Ijemiisi 2:18 - IWE ỌNỊNỊ

¹⁸ Aza ẹnyị ẹ zụ nyị ahankata ka: Ọza ịnya ộ dọ Ohomorihi wụ́ kẹnẹ, dị ọsa ọnị aa mẹ̀ ịsa ana vọrọ nị. Ohi amị ọ vị ka: Ọ́za mẹmẹ nyẹngụ dọ Ohomorihi wụ́ kẹnẹ dị ẹ yị sị vị ebira mẹ? Ẹma nyẹngụ sị zụ wụ ka maa sị ayị tụra Ohomorihi ini oze ebira ọnị maa mẹ̀.

Ijemiisi 2:18 ပူးပေါင်းရင်းမြစ်များ

Aniroomi 14:23

Wàaa rị ịsa ẹnyị, dị ụ raa mẹ ayị ẹẹva tụ́ ịnị anị nị, wàa rị ịsa ọnọọ, vị Ohomorihi aa jị ịvịị yị wụ nị, agụvị ka ịsị ụ waa mẹ, ọyị jẹẹ tụ́ ịrẹsụ ịsụ ụ dọ wụ́. Ịsa tụra ịsa ọnị ọza ọ̀ọ mẹ, dị ọ̀ yị mẹẹ agụvị ka ộ vavọọ dọ wụ́ nị, ịvị ọ vị nị.

Aniroomi 3:28

Agụvị avọọ ya sị yẹ ka aza ana àa sị ayị tụra Ohomorihi kẹnẹ, ọọ̄ jị ịhị yị nị; ẹ yị vị agụvị ka aza aa mẹ̀ ịsa ọnị ọda kà.

Aniroomi 4:6

Ẹngụ ịrẹyị ọnị Idevidi vịdị aa kà ọ vị ọnọọ nị, ọ maa kà ịrẹyị ẹngụ ịrajẹ aza ẹnẹ ẹ̀ yị nyị ịsị ẹ mẹ̀ di Ohomorihi za wa ịrịka tụ́ ịnị ọnịrẹyịzẹyịza.

Aniroomi 8:1

Booro aanị, we si oo re nịnị ka ọza ọ yị kụkụ zụ jị ịvị yị ọza ọnị ọnịrị Ijeesu Ikirisiti sị vị ọnya.

Aniroomi 9:19

Aza ẹnyị awụ nịnị ẹ zụ aa kà a ka: Àa vavọọ yọ nị, sị ẹ vẹ di Ohomorihi kụkụ aa yịị jị ịvịị yị aza? Ịsị Ohomorihi òo sì ka ọnị aa mẹ, ene zụ yi ọọ?

1 Anịkọrịntị 13:2

Òo zee eyi ma nyị ụkata dị ma zụụ kà ịsẹ, dị ma rẹ yẹ avaba ịsa oni iruvo anị nyịnẹ, ọnịrị avaba ịsa ana vọ, màa daka rẹ nyị ẹdọwụ ọnị mị zụ si zina ataba, ama mè yi sì ịrẹyị ọza, osusu kẹnẹ-kẹnẹ mị vị nị.

2 Anịkọrịntị 5:17

Ọza ọnịrị Ikirisiti ọ̀ọ sị vị ọnya, ọza ọnọọ ọ sị vara ọza ọwọọwa. Ịsa ọkụkụ ọ sị para hu, ọwọọwa ọ kụkụ vẹ nị.

2 Anịkọrịntị 7:1

Ẹwụ nịnị anda ayị, avaba ayị a kà a ka a vaa mẹ̀ ịsa ẹnẹẹ yị nị. Agụvị avọọ, à vẹ ya nyịna ẹngụ ayị hụụnị avaba ịsị ẹẹ̄ mẹ ka asị ẹngụ ọza ọnịrị ayị ọza nị! À vẹ ya vị Ohomorihi saka-saka ini oze angwahi Ohomorihi ọyịnyị.

Anigaratiya 5:6

Ọza ọnịrị Ijeesu ọ̀ọ vị ọnya, ọ̀ọ jị ụvẹvẹnẹ oo, ọ̀yị jị ụvẹvẹnẹ oo, ẹ yị nyị ọ mẹ̀ kà; avaba ẹnịnị vị ọnya. Ama ịsị ẹ vị ịrẹyị ẹtẹẹtẹrẹ ọ vị ka ya sị ayị tụra Ijeesu, di ye re sì ịrẹyị ẹngụ, ana sị zụ̀ ka yáa sị ayị tụraa.

1 Itimoti 1:5

Iruvo ọnị maa sịị kà wụ ọnọ ọnọnị ọ vị ka ọ̀ mẹ ka anị ịzọọ ẹ̀ zụ nyị ịrẹyị ọza oyisì ana hụụnị ayị aza ana sị ayị tụra Ohomorihi obooro vẹ.

Ịtayịtọsị 2:7

Ẹwụ ụvọta ọ̀ọ mẹ̀ ebira ẹtẹẹrẹ, dị aza ẹ̀ zụụ sị ịrẹyị awụụ hị́ ọsa, dị ẹ̀ rẹ zụụ hama wụ. Nyị ayị ọnya, dụ wa rẹ sị ayị tụ́ ịnị ịsa ọnị waa sịị zụ̀ aza, dụ wa nyị isuuru ịnị anị.

Anihiburu 11:31

Ịrahabị ọsẹrẹka ộ sị ayị tụra Ohomorihi. Ọnị ọ mẹ ka asị a wụ ọọ beri aza ana mẹ akamawụ hi Ohomorihi nị. Aza ene ne yi ẹtẹ ọnọọ re, ọ́ọ dọ wa pe ẹngụ tụ́ ịnị ẹngwọọrọ.

Anihiburu 11:33

Ẹnịnị ệ sị ayị tụra Ohomorihi, dị ọ mẹ ka ẹ̀ zụ nyị ehuna ẹkụra irenyi-irenyi nị, ệ mẹ̀ ịsa ana vọrọ, ệ dọ ịsa oni Ohomorihi zẹẹ wa ịzẹzẹ anị. Aza ẹnyị ẹnịnị ệ mẹ ka idu nịnị è kú irenu ẹnịnị kú oku.

Anihiburu 11:6

Ọza ẹnẹ ẹ̀ yị sị ayị tụra Ohomorihi, ọ yị nyẹngụ zé Ohomorihi eyi vụrụ-vụrụ. Iruvo ọ vị ka ọza ana àa vẹ ịdị Ohomorihi, áa nyị ka ọ̀ vịdị dọ wụ́ da ka Ohomorihi yà ịzọọ, ọnịrị ka ọọ̄ sị ọgụụ yị aza ene èe sì ọọ.

Ijemiisi 2:14

Ẹwụ nịnị ẹyịnyara amị, ọza ọ̀ọ ka ọnị ọ́ọ sị ayị tụra Ohomorihi, dị ọ̀ yị sị vị ebira mẹ nị, ọgụ ịsị ẹ yà ịnị anị? Wéé ro ka Ohomorihi vaa dọ ọ há agụvị ka ộ sị ayị tụra Ohomorihi kẹnẹ?

Ijemiisi 3:13

Àa nyị ọza ana ka ọnị ọ́ọ yẹ ịrẹyị, ene eyi anị hweyi ịnị ẹngụ awụ nịnị, ọza ọnọọ ọ̀ mẹ̀ ebira ozoza, dị ọ̀ rẹ ká ịrẹsụ hi. Ịrẹsụ ọkahi ọnọọ ọ vaa sị zụ̀ ka ọ́ọ yẹ ịrẹyị nị.