Ijemiisi 2:8 - IWE ỌNỊNỊ

⁸ Wàa sị eyi pe ọda oni Ohomorihi ohinọyị ayị mẹ, anka a mẹ̀ chẹrẹ ẹ tụ́ ini iwe Ohomorihi óo zoza. Ọda ọnọọ ộ kà a ka: Sì ịrẹyị ọnọhụva awụ anka u mè sì ịrẹyị ẹngụ awụ.

Ijemiisi 2:8 ပူးပေါင်းရင်းမြစ်များ

1 Ohinọyị 8:18

Ama Ẹnẹyịmavara, dị ụ kà yi Idevidi ada amị ka ộ mẹ̀ ẹ ẹtẹẹrẹ di o ro o ịnị ayị ka ọnị aa dà irehi yị wụ.

2 Ohinọyị 7:9

Dị ẹnịnị va kà a yị ẹngụ kà, ịsị ẹnị aa mẹ aanị e yi zoza. Ajịnị vị ẹkụhị ịrajẹ, ẹnị ẹ̀ yị na kà a, dị ẹnị jẹẹ ka eyi ọ̀ nị nị, vị a vaa sị ụyaa rị ẹnị nị, avọọ a vẹ vị ẹnị ẹ̀ na kà a idi ohinọyị.

Ireevi 19:18

À sị ẹ na họ̀ oponu ịrẹyị ka ọza ọnyọọnyị na, à vị ka ẹ̀ sị ịrẹyị ọhịmị ọza ọnọọ tụ ịnị ịnẹ; ama ẹnịnị è sì ịrẹyị ọnọhụva anka é me sì ịrẹyị ẹngụ ẹnịnị. Ọnị ọ vị Ẹnẹyịmavara nị.

Ireevi 19:34

Ọ kà anẹkụra ọsa ana va ra pe wa vị ẹnẹ vaa sị eyi ozi ẹtẹẹ re. Ẹnịnị ẹ̀ sì ịrẹyị anẹkụra ọsa ẹnẹẹ anka e me sì ịrẹyị ẹngụ ẹnịnị; agụvị ka azọga ẹnị rẹ vịdị vị tụ ẹtẹ Ijipiti nị. Ọnị ọ vị Ẹnẹyịmavara, Ohomorihi ẹnịnị nị.

Ijona 4:4

Dị Ẹnẹyịmavara kà ọ́ọ́ vọrọ ka ọ maanị du ayị?

Ijona 4:9

Ụmẹ ọnọọ dị Ohomorihi họ̀ ọ use ka, áá vọrọ ka ọọ kụ́ ayị agụvị avị ọnọọ? Dị Ijona tụ ọ ohi ka hịịn! A vọrọ ka ọnị ọ kụ́ ayị dị ọnị ọ hyakụ va ụva isu.

Imatiwu 22:39

Ọhụva vị ene re véné e: Sì ịrẹyị ọnọhụva awụ anka ẹngụ awụ!

Imatiwu 25:21

Dị ọga anị ka: ‘Akọrọ! Ozi ahụ obooro ana nyị ịzẹyịza ụ vị nị. Agụvị ka wâ nyị ịzẹyịza tụ́ ịnị ịsa oweyi, mị vaa sị wụụ mẹ ọga ịsa ọrụrụ-ọrụrụ. Wa vẹ, ẹwụrị ọga awụ ò duduu jẹ!’

Imatiwu 25:23

Dị ọga anị ka: ‘Akọrọ! Ozi ahụ obooro ana nyị ịzẹyịza ụ vị nị. Agụvị ka wâ nyị ịzẹyịza tụ́ ịnị ịsa oweyi, mị rẹ vaa sị wụụ mẹ ọga ịsa ọrụrụ-ọrụrụ. Wa vẹ, ẹwụrị ọga awụ ò duduu jẹ!’

Imatiwu 7:12

Avaba ịsị u wèe sì ka ọza ọ̀ mẹ hi wu nịnị, ẹwà rẹ vavọọ mẹ̀ ẹ hi wa! Iruvo ọda ọnịrị ịrẹyị ọnịsẹ nịnị ọ vị ọnọọ nị.”

Aniroomi 13:10

Ọza ene èe sì ịrẹyị ọnọhụva anị, ọyị vaa mẹ̀ ịsa odivii hi ọọ. Ọza òo sì ịrẹyị ọza, ọnọọ vị ka ọ raà saasa avaba ọda.

Anigaratiya 5:14

Avaba ọda vị ana a vabẹ ịnị ịrẹyị ọnya ka, “Sì ịrẹyị ọnọhụva awụ anka ẹngụ awụ.”

Anigaratiya 6:2

Wee pe ẹngụụ za ẹnya ẹngụ nịnị! Wàa vavọọ aa mẹ nịnị, waa saasa ọda Ijeesu nịnị avọọ nị.

Anihwiripi 4:14

Ama wâ mẹẹ ẹtẹẹrẹ nịnị dị ụ waa gụ mị ụvọ nịnị ịnị ụmẹ ọnọnị ọnị mị nyị ẹngụkata aanị.

1 Anịtẹsaronika 4:9

Ẹ yị kụkụ nyị ka ma rẹẹ chẹrẹ iwee tụ́ụ hi wu nịnị ka wee sì ịrẹyị ẹngụ nịnị. Ohomorihi ọ raà sị zụ̀ ẹwụ nịnị ụvọta ka wee sì ịrẹyị ẹngụ nịnị.

Ijemiisi 1:25

Ama ọza ana àa jị eyi ngụ ọda Ohomorihi, dị ọ sị ụvọ zaa, di ò yi hí ayị ịrẹyị ọnị ọ wụ́, dị aa sịị mẹ̀ ụkọrọ nị, Ohomorihi vaa mẹ ka ò zé yọ ịnị ịsa ana àa mẹ. Avaba ọda Ohomorihi ọ́ọ gụ, ọ nyẹngụ dọ yị tịtẹ.

Ijemiisi 2:12

Agụvị avọọ dị ụ wa tamayị ịnị avaba ịrẹyị ọnị ụ waa kà, ọnịrị ebira ọnị ụ waa mẹ, ka Ohomorihi vaa mẹ̀ ọkarẹyị yị wụ anka ọda Ohomorihi ana nyẹngụ dọ yị tịtẹ.

Ijemiisi 2:19

Wâ dọ wụ́ ka Ohomorihi vị ọnya, óo zoza. Ama ụhwẹ echu nịnị ẹnị ẹ rẹ vavọọ dọ bẹẹ, dị ẹ hyakụ hụ agụvị avọọ aa da ẹgahị papapa, e mee hí angwa.

Ijemiisi 4:11

Ẹwụ nịnị ẹyịnyara amị, asị ụ rẹ kà ịrẹyị odivi ẹngụ nịnị! Ọza ana àa kà ịrẹyị odivi ọnọhụva anị, à vị ka dị ọ jị ịvị yọ, ọda Ohomorihi ọ́za ọnọọ aa kà ịrẹyị odivii hi, dị ọ raa jị ịvịị yị avọọ nị. Yẹ ka wàaa jị ịvịị yị ọda Ohomorihi, wẹ yị kụkụ mẹ̀ ịsa ọnị ọda kà, ụ kụkụ aa jị ịvịị yọ avọọ nị.

1Ipita 2:9

Àa vị ẹwụ nịnị yọ, ẹwụ nịnị vị aza oni Ohomorihi sị nyị. Ẹngụ ohirẹsụ irehi Ohomorihi ana aa hẹkẹ Ohomorihi Ohinọyị, ụ vị nịnị nị. Anẹkụra oni Ohomorihi nyị tụ́ irenyi yị ẹngụ anị, ụ vị nịnị nị. Aza Ohomorihi obooro ụ vị nịnị nị. Ộ nyị wụ nịnị ka waa kà a yị aza ịsa ẹbanyị-ẹbanyị oni Ohomorihi mẹ, ọ mẹ̀ hị́ wụ nịnị hụụnị ịrahụ va ngụ ini ẹtohweyi anị ene hí ọza irenu.