Ijemiisi 3:2 - IWE ỌNỊNỊ

² Avaba ayị oō nyeeyi ini oze irenyi-irenyi nị. Àa nyị ọza ene è yi mē nyeeyi kà ịrẹyị, ọza ọnọọ ọ́ọ gụ; ọ nyẹngụ rẹ sị ụvọ za ẹngụ anị bẹẹ.

Ijemiisi 3:2 ပူးပေါင်းရင်းမြစ်များ

1 Ohinọyị 8:46

“Aza awụ ẹ zụ na mẹ̀ ebira odivi hi wụ. Wâ yẹ ka ẹ yị nyị ọza ẹnẹ ẹ̀ yị mā mẹ̀ ebira odivi. Ẹ nyẹngụ vavọọ mẹ̀ ebira odivi dị ụ kụ́ ayị hi wa, dị ụ sị wa chire ọnịvị ẹnịnị ụvọ, dị ọnịvị ẹnịnị ẹnẹẹ kụ́ wa ọrịhị nọ ẹkụra ẹnịnị. Ịzị a vavọọ kụ́ wa nọ o zụ noze, ọ rẹ zụ gụrị ẹtẹ.

2 Ịtọpa 6:36

Aza awụ ẹ̀ẹ rị ịvị awụ, agụvị ka ẹ yị nyị ọza ẹnẹ ẹ yị ma mẹ̀ ịvị. Wàa kụ́ ayị hi wa, dị ụ hụrẹ wa ụvọ yị ọnịvị ẹnịnị ka ẹ za wa ọrịhị nọ ẹkụra ọsa, ọ̀ọ daka vị ẹkụra ene noze.

Ijoovu 15:13

Ọ kà Ijoovu aa kụ ayị hi Ohomorihi dị ọ raa ka chire e nị.

Ahẹ Ụgama 34:13

Ẹngụ ọza ọnọọ ọ̀ na hụụnị ịrẹyị odivi ọyịkà, dị asị ọ rẹ cheeche.

Ahẹ Ụgama 39:1

Mị ka maa si eyii pè ẹngụ amị, mẹ yị vaa sị irenu amịị mẹ ịvị Mẹ yị vaa kà ịrẹyị ịzị aza edivi èe hi.

Ụhịrẹyị 10:19

Ireche ọ mā tara ọza ẹnẹ ẹ yị ma sị irenu anị kwoku, ama ọza ana yẹ ịrẹyị vị ana sị ụvọ za irenu anị.

Ụhịrẹyị 13:3

Ọza ana sị ụvọ za irenu anị vi ene sere ẹhẹ anị ama ọza anaa kà kẹnẹ-kẹnẹ vị enee vu ẹngụ anị ẹtẹ.

Ụhịrẹyị 20:9

Áá nyị ọza ana zụ sị ụvọ nya ịrachị ka ayị anị ọ nị saka-saka? Ẹnẹ zụ kà a ka ọnị ẹ yị nyị ebira odivi ọnyọọnyị?

Ụhịrẹyị 21:23

Wàa sị irenu awụ kwoku, wẹ yị vaa ngụ ịrẹyị.

Ịrẹyị Ọzwọzịsa 7:20

Ẹ yị nyị ọza ọyịza ịnị ẹhẹ ọnọnị ana mẹ ọyịza pooro dị asị ọ mẹ odivi ẹkụhị ọnya.

Ayịsaya 64:6

Avaba ayị ọ sị ịvị mẹ; ebira ozoza ene hu ọnị mẹ vị ọnịrị ịdọtị anka ụsẹ avọọ. Agụvị ebira odivi ayị, vị́ ị kụkụ sị mẹẹ anka avị ana wụ, dị ahị hì wa kwooze avọọ nị.

Ireevi 13:39

Ohirẹsụ irehi Ohomorihi vaa zama a re; àa vị ịzị aa dàa vwẹtẹ ịnị ẹngụ aanị aa vwẹtẹ cheeche nị, vị ẹngụ anị che apa kẹnẹ nị, ọza ọnọọ ọ́ọ nị.

Imatiwu 12:34

Ẹwụ nịnị ezi ibe, wẹ yị nyẹngụ kà ịrẹyị ozoza nịnị, agụvị ka ọza odivi ụ vị nịnị nị. Ịsa ene hi ịnị ayị ọza, írenu anịị̄ kà a jịnẹẹ vẹ nị.

Imatiwu 12:37

Ịrẹyị awụ a vaa sị jị ịhị yị wụ nị, ọnị a rẹ vaa sị jị ịvị yị wụ nị.”

Aniroomi 3:10

Wáa yẹ ka áa vịdị chẹrẹẹ tụ́ ini Iwe Ohomorihi ka, “Ẹ yị nyị ọza ana aa mẹ̀ ịsa ana vọrọ, ẹ yị nyị ọza ịnya vụrụ-vụrụ.

Aniroomi 7:21

Me si oo re ka ịsị aa mẹ̀ ụkọrọ ịnị ẹngụ amị yị: Màa ka maa mẹ̀ ịsa ana vọrọ, dị ahịka ịsa edivi kẹnẹ mị zụ mẹ nị.

1 Anịkọrịntị 9:27

Maa sị ẹngụ amịị dọ avaba ụya, maa sị ụvọọ za ẹngụ amị, agụvị asị ọ na sị vị ka ẹmị ana aa kà enube ọyịzaa yị ọza, áamị ọ̀ sị vị osusu.

Anigaratiya 3:22

Ama Iwe Ohomorihi ọ sị ọọ kà ka ụvọ ịvị ọ sị avaba ẹhẹ kara. Aza ana sị ayị tụra Ijeesu kẹnẹ, ẹ vaa dọ ẹyịza ọnọọ oni Ohomorihi raà kà a ka ẹ yị nyị ka ọnị ọyị vaa sịị yị aza ana sị ayị tụra Ijeesu.

Anigaratiya 5:17

Agụvị ka ịsa ọnị ọchẹngụ ọza sì, Ụhwẹ Ọnịnị oyi sì ọọ, ịsa ọnị Ụhwẹ Ọnịnị oni re sì, ọchẹngụ ọza oyi sì ọọ. Ịsa ẹẹva ẹnẹnị vị ana và eyi ịrazị kà ẹngụ; ọnị ọ vị ka ayị vị isu wèe sì nịnị kẹnẹ, ụ zụ mẹ nịnị.

Anikorasi 1:28

Agụvị avọọ ị yaa kà ịrẹyị Ikirisitii yị avaba aza nị. Yaa kà wa ọnọ, ị raa sị ịrẹyọyẹẹ zụ̀ wa ịsa, agụvị dị ya mẹ ka aza ẹnẹ ẹnịrị Ikirisiti sị vị ọnya ẹ̀ zụ gụ.

Anikorasi 4:12

Epahwirasi ka ọnị rẹ kụ́ wụ nịnị. Anda awụ nịnị ọnị rẹ vị, dị ọ rẹ vị ozi ahụ Ijeesu Ikirisiti nị. Ọọ̄ mẹ̀ aduwaa wụ nịnị ẹtẹẹtẹrẹ, ka waa vịraa tụ́ ịnị ịsa Ohomorihi nịnị; dụ wa zụ yẹ ịsị Ohomorihi sì, dị ụ wa rẹ zụụ mẹẹ nịnị.

Anihiburu 13:21

Ohomorihi ọnọọ ọ̀ sị avaba ịsa ozoza yị wụ nịnị, dị ụ wa zụ mẹ̀ ịsa oni o sì ka wa mẹ nịnị! Ohomorihi ọ̀ rẹ mẹ yị ini oze Ijeesu Ikirisiti, dị ya zụ vị ịsị o sì ka ya vị. Ijeesu Ikirisiti ọnọọ ọ vaa nyị ụbanyị pooro zịna-zịna nị. Aamị.

Ijemiisi 1:26

Ọza ene èe ro ka ọnị ọ́ọ nyị ahẹkẹ, dị ọ̀ yị sị ụvọ za ịrarẹ anị nị, ọza ọnọọ ee vene ẹngụ anị. Ahẹkẹ ẹngụ ọza ọnọọ vị ahẹkẹ osusu kẹnẹ-kẹnẹ.

Ijemiisi 1:4

Ama vavọọ yị jẹẹ geri-geri pooro nịnị, asị ụ zizi, agụvị wa nyẹngụ gụ ini oze tụra oze nịnị. Asị a nyị ebira ozoza ana vẹtẹ ọnị ụ wẹ̀ yị nyị nịnị.

Ijemiisi 2:10

Ọza ọ̀ọ daka sị eyi pe avaba ọda Ohomorihi, dị ọ jịnẹ ọnya kẹnẹ nị, avaba ọda Ohomorihi bemi ọ jịnẹ avọọ nị.

1Ipita 3:10

 chẹrẹ ẹ tụ́ ini Iwe Ohomorihi ka, Ọza ene èe sì ka ẹhẹ anị ò zoza, dị ò hine ọnị, ọ hụụnị ịrẹyị odivi ọyịkà, dị asị o re cheeche.

1Ipita 5:10

Ohomorihiī mẹ ọyịzaa yị aza ẹtẹẹtẹrẹ, ộ hị́ wụ nịnị ka wa vẹ, dị ẹwụrị Ijeesu ọ̀ vị ọnya nịnị ịnị ụbanyị ẹnẹ ẹ̀ yị ma sa pooro zịna-zịna. Wàa sị ụya rị chee nịnị, Ohomorihi ọnị ụvọta vee tenyi wu nịnị, dị ọ̀ mẹ ka wa gụ nịnị, dị ọ rẹ mẹ ka wa nyị ụkata jẹẹ geri-geri nịnị ịnị avaba ịsa.