Ijemiisi 3:3 - IWE ỌNỊNỊ

³ Umaata ọ́ọ banyị; yèe sì ka ọ̀ zụ wụ́ ịrẹyị ayị, dị ị sị enyusẹ oweyi ọnya chee aanị chiree irenu, dị yaa sịị zụ̀ ọọ oze.

Ijemiisi 3:3 ပူးပေါင်းရင်းမြစ်များ

2 Ohinọyị 19:28

Ọnị ọ raà wụ enube ọyịkụ awụ ọnịrị ụ mẹmẹ aa sị ẹngụụ tụ ẹba. Booro aanị, ọnị vaa jị arịị chire wu aahị, dị ọnị ka enyusẹ ngụ wụ irenu, ọnị vaa sị wụụ zi oze ọnị ụ zị vẹ gẹdẹ-gẹdẹ avọọ varẹma.

Ijoovu 41:13

Ẹnẹ zụ nọọ itumpaha? Ẹnẹ zụ jị ịsa ngụ ọ ẹnya ịrẹkụ ọnị ọ ku hi ẹngụ?

Ahẹ Ụgama 32:9

Ohomorihi rẹ ka asị mị na mẹ ụra anka umaata ọnịrị ịkẹrịkẹtẹ ẹnẹ ẹ̀ yị mā yẹ ịrẹyị avọọ. À yị vị a maanị sị enyusẹ chee aanị tụ́ umaata irenu, dị asị obo tụ́ ọ ọ mā wụ́ ịrẹyị ọza.

Ahẹ Ụgama 39:1

Mị ka maa si eyii pè ẹngụ amị, mẹ yị vaa sị irenu amịị mẹ ịvị Mẹ yị vaa kà ịrẹyị ịzị aza edivi èe hi.

Ayịsaya 37:29

Ọnị ọ raà wụ enube ọyịkụ awụ ọnịrị ụ mẹmẹ aa sị ẹngụụ tụ ẹba. Booro aanị, ọnị vaa jị arịị chire wu aahị, dị ọnị ka enyusẹ ngụ wụ irenu, ọnị vaa sị wụụ zi oze ọnị ụ zị vẹ gẹdẹ-gẹdẹ avọọ varẹma.

Ijemiisi 1:26

Ọza ene èe ro ka ọnị ọ́ọ nyị ahẹkẹ, dị ọ̀ yị sị ụvọ za ịrarẹ anị nị, ọza ọnọọ ee vene ẹngụ anị. Ahẹkẹ ẹngụ ọza ọnọọ vị ahẹkẹ osusu kẹnẹ-kẹnẹ.

Ijemiisi 3:4

Wéé re re ẹpa, ịzị ọ mẹ̀ hi banyị na za, dị ahịka ahị ọbanyị aa mẹ ka ọ̀ zị ụsẹ nị? Ọchị kiiki aanị ọ́za ana aa họ̀ ọ, aa sịị zụ̀ ọọ oze, ịzị òo sì ka ọ̀ zị nị.