Ijemiisi 3:18 - IWE ỌNỊNỊ

¹⁸ Ọza eneē sì ẹngwọọrọ gụ aza ẹnẹsa ụvọ ka ẹnị ẹ̀ rẹ nyị ẹngwọọrọ. O vee re ka ịzẹyịza ọ vị ọdịrẹma ịsa ẹnẹ ẹyaa mẹ nị.

Ijemiisi 3:18 ပူးပေါင်းရင်းမြစ်များ

Ahẹ Ụgama 92:14

Ọchị ẹnẹẹ mẹ̀ sị vị ọzọkụ, ẹngụ ẹnịnị vi ene hi hunẹnẹ, dị ẹ yaa tịị tụ́.

Ụhịrẹyị 11:18

Ebira odivi ẹ yị nyị ọgụ ama ọnịzẹyịza vaa dọ ọgụ ọyịza.

Ụhịrẹyị 11:28

Ọza anaa sị ayị tụra ẹkẹhị vị ọnị ụhị nyị ama ọnịzẹyịza vị enee re mẹ anka avị ohwoohu ana ya ụtọ okuha avọọ.

Ụhịrẹyị 11:30

Ọnịrẹyịzẹyịza sị mẹ anka ọchị anaa tụ́ ẹtụtụ anị avọọ nị. Ọza ọhịmị vị anaa wụ̀ ọza.

Ihoseya 10:12

Anka ọgẹrẹva ana jị ịrụkụ ịsa ọyịna avọọ, ẹnịnị e tenyi ebira ẹnịnị, ẹ mẹ ịzẹyịza agụvị e re ọyịza. Ẹnẹyịmavara kà ụmẹ o si tụ́ ka ẹnịnị ẹẹ hẹkẹ ọnị agụvị ọnị ọ mẹ ọyịza yị wa anka orihi mẹẹ̄ zụ avọọ.

Emọsị 6:12

Umaata ọ yị ma tụ́ ahụ ịrẹsụ ịda, dị ọza ọ yị ma jị ịrụkụ tụ́ ịnị oku nị. Ama ẹnịnị ẹ raa vara ịzẹyịza ẹchịpa ọnyịrẹyị.

Imatiwu 5:9

Aza eneē sì ẹngwọọrọ vaa daa jẹ, agụvị ka Ohomorihi vaa hị́ wa ezi anị.

Ịjọọnụ 4:36

Ọza ana aa kụ́ ịsa ịnị aarẹ gụ, vaa dọ ọgụ, ịsa ana aa kụ́ụ gụ vị aza ana vaa yàra ị́dị Ohomorihi pooro zịna-zịna. Ọnọọ vaa mẹ ka ọza ene chire ịsa ọnịrị ọza ana kụ́ ịsa gụ è duduu jẹ.

Anigaratiya 6:8

Ọza ana aa mẹ̀ ịsaa yị ẹngụ anị kẹnẹ, o vee re ka vi oni vee vu ẹtẹ nị. Ama ọza ana àaa mẹ̀ ịsa agụvị Ụhwẹ Ọnịnị, Ụhwẹ Ọnịnị vaa mẹ ka ọ̀ yàra pooro zịna-zịna ị́da Ohomorihi.

Anihwiripi 1:11

dị ụ wa rẹ zụụ mẹ̀ ebira ana vọrọ tụra ọza oni Ohomorihi raà jị ịhị yị. Ijeesu Ikirisiti ọọ̄ mẹ̀ ka ọza ọ̀ vavọọ zụ mẹ̀ ebira nị. Ọnọọ vaa mẹ ka aza ẹ̀ẹ sị ụga ọnịrị ụbanyịị yị Ohomorihi.

Anihiburu 12:11

Ịnị ụmẹ ana àaa sịị sị ụyaa rị yị, o vee du yi ayị, yẹ yị vaa jẹ. Ama ọdịrẹma anị, ụyọrị ọnọọ vaa mẹ ka aza ana sị ẹngụ dọ ọ, ẹ̀ẹ mẹ̀ ịsa ana vọrọ, dị ẹ rẹ yaa mẹ̀ ebira ẹngwọọrọ.

Ijemiisi 1:20

Ọyịkụ ọ mā zẹẹ ka ọza ọ̀ mẹ̀ ịsa ana vọrọ oni Ohomorihi sì.