọza ẹngụ nị.

Iruuku 16:24

Ọnyẹkẹhị ọnọọ ô nowu tụ́ ẹba, dị ọ ka: ‘Abụrahamị ada ayị, aarịhịnị vayị amị, dị ụ wa tụ́ Ịrasarụsị ka ọ̀ jị ịrẹsụ igege anị ngụ enyi, dị ọ̀ va tọ ọ tụ́ mị ịrarẹ, di ò hunẹnẹ; ka ịra ọnọnị aa sị ụyaa rị mị ẹtẹẹtẹrẹ.’

Odeyi 20:30

Ụmẹ aa vẹ, dị aza kwẹẹtẹ hụụnị ẹngụ awụ nịnị, di eyee cheeche, ka ẹnị ẹ̀ kụ́ ezirẹma nịnị nyeeyi saasa ẹngụ ẹnịnị.

Odeyi 5:3

Dị Ipita ka, “Ananịya! Sị ẹ vẹ dị ụ zẹẹ ka Echu ọ̀ dọ ayị awụ, dị ọ mẹ ka we cheeche yị Ụhwẹ Ọnịnị, dị ụ dà tẹ ịnị ẹkẹhị ọnị ụ dọ, ụ mẹ̀ ná ẹtẹ awụ?

Odeyi 6:13

Dị ẹ hị́ onivenu ireche vẹ, ana kà a ka, “Ọnọrụ ọnọnị vị ana aa mẹ akanya ịrẹyị odivi ọyịkà a hi irehi Ohomorihi, dị ọ raa kà ịrẹyị odivii hi ọda oni Imosiisi mẹ nị.

Iwe Ọhụhị Imosiisi ana aa hị́ Ọyịvatụrọda 13:6

Ọ daka vị ọnyara awụ, ọ vị ozi ewu ọnọrụ a vị ọnẹẹ, ọ vị ose ewu ọnị u sì ịrẹyị a vị ọta awụ òo were-were aa tụ wụ ụka ka wa hẹkẹ ori nịnị ọnị ẹwụrị ohiku awụ nịnị ẹ yị hẹkẹ da nị,

Ịtayịtọsị 1:11

Ẹyaa sị ịsa ẹnẹ ẹ̀ yị vọrọọ zụ̀ aza. Dị ẹyaa kụ́ avaba aza ene hi ini eehi ọnyaa nyeeyi. Ẹkẹhị kẹnẹ ẹ sị eyi tụ́ ịnị anị nị. Re ka ẹngụ aza ẹnẹẹ waa za wa irenu kú oku.

Ijemiisi 2:7

Wáá rẹ tamayị ka ẹnị ẹẹ̄ kà ịrẹyị odivii hi ịrẹha Ijeesu ana aa sịị hị́ wụ nịnị nị?

Ijemiisi 3:7

Ọza ọ zụ pá avaba uye ọnịrị inomi nịnị ne beri ẹwụ nịnị ọnịrị uye ene hi ini enyi; ọza ọ raà pá wa da.

2Ipita 3:3

Ịsị mee sì ka wa yẹ hu nịnị yị: Ịnị ụmẹ ọdịrẹma, aza vaa kwẹẹtẹ, ana ahịka ịsa edivi ọchẹngụ ẹnịnị kẹnẹ ẹyaa mẹ nị. Dị ẹyaa mẹ wụ nịnị isiya,

3 Ịjọọnụ 1:10

Ịhị màa vẹ ịzọọ, mị vaa kà ịsa ọnị ọ mẹ zụ̀ avaba aza. Ee du mi ịrẹma. A yị vị ọnọọ kẹnẹ, ọ́ yị hyakụ rẹ zẹẹ ka ọdọwụ anda ayị ana àa vẹ ịzọọ, ẹ̀ yà ịdị anị. Aza ene èe sì ka eni è sì wa ọzọga, ọ́ yị hyakụ zẹẹ, dị aā dụ wa hụụnị ịragụ Ohomorihi.

Ẹtore 12:9

Dị a dụ uye odivi ọbanyị ọnọọ jịnẹ tụ́ ẹhẹ nị. Ọnị ọ vị ẹwụ ịyẹẹyẹ ọnọọ ana aā hị́ Echu ọnịrị Isitani nị. Oni o vene avaba anẹhẹ nị. Dị a dụ ọọ jịnẹ va ngụ ẹhẹ, dị a rẹ dụ anggẹẹrị anị jịnẹ saasa a nị.

Ẹtore 13:14

Ụkọrọ ohyozirenu ọnọọ nyị ụkata dị ọ maanị aa mẹ éyi uye ọnọọ aanị, ee sii vene aza ene hi ịnị ẹhẹ nị. Dị ọ kà a yị aza ene hi ẹhẹ ka ẹ̀ mẹ ori yị uye ịnị avị ọnọọ anaa sị ụhwọ tụ̀ ụnava, dị ọ yị yàra nị.

Ẹtore 18:23

Ọza e mē vene re ẹtohweyi ozotupa ịnịnẹ anị paa; ọza ọ mā rẹ vana wụ́ ka ọnọrụ aa nyị ọnẹẹ ịnịnẹ anị paa. Ọ kà osohu Anibabironi nịnị ẹ vịdị vị azẹbanyị ẹhẹ nị. Ịbabịrọnị ọ raà sị ẹbẹ anị vene avaba anẹhẹ.

Ẹtore 19:20

Dị a za uye ịnị avị ọnọọ ọnịrị ọnịsẹ ireche anị ana vịdị aa mẹ̀ ụkọrọ ohyozirenu éyi anị nị. Ụkọrọ ohyozirenu ọnọọ ọ sị vene aza ana nyị apọtẹrẹwa uye ịnị avị ọnọọ, dị ẹ rẹ hẹkẹ ori anị nị. Dị a za uye ịnị avị ọnọọ ọnịrị ọnịsẹ ireche ọnọọ, dị a kụ́ wa va hi ịnị adagu ịra ana a sị ohuru tụ́ ịnị anị nị.