Ijemiisi 2:20 - IWE ỌNỊNỊ

²⁰ Ịrẹyọyẹ awụ óo weyi oo! Ụ́ wáá ka à rẹ kụkụ kà a wụ ka ọza ọ̀ọ ka ọnị ọ́ọ dọ Ohomorihi wụ́, dị ọ̀ yị sị vị ebira mẹ nị, ka osusu samị-samị ọ vị nị?

Ijemiisi 2:20 ပူးပေါင်းရင်းမြစ်များ

Ụhịrẹyị 12:11

Ọgẹrẹva ana da aarẹ banyị ọọ rị vọ ku nị ama ọnụra ọ̀ọ du ụmẹ anị ha nị.

Ijeremaya 2:5

Ẹnẹyịmavara kà: Sị ẹ vị akụvị anị ọnị ohiku awụ nịnị re ẹnẹ ẹnịnị sị re ọnị zwe? Ẹnịnị ẹ naa hẹkẹ ịsa kẹnẹ-kẹnẹ, dị ẹnị ụvọta ẹnị rẹ kụkụ vị aza kẹnẹ-kẹnẹ nị.

Aniroomi 1:21

Aza ệ yẹ Ohomorihi, ama ẹ mā sị ụbanyị ana a vọrọ ka à sị yọ; ẹnịnị ẹ mā hyakụ kụ́ ọ avọ. Agụvị avọọ, ịrẹyị kẹnẹ-kẹnẹ ẹnịnị kuku ee ro nị. Ayị ẹnịnị e si hozi, ẹnịnị e mē ro ịrẹyị ana vọrọ.

Aniroomi 3:28

Agụvị avọọ ya sị yẹ ka aza ana àa sị ayị tụra Ohomorihi kẹnẹ, ọọ̄ jị ịhị yị nị; ẹ yị vị agụvị ka aza aa mẹ̀ ịsa ọnị ọda kà.

Aniroomi 9:20

Ẹ yị vị avọọ ọ mẹ̀ vị, oo. Ẹwụ ọzarẹyịrẹsụ kẹnẹ, ẹnẹ vị ẹwụ ana aa và Ohomorihi ị̀karenu? Ụnọkọ ọ yị zụ kà a yị ọza ana jị ọọ ka, “Ho, sị ẹ vẹ dị ụ maanị jị mị?”

Anigaratiya 5:6

Ọza ọnịrị Ijeesu ọ̀ọ vị ọnya, ọ̀ọ jị ụvẹvẹnẹ oo, ọ̀yị jị ụvẹvẹnẹ oo, ẹ yị nyị ọ mẹ̀ kà; avaba ẹnịnị vị ọnya. Ama ịsị ẹ vị ịrẹyị ẹtẹẹtẹrẹ ọ vị ka ya sị ayị tụra Ijeesu, di ye re sì ịrẹyị ẹngụ, ana sị zụ̀ ka yáa sị ayị tụraa.

Anigaratiya 6:3

Àa nyị ọza ene ro ka áa nyị ịsị ọnị vị, ịnị ụmẹ ana ahịka ẹ yị nyị ịsị ọ vị, ọza ọnọọ ee vene ẹngụ anị.

Anikorasi 2:8

Sị eyi pe ẹngụ awụ nịnị! Asị ụ zẹẹ ka ọzọnyị-ọzọnyị ọ̀ sị ịrẹyọyẹ ẹhẹ ọnịrị ịsa kẹnẹ-kẹnẹ vene wu nịnị! Ẹngụ ịrẹyọyẹ ẹnẹẹ ịnị ụvọ aza ọnịrị ori ana nyị ụkata hi ịnị ẹhẹ ọnọnị ẹ hụrẹ vẹ nị. Ayị vị ịda Ikirisiti ẹ hụrẹ vẹ.

1 Itimoti 1:6

Aza ẹnyị ẹ sị há hụụnị oze ọnọọ, dị ẹ kụkụ aa nyị ahankata kẹnẹ-kẹnẹ nị.

Ịtayịtọsị 1:10

Áa nyị aza ẹnyị ọrụrụ-ọrụrụ ana vị anayọkatẹngụ, ọkụrẹka, dị ẹ rẹ vị enevene nị. Ọrụrụ-ọrụrụ ẹnịnị vị Aniju.

Ijemiisi 1:26

Ọza ene èe ro ka ọnị ọ́ọ nyị ahẹkẹ, dị ọ̀ yị sị ụvọ za ịrarẹ anị nị, ọza ọnọọ ee vene ẹngụ anị. Ahẹkẹ ẹngụ ọza ọnọọ vị ahẹkẹ osusu kẹnẹ-kẹnẹ.

Ijemiisi 2:17

Avọọ gẹdẹ-gẹdẹ ọ mẹ̀ rẹ yà nị; ọza ọ̀ọ ka ọnị ọ́ọ sị ayị tụra Ohomorihi, dị ẹ̀ yị sị vị ebira mẹ nị, ẹngụ ẹdọwụ ẹnẹẹ vị oku oyisu.

Ijemiisi 2:26

Wâ yẹ nịnị ka, ẹ̀ yị kụkụ nyị ụhwẹ ịnị ẹngụ ọza, vị ọza ọnọọ sú avọọ nị. Avọọ gẹdẹ-gẹdẹ ọza ọ̀ọ ka ọnị ọ́ọ sị ayị tụra Ohomorihi kẹnẹ, dị ọ̀ yị sị vị ebira mẹ nị, vị ẹdọwụ anị sị mẹẹ anka oku ene sú avọọ nị.