Ijemiisi 2:6 - IWE ỌNỊNỊ

⁶ Ama ẹwụ nịnị aa sị oweyii re onosiye. Wáá tamayị ka ọzọbanyị nịnị ẹẹ̄ mẹ ehunaa wụ nịnị nị? Wáá yẹ ka ẹnị ẹ rẹẹ za wụ nịnịị nọ ikootu nị?

Ijemiisi 2:6 ပူးပေါင်းရင်းမြစ်များ

Ijoovu 20:19

agụvị ka ẹ mẹ onosiye nịnị rị, dị ẹ dọ wa irehi mẹ ẹnịnị nị.

Ahẹ Ụgama 10:10

Oniruwa vi ana và nẹtẹ, ụvọ aza edivi oni o kú wà.

Ahẹ Ụgama 10:14

Ohomorihi, wee re aza ana aa rị ụya di e hi ịnị ẹngụkata Mâ yẹ ka ụ vaa gụ wa ụvọ Ọnụyọrị nịnị vị ana sị ẹngụ ẹnịnị chire wụ ụvọ Ẹwụ a gụ ezi-oku nịnị ụvọ nị.

Ahẹ Ụgama 10:2

Aza edivi vi ene ee wuu zị di e yee sì ọkụmịị zị ka ẹnị ẹ̀ chamayị yị wa Ịrẹpa ana aza edivi va vị ana rẹ vaa vara eyii za wa.

Ahẹ Ụgama 10:8

Aza edivi vị ana naa tẹẹ ee be onuruwa ịnị ẹkụra di e yee zi aza ẹnẹ ẹ̀ yị nyị ịsị ẹ mẹ̀ ka ẹnị ẹ̀ wụ̀ wa. Oniruwa vị ọnị e yee bè, ama aza edivi ẹnẹnị vị ene ee yii be wa.

Ahẹ Ụgama 12:5

Ama Ẹnẹyịmavara vaa hụ agụvị ọkụmị ọnịrị aza anaaa mẹ ẹchakaa yị, dị ọnị kwẹẹtẹ. Ọ kà ọnị vaa kwẹẹtẹ agụvị aza ene ee nowu ka à ba ẹnị owu ọnịrị agụvị oniruwa nịnị Ọ kà ọnị vaa dọ wa hụụnị ụvọ aza ana aa chamayịị yị wa.

Ahẹ Ụgama 14:6

Ịsị aza ana vị ọkụmị ẹ̀ẹ ka ẹnị aa mẹ dị aza edivi za a di e du ọ hi wa ụvọ. Ama Ẹnẹyịmavara vi ene eē sere ọkụmị.

Ụhịrẹyị 14:31

Ọza ana aā mẹ̀ ẹvaya yị onosiye vi enee du Ohomorihi ana mẹ̀ ẹ, ama ọza ana sị ụbanyị yị ọ vị anaā vayị onosiye.

Ụhịrẹyị 17:5

Ọza anaā sịị onosiye mẹ enyinyi vị anaa kụ̀ Ohomorihi ana tụ ọ ụhụ. Ọza enee hine ayị agụvị ịrẹyị ọhịmị ene tu ọza vị ana vaa rị ụya anị.

Ụhịrẹyị 18:23

Oniruwa vị anaa sị ịrẹyị anị tụ ịpẹ, ama opisa vị anaa kà kẹnẹ-kẹnẹ.

Ụhịrẹyị 22:16

Ọza ọbanyị anaa za onosiye mẹ̀ ụngwẹ ọnịrị ọza anaa kụ ịsa na yị ọza ọbanyị vị ọnị iruwa vaa za.

Ụhịrẹyị 22:7

Ọnyẹkẹhị aa mẹ ọda tụra onosiye ịrẹsụ, avọọ ọnụta mẹ ya ahụ ọza ana a sị ẹkẹhị rere e ni.

Ịrẹyị Ọzwọzịsa 5:8

Asị o hi wu eyi wee re ka aa mẹ ẹvaya yị onosiye nịnị ịnị ẹkụra, dị ọza ẹ yị zẹẹ ka à mẹ ịzẹyịza ọnịrị ịsa ana vọrọ hi wa nị. Yẹ ka ọnụkọrọ ịjọva ọzọza vị ana nyị ọga ana sị eyi pe e. Avọọ a mẹ rẹ nyị ọga ene huna ẹnị ẹyịva ana sị eyi pe wa nị.

Ayịsaya 53:3

Aza ana vọ ệ sị eyi wụ ọ, di e yi ọ tịtẹ nị. Ộ sị ẹngụ dọ ụya ọnịrị ayodu. Ọzọza vị anaa sị eyii tẹ̀ẹ yọ. Â sị eyi wụ ọ; ọza e yi ro o ka â nyị ịsị ọ vị.

Emọsị 4:1

Ẹnẹyịmavara kà Anẹẹ Anịsamarịya ana dẹngụ anka ụnọ Anịbasanị avọọ e batọ ịrẹyị anị. Ẹnịnị aa mẹ̀ ẹvaya yị onosiye nịnị, di ẹ yaa chamayị yi onuruwa nịnị nị. Eche kẹnẹ ẹ ka ọva ẹnịnị ẹẹ kụ yi ẹnị hu nị.

Emọsị 5:11

Ẹnịnị vị anaa sị ụvọ hi onosiye za ẹtẹ, dị ẹ yaa ba wa uchuvọta dọ ẹkẹhị irehi, dị ẹ ne ẹkẹhị irehi na hịrẹ. Agụvị avọọ ẹnịnị ẹ yị vaa ra ịnị irehi ẹnị ẹ da. Ẹnịnị ẹ yị rẹ vị hú eche hụụnị ụbazị ịvayịnị ẹnị ẹ kụ́ ụrụkụ anị.

Ihabaku 3:14

Ẹnẹyịmavara ộ dọ ọha ọdọvịdị ọkụrẹkụ ẹnịnị ọ mẹ kụ́ aza ve kukuku anka opomi ka ọnị o gara yị hi. Dị aa jẹ ka ọnị aa me ehuna yị onuruwa nị. Ama dị Ẹnẹyịmavara jị ọha anị ọnọọ ngụ ọ ịrẹsụ nị.

Ịzakaraya 7:10

Asị ẹ mẹ ẹvaya yị osoku a vị ozi oku ọnịrị ọzọga a vị ọnụya. Asị ẹ sị ịrẹyị odivi ọza tụ́ ịnị ayị.

Ịjọọnụ 8:49

Dị Ijeesu tụ́ ohi, dị ọ ka, “Mẹ yị nyị ụhwẹ echu, ama maa sị ụbanyịị yị Ada amị, dị ẹwụ nịnị ọ̀ yị sị ụbanyị mị nị.

Odeyi 13:50

Dị Aniju nịnị tụ́ ohirẹsụ ẹkụra ọnọọ ịrẹyị nị, ne beri anyẹnẹẹ ẹnẹ ẹ̀ yị vị Aniju, ana aa hẹkẹ Ohomorihi dị ẹ nyị udi ẹtẹẹtẹrẹ tụ́ ịnị ẹkụra. Di e nyima dị ẹyaa sị ụyaa rị Ịpọọrụ ọnịrị Ịbanabasị nị. Dị ẹ dụ wa hụụnị ẹkụra ẹnịnị nị.

Odeyi 17:6

Ịjị ẹnịnị è yi re wa, di e tura Ijasoni ọnịrị ọdọwụ ẹnyị nọ ịdị ọdọvịdị ẹkụra nịnị nị. Di eyee nowu ka, “Aza ẹnẹnị ẹ kụ́ ẹhẹ và angga, ẹ rẹ va sị ngụ ịzẹnị bẹẹ.

Odeyi 18:12

A mẹ̀ yị sị Igariyo rị ohinọyị ana jẹẹ yị Aniroomi ịnị ẹtẹ Akaya, dị Aniju nịnị wụsẹ kwẹẹtẹ, dị ẹ za Ịpọọrụ, dị ẹ sị ọọ nọ ikootu nị.

Odeyi 8:3

Dị Ịsọọrụ oni ee sì ka oni ò vú ịragụ Ohomorihi ẹtẹ nị. Dị aa ngụ irehi-irehii zị, ịzị ọ̀ọ yà re ọdọwụ nịnị, àa vị ọnọrụ, àa vị ọnẹẹ, dị ọ za wa, dị ọ kụ́ wa ne hi ịnị ẹngwa.

1 Anịkọrịntị 11:22

Ho! Sẹ zụ vavọọ mẹ? Aanịka wẹ yị nyị eehi ịzị a vọrọ ka waa yàa rị, du wee hú nịnị? Sị ẹ vẹ dị ụ waa sị eyii wụ ịragụ Ohomorihi, dị ụ waa mẹ ụhịị nyị aza ẹnẹ ẹ̀ yị nyị ịsọyịrị nịnị? Si u ro ka ma kà wụ nịnị? Ụ waa vana ka maa ga wụ nịnị agụvị ẹngụ ebira ẹnẹẹ nị? Ọchọnọyịrẹsụ!

Ijemiisi 2:3

Ama dị ahịka ọnyẹkẹhị ọnọnị ụ hị́ ẹngụ ẹtẹ anị nị, dị ụ wụsẹ ka: Aarịhịnị Nda, va yaayịtẹ ịzẹnị, ama dị ụ kà a yị onosiye ọnọnị ka ọ̀ jẹẹ ịzọọ, ẹ̀ yị vị avọọ, dị ụ ka ọ̀ na yaayịtẹ ini eteesu.

Ijemiisi 5:4

Aza ọnị ụ dọ ụkọrọ hi ịnị aarẹ, we yi si wa ụta, ẹnịnị ee nowu. Yẹ nịnị ka Ohomorihi Ochẹtẹngụ, aa wụ́, aza ana aa kụ́ ịsa ịnị aarẹ awụụ gụ, mee nowu.

Ijemiisi 5:6

Aza ẹnẹ ẹ̀ yị nyị ịsị ẹ mẹ̀, wâ jị ịvị yị wa, wâ wụ̀ wa, ẹnịnị e yi tụ́ ohi.