Ijemiisi 3:5 - IWE ỌNỊNỊ

⁵ Avọọ ị́rarẹ mè weyi ẹtẹẹtẹrẹ ịnị ịsa ịnị ọchẹngụ ọza nị, ama ọ zụ kà ịrẹyị ẹbanyị-ẹbanyị. Wáa yẹ nịnị ka ịra kiiki aanị ọ zụ rị ụnọmị ọyịvụrụ ịra.

Ijemiisi 3:5 ပူးပေါင်းရင်းမြစ်များ

Ijoovu 22:17

Ệ ka Ohomorihi Ochẹtẹẹngụ ọ navọ ẹnị, ka ẹ yị nyị ịsa ọnị ọ zụ mẹ ẹnịnị.

Ahẹ Ụgama 10:3

Aza edivi vi ene eē sì ịsa edivi di e re yee sii wo oto bẹẹ Ọnọhọha ẹnẹẹ aa kụ̀ Ẹnẹyịmavara ụhụ dị ẹ yaa sị ọ mẹ enyinyi nị.

Ahẹ Ụgama 17:10

Ẹnịnị ẹ yị mā vayị ọza vị ẹnịnịị̄ nyị irenuu zị nị.

Ahẹ Ụgama 39:1

Mị ka maa si eyii pè ẹngụ amị, mẹ yị vaa sị irenu amịị mẹ ịvị Mẹ yị vaa kà ịrẹyị ịzị aza edivi èe hi.

Ọyịkụra 15:9

Ọnịvị ô wo oto ka ọnị aa dụ yị, dị ọnị ọ̀ dà jị yị. Ọ kà ọnị aa kụ́ ogu ayị òo mè zee ọnị eyi. Ọ kà ọnị aa tụ́ ụhwọ anị dị ọnị ọ̀ sị wụ yị.

Ọyịkụra 5:2

Di Ihwarawo ka, “Ẹ̀nị aā hị́ Ẹnẹyịmavara nịnị kẹ? Ẹ̀nị ọnọọ vị ana aa kà ịrẹyị ana vọrọ ka ọnị ò batọ anị, ọnị ọnị vaa hụ agụvị anịị hụrẹ Anisirẹrị nịnị ụvọ? Ọ kà ọnị ọ yị yẹ ka â vavọọ nyị Ẹnẹyịmavara. Dị ọ ka dị asị a kụ́ ịrẹka gọdọ, ọnị ọ yị vaa zẹẹ ka Anisirẹrị ẹ̀ na.”

Ụhịrẹyị 12:18

Ọjanangụ ọyị ka sị mẹ anka a ka ọza ụhwọ avọọ nị ama ịrẹyị irenu ọyẹrẹyị vị ana sị ẹngụ ọza nịya.

Ụhịrẹyị 15:2

Ọza ana yẹ ịrẹyị vị anaā ka ịrẹyị ịrẹyọyẹ ama ọnụra vị anaā kà ututu.

Ụhịrẹyị 18:21

Ịrẹyị irenu ọza ọ nyị ụkata ọyị mẹ ka ọza ọ yara, dị ọ rẹ zụ wụ̀ ọza nị. Agụvị avọọ wàa ka irenu awụ ọ ma tịtẹ, ịsị ẹ̀ẹ jịnẹ vẹ ịnị anị dị ụ sị ẹngụ dọ.

Ụhịrẹyị 26:20

Ẹ yị nyị ọkụ ịra vị ene mi, avọọ ẹ ị mẹ nyị ireche, aza ẹ yị naa zyaazị.

Ijeremaya 18:18

Dị Anijuda nịnị ka, à vẹ dị ẹnị ẹ̀ mẹ Ijeremaya ọnyaa. Ẹnị ẹ̀ẹ mẹ ọnyaa, ohirẹsụ irehi Ohomorihi ị ve hi ẹtẹ ana vaa sị ịrẹyịị zụ ẹnị; aza ana yẹ ịrẹyị hi ẹtẹ ene vee pe ẹnịị jị uwe. Ọnịsẹ nịnị hi ẹtẹ ọnị Ohomorihi vaa yịị tụ́ hi ẹnị. Ẹ ka, à vẹ ẹnị ẹ̀ kwẹẹtẹ tu ọ, dị asị ẹnịnị kụkụ wụ́ ịrẹyị anị.

Ezikẹẹrị 28:2

Ozi-ọza, ọnị kà a yị ohinọyị Anitaya ka ọnị Ẹnẹyịmavara Ochẹtẹẹngụ ka; wâ sị ẹngụ awụ tụ ẹba pooro, ụ kụkụ ka ori u vị̀ nị; Ụ ka vị ụ yaatụ ịrẹsụ aga ohinọyị awụ tụ ịnị akakana enyi anka ori avọọ nị. Wa nyẹngụ aa mẹ apẹ ka ori ụ vị nị, ama, yẹ ka ọza ịrẹsụ-ịrẹsụ ụ vị̀ nị.

Ezikẹẹrị 29:3

Ọ kà ọnị ọ̀ kà a ka ịsị, ọnị, Ẹnẹyịmavara Ochẹtẹẹngụ aa kà a yị ohinọyị Ijipiti yị ka: ẹwụ agụgụ odivi ana hụtẹtẹ tụ ini enyi ọnị ọ́ sị vara ọnịvị awụ o. Wâ kà a ka ẹwụ a nyị irehu ana aā hị́ Ịnayịrị nị. Ụ ka ẹwụ a nyị irehu ana aā hị́ Ịnayịrị nị. Ụ ka ẹwụ hyakụ mẹ̀ ẹ nị.

Ịdanịyẹrị 3:15

Dị ọ ka, booro aanị, ẹnịị ẹ̀ẹ wụ́ ọpanyị, okokoro ọnịrị isohu ana vọ ịrẹyị, ẹnịnị ẹ̀ vaku ẹtẹ dị ẹ̀ hẹkẹ uyi ọnị ọnị sị igooru mẹ jẹẹ aanị. Ama ẹnịnị ẹ̀ yị hẹkẹ ẹ, obobooro ọnọọ a vaa kụ wa dị e ne wa va hi ịnị ọba anaa kà ịra anaa zá giri-giri tụ nị, dị ọnị ò re ịsị ẹ vaa dọ wa tụ.

Ịdanịyẹrị 4:30

dị ọ ka, aanị ka ẹ yị vị ọnị ọ dà Ịbabịrọnị, ana maanị banyị ọyị sị mẹ aha ọyị yaayịtẹ anị? Ọ kà vị ọnị dà a ọyị sị sị ụkata anị ọnịrị ụbanyị anị zụ nị.

Ijemiisi 3:4

Wéé re re ẹpa, ịzị ọ mẹ̀ hi banyị na za, dị ahịka ahị ọbanyị aa mẹ ka ọ̀ zị ụsẹ nị? Ọchị kiiki aanị ọ́za ana aa họ̀ ọ, aa sịị zụ̀ ọọ oze, ịzị òo sì ka ọ̀ zị nị.

2Ipita 2:18

Ẹnịnị vị anaā sịị ẹngụụ tụ́ ẹba, dị ẹyaa kà ịrẹyị ụra kẹnẹ, dị ẹ rẹ yaa sị oyisì odivi ọchẹngụ ẹnịnịị vene aza, ana ahịka oò yi kù ẹnẹ ẹ tụ̀ hụụnị ụvọ aza ene si nyeeyi hụrị oze Ohomorihi.

Ijudi 1:16

Aza ẹnẹnị vị anaā rị ihuhu, ẹnịnị ẹ́ yị ma rị dọ irenu. Ịsa odivi ọnị ayị ẹnịnị èe sì kẹnẹ ẹẹ̄ mẹ nị, dị ẹyaa nyị irenu, dị e re yee gono ọza agụvị è re oze dọ ọ ịsa.