Ijemiisi 3:16 - IWE ỌNỊNỊ

¹⁶ Ịzị aza ẹ̀ẹ yà aa kụ̀ ụhị, dị ahịka ẹngụ ẹnịnị kẹnẹ e re sì ọyịza yị nị, ezigi ọnịrị ịsa edivi ẹ mā ta hụụ ịzọọ.

Ijemiisi 3:16 ပူးပေါင်းရင်းမြစ်များ

Oyinyima 11:9

Agụvị avọọ aā hị́ ẹkụra ọnọọ Ịbabịrọnị nị, agụvị ka ịzọọ Ẹnẹyịmavara yà kụ́ ẹvazi ngụ ẹkụra ana anẹhẹ aa kà nị. Hụrẹ ịzọọ a yà gara wa hi avaba ẹhẹ nị.

Oyinyima 38:9

Onani ộ yẹ ka ọnẹẹ ọnọọ ọ̀ọ ma ozi ẹngụ anị, ẹ yị vị ọnị ọ vaa nyị. Agụvị avọọ ọ̀ọ nọ ịda ọnẹẹ ọnọọ, dị ahịka vị ọọ̄ và enyi ẹngụ anịị hi ini eteesu nị, o yi sì ka ọnị ọ̀ ma ozi yị onku ẹnẹbẹnị anị.

Ịmaakị 3:25

Àa rẹ nyị irehi ana gà hi dị ẹ và eyi kà ẹngụ nị, irehi ọnọọ ọ yị zụ kwẹẹtẹ.

Odeyi 19:29

Avaba ẹkụra ọnọọ ọ sị vazi. Dị aza ẹnẹẹ za Ịgayọsị ọnịrị Arisitakọsị, Animasedoniya ana aa dụ Ịpọọrụụ zị, di e tura wa di e dudu aa nọ ini orere ịzị a yàā mẹ aahẹ nị.

Aniroomi 2:8

Ama aza ẹnyị vị ene ee sì ọyịzaa yị ẹngụ ẹnịnị ịnya kẹnẹ. Ẹnịnị ẹ vị ana aa mẹ akamawụụ hi ịzẹyịza, ịsa odivi kẹnẹ ẹẹ̄ dụụ zị nị. Ẹngụ aza ẹnẹẹ, Óhomorihi vaa kụ́ ayịị hi ẹtẹẹtẹrẹ, dị ọ mẹ̀ ọkarẹyị yị wa nị.

1 Anịkọrịntị 14:33

Ẹ yị vị Ohomorihi ọọ̄ mẹ̀ ka aza ẹ̀ẹ mẹ jugu-jugu. Ịsa ẹngwọọrọ Óhomorihiī sì ka yaa mẹ nị. Ịnị avaba ịragụ aza Ohomorihi,

1 Anịkọrịntị 3:3

agụvị ka ụ waa yịị mẹ̀ ebira anka aza kẹnẹ ene hi ịnị ẹhẹ ọnọnị nị. Waa yịị kụ̀ ụhị nịnị, ụ raa zyaazị nịnị. Ọnọọ ọ́ọ sị zụ̀ ka vụ ụ yị yà anka aza kẹnẹ ene hi ịnị ẹhẹ nịnị nị.

2 Anịkọrịntị 12:20

Mee roo ka ẹyịyara, mèe tù ịdị awụ nịnị, wẹ yị vaa yà, anka m mè sì ka wa yà nịnị. Ẹmị ẹ yị rẹ vaa yà anka u mè sì ka ma yà nịnị. Asị a hyakụ na nyị ịrazị ọnịrị ụhị ọyịkụ ne beri ọyịkụ! Asị a rẹ na nyị ebira ọza eneē sì ẹngụ anị kẹnẹ, ọnịrị aza eneē du ọza ịrẹsụ, ọnịrị ọza anaā kụ́ ịrẹka, ne beri ọza anaā mẹ eyi, ọnịrị ọza anaā mẹ̀ ebira jugu-jugu.

Anigaratiya 5:20

dị ẹyaa hẹkẹ ori, dị ẹ rẹ yaa mẹ ẹbẹ, dị ẹyaa kụ́ ayị ọza, dị ẹyaa zyaazị, dị ẹyaa mẹ eyọhụrẹ, dị ẹyaa kụ́ ayị, dị ẹ rẹ yaa há ọhọha, dị ẹ sị ẹngụ ẹnịnị jị ịrịnya, dị ẹyaa há azaa hi,

Ijemiisi 3:14

Ama wàaa kụ́ ụhị ịnị ayị awụ, dị ụ wáa nyị ẹngụrẹyị, dị ahịka ẹngụ awụ nịnị kẹnẹ u ree sì ọyịzaa yị nị, ẹ́ yị vọrọ ka waa nyị irenu, dị ụ wa navọ ịzẹyịza tịtẹ di u wee cheeche.

1 Ịjọọnụ 3:12

Asị ị mẹ̀ ebira anka ọza ana aā hị́ Ikeeni. Ikeeni vị ozi Echu, dị ọ za ọyịnyara anị dị ọ wụ̀ ọ nị. Sị ẹ vẹ dị ọ wụ̀ ọ? Agụvị ka avaba ịsa ọnị Ikeeni aa mẹ, vị ịsa edivi; ama ọyịnyara anị vị anaā mẹ ịzẹyịza.